完整藏文原文 · 德格版页 当前仅加载第 37 函德格 175a 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་། དེ་བཞིན་གཤེགས་པ་ཐམས་ཅད་ཀྱི་གསུང་ཡོངས་སུ་བཙལ་ཞིང་ཡང་དག་པར་གཟུང་བ་ལ་མཁས་པ་ཡོངས་སུ་མི་གཏོང་བ་དང་། བྱང་ཆུབ་སེམས་དཔའི་སྤྱོད་པ་དང་། སྨོན་ལམ་ཐམས་ཅད་ཡང་
D44.037.0175a01.01དག་པར་བསྒྲུབ་པས་སངས་རྒྱས་ཀྱི་ཆོས་ཐམས་ཅད་ཡང་དག་པར་བསྒྲུབ་པ་ཡོངས་སུ་མི་གཏོང་བའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པ་ཡོངས་སུ་མི་གཏོང་བ་ལ་གནས་པ་སྟེ། དེ་དག་ལ་གནས་ཤིང་
D44.037.0175a02.01བྱང་ཆུབ་སེམས་དཔའ་རྣམས་སངས་རྒྱས་ཀྱི་ཆོས་ཐམས་ཅད་ཡོངས་སུ་མི་གཏོང་བ་བླ་ན་མེད་པ་འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ཡེ་ཤེས་ཀྱིས་རྣམ་པར་ལྟ་བ་སྟེ། བཅུ་གང་ཞེ་ན། འདི་ལྟར་ཆོས་
D44.037.0175a03.01ཐམས་ཅད་ཀྱི་ཚིག་རབ་ཏུ་དབྱེ་བ་བསྟན་པར་མཁས་པ་ལ་ཡེ་ཤེས་ཀྱིས་རྣམ་པར་ལྟ་བ་དང་། དུས་གསུམ་གྱི་དགེ་བའི་རྩ་བ་ཐམས་ཅད་ལ་ཡེ་ཤེས་ཀྱིས་རྣམ་པར་ལྟ་བ་དང་། བྱང་ཆུབ་སེམས་དཔའི་སྤྱོད་པ་དང་རྣམ་པར་འཕྲུལ་པ་ཐམས་ཅད་ལ་ཡེ་ཤེས་ཀྱིས་རྣམ་
D44.037.0175a04.01པར་ལྟ་བ་དང་། ཆོས་ཐམས་ཅད་ཀྱི་ཚུལ་གྱི་སྒོ་ལ་ཡེ་ཤེས་ཀྱིས་རྣམ་པར་ལྟ་བ་དང་། སངས་རྒྱས་ཐམས་ཅད་ཀྱི་བྱིན་གྱི་རླབས་ལ་ཡེ་ཤེས་ཀྱིས་རྣམ་པར་ལྟ་བ་དང་། གཟུངས་ཀྱི་སྒོ་ཐམས་ཅད་ལ་ཡེ་ཤེས་ཀྱིས་རྣམ་པར་ལྟ་བ་དང་། འཇིག་རྟེན་
D44.037.0175a05.01གྱི་ཁམས་ཐམས་ཅད་དུ་ཆོས་བསྟན་པ་ལ་ཡེ་ཤེས་ཀྱིས་རྣམ་པར་ལྟ་བ་དང་། ཆོས་ཀྱི་དབྱིངས་ཐམས་ཅད་དུ་འཇུག་པ་ལ་ཡེ་ཤེས་ཀྱིས་རྣམ་པར་ལྟ་བ་དང་། ཕྱོགས་བཅུ་ཐམས་ཅད་དུ་བསམ་གྱིས་མི་ཁྱབ་པ་ལ་ཡེ་ཤེས་ཀྱིས་རྣམ་པར་ལྟ་བ་དང་། སངས་
D44.037.0175a06.01རྒྱས་ཀྱི་ཆོས་ཐམས་ཅད་ཀྱི་ཡེ་ཤེས་སྣང་བ་ཆགས་པ་མེད་པ་ལ་ཡེ་ཤེས་ཀྱིས་རྣམ་པར་ལྟ་བའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ཡེ་ཤེས་ཀྱིས་རྣམ་པར་ལྟ་བ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་
D44.037.0175a07.01