完整藏文原文 · 德格版页 当前仅加载第 37 函德格 30a 版页；藏文 NFD、目录标记与异常页序保留在来源切片中，重复版页行以稳定序号区分。
ད་ལྟར་བྱུང་བ་བགྲངས་པ་མཐའ་དག་ཐམས་ཅད་མངོན་པར་མཁྱེན་པ་དང་། ཚིག་གི་ལམ་མཐའ་དག་ཐམས་ཅད་མངོན་པར་མཁྱེན་པ་དང་། འཇིག་རྟེན་གྱི་རྒྱུད་མཐའ་དག་ཐམས་ཅད་མངོན་པར་མཁྱེན་པ་དང་། སེམས་ཅན་གྱི་
D44.037.0030a01.01བསམ་པ་དང་ཤེས་པ་མཐའ་དག་ཐམས་ཅད་མངོན་པར་མཁྱེན་པ་དང་། བྱང་ཆུབ་སེམས་དཔའ་དགེ་བའི་རྩ་བ་ཆུང་ངུ་དང་འབྲིང་དང་ཆེན་པོ་དང་། རྣམ་པ་སྣ་ཚོགས་སུ་རྣམ་པར་གནས་པའི་མཚན་ཉིད་ཀྱི་དགེ་བའི་རྩ་བ་རྣམས་ལ་བསམ་པ་ཚད་མེད་པ་ཡོངས་སུ་
D44.037.0030a02.01མི་གཏོང་བས་སངས་རྒྱས་ཀྱི་ཡེ་ཤེས་འབར་བར་བྱ་བ་དང་། ཡོངས་སུ་རྫོགས་པར་བྱ་བ་མཐའ་དག་ཐམས་ཅད་མངོན་པར་མཁྱེན་པ་དང་། ཆོས་ཐམས་ཅད་འཚང་རྒྱ་བའི་མཁྱེན་པ་མཐའ་དག་ཐམས་ཅད་མངོན་པར་མཁྱེན་པ་དང་། འཇིག་རྟེན་གྱི་རྒྱུད་ཐམས་
D44.037.0030a03.01ཅད་རྣམ་པར་དབྱེ་བའི་ཡེ་ཤེས་གཟིགས་པ་མཐའ་དག་ཐམས་ཅད་མངོན་པར་མཁྱེན་པ་དང་། ཆོས་ཀྱི་དབྱིངས་ཀྱི་གཞི་{མྱིག་,མིག་}འཕྲུལ་གྱི་རྣམ་པ་ལྟ་བུར་དབྱེ་བ་ཐམས་ཅད་མངོན་པར་མཁྱེན་པ་སྟེ། ཀྱེ་རྒྱལ་བའི་སྲས་བཅུ་པོ་དེ་དག་ནི་སངས་རྒྱས་བཅོམ་
D44.037.0030a04.01ལྡན་འདས་ཀྱི་ཆོས་ཐམས་ཅད་མ་ལུས་པར་མངོན་པར་མཁྱེན་པའོ།། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་བཞི་པ། ཀྱེ་རྒྱལ་བའི་སྲས་བཅུ་པོ་འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་སྟོབས་ཆེན་པོ། སྟོབས་དམ་པ་སྟོབས་ཚད་
D44.037.0030a05.01{མྱེད་,མེད་}པ་སྟོབས་བདག་ཉིད་ཆེ་བ། སྟོབས་ཐུག་པ་མེད་པ། སྟོབས་མི་མཉམ་པ་སྟོབས་སྙིང་པོ་དང་ལྡན་པ། སྟོབས་མི་ཤིགས་པ། སྟོབས་འཇིག་རྟེན་ཐམས་ཅད་ཀྱིས་བསམ་གྱིས་མི་ཁྱབ་པ། སྟོབས་སེམས་ཅན་ཐམས་ཅད་ཀྱིས་མི་འཕྲོགས་པ། སངས་རྒྱས་ཀྱི་རྒྱལ་
D44.037.0030a06.01མཚན་སྟོབས་པོ་ཆེ། དཔའ་བོ་ཆེན་པོའི་སྟོབས་རྣམས་ཏེ། བཅུ་གང་ཞེ་ན། འདི་ལྟ་སྟེ། སངས་རྒྱས་ཀྱི་སྐུ་ནི་ཕ་རོལ་གྱི་གནོད་པ་ཐམས་ཅད་ཀྱིས་མི་ཤིགས་མི་ཆོད་པའོ། །འཇིག་རྟེན་གྱི་ཡུལ་ཐམས་ཅད་ཀྱིས་སྐུ་ཚེའི་དབང་པོ་ཉམས་པར་
D44.037.0030a07.01