完整藏文原文 · 德格版页 当前仅加载第 37 函德格 7a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་དག་ནི། སངས་རྒྱས་བཅོམ་ལྡན་འདས་རྣམས་ཀྱི་བདག་ཉིད་ཆེ་བ་རྣམ་པ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་དག་པ་སྟེ། བཅུ་གང་ཞེ་ན། སངས་རྒྱས་བཅོམ་ལྡན་འདས་རྣམས་ཀྱི་ཡང་དག་པར་བསྒྲུབས་པ་བདག་ཉིད་ཆེ་བ་
D44.037.0007a01.01ནི་སྔོན་གྱི་མཐའ་ནས་རྣམ་པ་ཐམས་ཅད་དུ་ཁ་ན་མ་ཐོ་བ་མེད་ཅིང་རྣམ་པར་དག་པའོ། །སངས་རྒྱས་བཅོམ་ལྡན་འདས་རྣམས་ཀྱི་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་ཀྱི་རྒྱུད་དུ་རིགས་དང་ལྡན་པར་འབྱུང་བའི་བདག་ཉིད་ཆེ་བ་ནི། དེ་བཞིན་གཤེགས་པའི་རིགས་
D44.037.0007a02.01རྣམ་པར་དག་པས། རྣམ་པ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། །སངས་རྒྱས་བཅོམ་ལྡན་འདས་རྣམས་ནི་རྣམ་པར་ཤེས་པ་ལ་མི་གནས་པ་སྟེ། སངས་རྒྱས་བཅོམ་ལྡན་འདས་རྣམས་ཀྱི་བདག་ཉིད་ཆེ་བ་ནི་ཕྱི་མའི་མཐའི་མུར་ཐུག་
D44.037.0007a03.01པར་གནས་པས། རྣམ་པ་ཐམས་ཅད་དུ་ཁ་ན་མ་ཐོ་བ་མེད་ཅིང་། ཤིན་ཏུ་རྣམ་པར་དག་པའོ། །སངས་རྒྱས་བཅོམ་ལྡན་འདས་རྣམས་ནི་དུས་གསུམ་ལ་མི་གནས་པར་རྣམ་པར་སྤྱོད་ཅིང་ཆོས་ཐམས་ཅད་ལ་རྟེན་པ་ཡང་དག་པར་བཅོམ་པས་སངས་
D44.037.0007a04.01རྒྱས་བཅོམ་ལྡན་འདས་རྣམས་ཀྱི་བདག་ཉིད་ཆེ་བ་ནི། རྣམ་པ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། །སངས་རྒྱས་བཅོམ་ལྡན་འདས་རྣམས་ནི་དངོས་པོ་རྣམ་པ་ཐ་དད་པ་ལ་རྣམ་པར་གཞག་པ་གཅིག་གིས་ལེན་པ་མེད་པས་སངས་
D44.037.0007a05.01རྒྱས་བཅོམ་ལྡན་འདས་རྣམས་ཀྱི་བདག་ཉིད་ཆེ་བ་ནི་རྣམ་པ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། །སངས་རྒྱས་བཅོམ་ལྡན་འདས་རྣམས་ནི་སྔོན་གྱི་མཐའ་དང་། ཕྱི་མའི་མཐར་ཆོས་ཀྱི་དབྱིངས་ལ་གནས་པས། མཉམ་པའི་བསོད་
D44.037.0007a06.01ནམས་མི་ཟད་པ་དང་ལྡན་པས་མི་ཟད་པའི་བསོད་ནམས་མངའ་བ་སྟེ། སངས་རྒྱས་བཅོམ་ལྡན་འདས་ཀྱི་བདག་ཉིད་ཆེ་བ་ནི་རྣམ་པ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། །སངས་རྒྱས་བཅོམ་ལྡན་འདས་རྣམས་ནི་སྐུ་གཟུགས་
D44.037.0007a07.01