完整藏文原文 · 德格版页 当前仅加载第 37 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོག་དང་ལྡན་པས་ཡོངས་སུ་རྨོངས་པ་མེད་པ་ཡིན་ཏེ། དེ་དག་འདི་སྙམ་དུ་བདག་ཅག་གིས་ཆོས་ཀྱི་ཚིག་དང་ཡི་གེ་བྱང་ཆུབ་སེམས་དཔའི་ལམ་དང་ལྡན་པ། དེ་བཞིན་གཤེགས་པའི་ཞལ་ནས་བྱུང་བ་ལ་ལ་ཞིག་ཡོངས་སུ་མ་ཟིན་པའམ། ཆུད་ཟ་བར་འགྱུར་ཞིང་ནུབ་པར་འགྱུར་བ་མེད་
D44.037.0205b01.01དམ་ཞེས་བྱ་བར་སེམས་པ་མེད་དེ། བྱང་ཆུབ་སེམས་དཔས་མཚན་མའང་རྗེས་སུ་མི་མཐོང་ངོ་། །མཚན་མའང་རྗེས་སུ་མི་མཐོང་པས་འཇིགས་པ་དང་བྲལ་ཞིང་འཇིགས་པ་མེད་པ་ཆེན་པོའི་དམ་པ་ཐོབ་པས། དེ་བཞིན་གཤེགས་པ་ཐམས་ཅད་ཀྱི་བསྟན་པ་ཡང་དག་པར་གཟུང་བའི་
D44.037.0205b02.01ཕྱིར་ནན་ཏན་དུ་བྱེད་པ་འདི་ནི་མི་འཇིགས་པ་བདུན་པའོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་ཐབས་དང་ཤེས་རབ་དང་། ཡེ་ཤེས་ཁོང་དུ་ཆུད་པར་རྟོགས་ཤིང་བྱང་ཆུབ་སེམས་དཔའི་སྟོབས་ཀྱི་ཕ་རོལ་ཏུ་ཕྱིན་པའི་མཆོག་ཐོབ་པས། རྒྱུན་མི་ཆད་པར་སེམས་ཅན་གྱི་
D44.037.0205b03.01ཁམས་ཡོངས་སུ་སྨིན་པར་བྱེད་ཅིང་དེ་དག་སངས་རྒྱས་ཀྱི་བྱང་ཆུབ་ཏུ་སྨོན་ལམ་དང་བསམ་པ་ཆེན་པོ་རབ་ཏུ་བཏང་སྟེ། སེམས་ཅན་རྣམས་ལ་སྙིང་རྗེ་ཆེན་པོ་བསྐྱེད་ནས་ཆེད་དུ་བསམས་ཏེ། འཇིག་རྟེན་གྱི་གནས་འདོད་པ་དང་འཁྲུག་པ་དང་། ཉོན་མོངས་པའི་རྙོག་པ་ཅན་དུ་
D44.037.0205b04.01སྐྱེ་བ་བཟུང་ཞིང་འདོད་པའི་དགའ་བ་ལ་རྩེ་བ་དང་། འཁོར་ཀྱི་ལོངས་སྤྱོད་ཆེན་པོ་སེམས་ཅན་ཡོངས་སུ་སྨིན་པར་བྱ་བའི་དོན་དུ་བདག་གིས་ཡོངས་སུ་གཟུང་བ་བྱེད་ཀྱང་། དེ་དག་འདི་སྙམ་དུ་བདག་ཅག་སེམས་ཅན་གྱི་འདུ་འཛིས་གོས་པས་ཡོངས་སུ་གོས་པར་གྱུར་ཏེ། བྱང་ཆུབ་
D44.037.0205b05.01སེམས་དཔའི་ལམ་དང་ལྡན་པའི་བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་སྙོམས་པར་འཇུག་པ་དང་། གཟུངས་ཀྱི་སྒོ་དང་། སྤོབས་པའི་བར་ཆད་དམ་གཅིག་ཏུ་མི་འགྱུར་རམ་ཞེས་སེམས་པ་མེད་དེ། བྱང་ཆུབ་སེམས་དཔའ་དེ་དག་གིས་རྒྱུ་
D44.037.0205b06.01ཡང་རྗེས་སུ་མི་མཐོང་ངོ་། །ཀྱེ་རྒྱལ་བའི་སྲས་དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་རྣམས་ནི་བྱང་ཆུབ་སེམས་དཔའི་ལམ་ལ་རྒྱུན་མི་འཆད་པར་སྤྱོད་པའི་ཕྱིར། ཆོས་ཐམས་ཅད་ལ་དབང་གི་ཕ་རོལ་ཏུ་ཕྱིན་པ་དམ་པ་ཐོབ་པ་དག་སྟེ། དེ་དག་གི་འཇིག་རྟེན་གྱི་རྣམ་པར་
D44.037.0205b07.01