完整藏文原文 · 德格版页 当前仅加载第 37 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། ཀྱེ་རྒྱལ་བའི་སྲས་དག་སངས་རྒྱས་ཀྱི་ཆོས་ལ་མཁས་པའི་སྣང་བ་བཅུ་པོ་དེ་དག་རབ་ཏུ་འཐོབ་བོ། །ཀྱེ་རྒྱལ་བའི་སྲས་དག་དེ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་དེ་དག་ཐོས་ནས་རིམ་གྲོ་དང་། ཞེ་ས་ཆེན་པོའི་
D44.037.0067b01.01བསམ་པས་གཟུང་བར་བྱའོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའི་ཆོས་འདི་ལ་གནས་པ་ལ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་དཀོན་པ་མ་ཡིན་ཏེ། ལས་གྲོན་ཆུང་ངུས་སངས་རྒྱས་ཀྱི་ཆོས་ཐམས་ཅད་ཡང་དག་པར་འགྲུབ་པའི་
D44.037.0067b02.01བྱིན་གྱི་རླབས་རབ་ཏུ་འཐོབ་བོ། །འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་མཉམ་པ་ཉིད་དུ་ཡང་འཇུག་པར་འགྱུར་རོ། །དེ་ནས་དེའི་ཚེ་སངས་རྒྱས་ཀྱི་མཐུས་འཇིག་རྟེན་གྱི་ཁམས་སངས་རྒྱས་ཀྱི་ཞིང་བརྗོད་དུ་{མྱེད་,མེད་}པ་
D44.037.0067b03.01བྱེ་བ་ཁྲག་ཁྲིག་བརྒྱ་སྟོང་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་རྣམས་དྲུག་ཏུ་རབ་ཏུ་གཡོས་སོ། །སངས་རྒྱས་ཀྱི་མཐུ་དང་ཆོས་ཉིད་རབ་ཏུ་ཐོབ་པས་ལྷ་རྫས་ལས་འདས་པའི་མེ་ཏོག་གི་སྤྲིན་གྱི་ཆར་མངོན་པར་བབ་བོ། །ལྷ་རྫས་ལས་འདས་པའི་སྤོས་ཀྱི་སྤྲིན་གྱི་ཆར་
D44.037.0067b04.01མངོན་པར་བབ་བོ། །གཞུང་དེ་བཞིན་དུ་ཕྱེ་མ་དང་། ན་བཟའ་དང་། རྒྱལ་མཚན་དང་། བ་དན་དང་། གདུགས་དང་། ནོར་བུ་རིན་པོ་ཆེ་དང་། སྦྲུལ་གྱི་སྙིང་པོའི་ཙན་དན་དང་། རྒྱན་དང་། ལྷབ་ལྷུབ་ཐམས་ཅད་ཀྱི་སྤྲིན་གྱི་ཆར་མངོན་པར་བབ་བོ། །ལྷ་རྫས་ལས་འདས་པའི་
D44.037.0067b05.01རོལ་མོ་དཀྲོལ་བའི་སྤྲིན་དང་། ལྷ་རྫས་ལས་འདས་པའི་རོལ་མོ་བརྡུང་བའི་སྤྲིན་གྱི་ཆར་མངོན་པར་བབ་བོ། །ལྷ་རྫས་ལས་འདས་པའི་བྱང་ཆུབ་སེམས་དཔའི་མཆོད་པའི་སྤྲིན་གྱིས་ཆར་མངོན་པར་བབ་བོ། །ལྷ་རྫས་ལས་འདས་པའི་དེ་བཞིན་གཤེགས་པའི་ཡོན་
D44.037.0067b06.01ཏན་གྱི་རྣམ་པ་བརྗོད་དུ་མེད་པའི་སྤྲིན་གྱི་ཆར་མངོན་པར་བབ་པོ། །ལྷ་རྫས་ལས་འདས་པའི་དེ་བཞིན་གཤེགས་པས་ལེགས་སོ་ཞེས་གསུངས་པའི་རྣམ་པ་བརྗོད་དུ་མེད་པའི་སྤྲིན་གྱི་ཆར་མངོན་པར་བབ་བོ། །ལྷ་རྫས་ལས་འདས་ཤིང་ཆོས་ཀྱི་དབྱིངས་སུ་རྒྱས་པར་ཁྱབ་
D44.037.0067b07.01