完整藏文原文 · 德格版页 当前仅加载第 37 函德格 88a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པ་འབྱུང་ཞིང་ཡང་དག་པར་འགྲུབ་པ་བསྟན་པ་ཤེས་པར་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་དོན་འདི་ཉིད་ཡང་བརྟག་པར་བྱ་བའི་ཕྱིར། དེའི་ཚེ་ཚིགས་སུ་བཅད་པ་འདི་
D44.037.0088a01.01དག་སྨྲས་སོ། །འཇིག་རྟེན་ཀུན་ལས་འདས་ཤིང་སྟོབས་བཅུ་མངའ་གྱུར་ཏེ། །མི་མཉམ་མཉམ་དང་མཉམ་ཞིང་བར་སྣང་མཁའ་མཉམ་པའི། །མགོན་པོ་རྣམས་ཀྱི་སྤྱོད་ཡུལ་མཚུངས་མེད་མཐའ་ཡས་ཉོན། །དེ་དག་འཇིག་རྟེན་ཀུན་ན་ཡོན་ཏན་
D44.037.0088a02.01མཚུངས་པ་མེད། །སྟོབས་བཅུ་ཡོན་ཏན་ཚད་མེད་མངའ་བ་ཐམས་ཅད་ཀྱི། །མཐུ་ལ་སེམས་དང་ཡིད་ཀྱི་ཚུལ་གྱིས་མི་བསམ་སྟེ། །སྐྱེས་བུ་སེང་གེ་རྣམས་ནི་འཇིག་རྟེན་ཐམས་ཅད་ཀྱིས། །སྒོ་རྣམས་རེ་རེར་བསྐལ་པ་བྱེ་བར་མི་དཔོགས་སོ། །
D44.037.0088a03.01ཕྱོགས་བཅུ་ཀུན་ནས་ཞིང་རྣམས་ཇི་སྙེད་ཡོད་པ་རྣམས། །སྐྱེས་བུ་ལ་ལས་བཤིག་སྟེ་རྡུལ་ཕྲན་བགྲང་ནུས་ཀྱང་། །དེས་ནི་སྟོབས་བཅུ་མངའ་བའི་སྤུ་གཅིག་ཡོན་ཏན་ཡང་། །བསྐལ་པ་ཁྲག་ཁྲིག་བརྒྱས་ཀྱང་ཚད་གཟུང་མི་ནུས་སོ། །སྐྱེས་བུ་ལ་
D44.037.0088a04.01ལ་ནམ་མཁའི་དབྱིངས་ལ་འཇལ་བྱེད་ཅིང་། །དེ་ལྟར་ལ་ལས་རྩིས་འགོ་བཟུང་སྟེ་བགྲང་བྱས་ཀྱང་། །གཞལ་བར་མི་ནུས་མཐའ་ཡང་རྙེད་པར་མི་རུང་བ། །དེ་བཞིན་བདེ་གཤེགས་རྣམས་ཀྱི་སྤྱོད་ཡུལ་ཚད་ཀྱང་མེད། །དུས་གསུམ་སེམས་ཅན་
D44.037.0088a05.01རྣམས་ཀྱི་རིགས་རྒྱུད་ཇི་སྙེད་དང་། །དེ་དག་དུས་གསུམ་སྤྱོད་པ་སེམས་ཅན་འགའ་ཞིག་གིས། །སེམས་ཀྱི་སྐད་ཅིག་ཡུད་ཀྱིས་ཤེས་ཀྱང་འགྲོ་སྙེད་ཀྱི། །བསྐལ་བས་ཐམས་ཅད་ཟིལ་གནོན་རང་བཞིན་ཤེས་མི་ནུས། །ཇི་ལྟར་ཆོས་ཀྱི་དབྱིངས་ནི་
D44.037.0088a06.01ཀུན་ཏུ་མཐའ་ཡས་ཤིང་། །ཀུན་ཡིན་ཐམས་ཅད་མ་ཡིན་མི་སྣང་གཟུང་དུ་མེད། །དེ་བཞིན་སྟོབས་བཅུ་མངའ་བའི་སྤྱོད་ཡུལ་ཚད་མེད་དེ། །ཐམས་ཅད་ཡིན་ཡང་ཀུན་མིན་ཆོས་དབྱིངས་རང་བཞིན་ཡིན། །དེ་བཞིན་ཉིད་ནི་དེ་བཞིན་ཉིད་དུ་མི་རྟོག་
D44.037.0088a07.01