完整藏文原文 · 德格版页 当前仅加载第 37 函德格 16b 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་པ་ཀུན་ཏུ་མཚམས་མེད་པར་སེམས་ཅན་ཐམས་ཅད་འོང་ཞིང་འགྲོ་བ་དང་། སྐྱེ་བའི་སྐྱེ་མཆེད་ཐམས་ཅད་དུ་འདོད་པའི་ལོངས་སྤྱོད་རྒྱ་ཆེན་པོ་བགེགས་མེད་པ་ཐམས་ཅད་འབྱུང་བར་བྱ་བ་ལ་མངའ་ཆེ་བ་སྟེ། འདི་ནི་སངས་རྒྱས་བཅོམ་ལྡན་འདས་
D44.037.0016b01.01རྣམས་ཀྱི་སངས་རྒྱས་ཀྱི་མངའ་ཆེན་པོས་མངའ་བསྒྱུར་བའི་ཆོས་དགུ་པའོ། །སངས་རྒྱས་བཅོམ་ལྡན་འདས་རྣམས་ནི་ཆོས་ཀྱི་དབྱིངས་མ་ལུས་པ་ཐམས་ཅད་དུ་པདྨོའི་རྒྱན་ཆེན་པོས་བརྒྱན་བཱི་སེང་གེའི་ཁྲི་པད་མོའི་སྙིང་པོ་ཅན་ལ་དེ་བཞིན་
D44.037.0016b02.01གཤེགས་པ་གཅིག་གི་ཆོས་ཀྱི་དབྱིངས་ཚད་མེད་པ་ཐམས་ཅད་དུ་ཁྱབ་པའི་སྐུས་བྱང་ཆུབ་ཏུ་མངོན་པར་རྫོགས་པར་སངས་རྒྱས་ཏེ། སངས་རྒྱས་ཀྱི་རྣམ་པར་འཕྲུལ་པ་ཐམས་ཅད་ཡོངས་སུ་བསྟན་པར་མཛད་པ་དང་། དེ་བཞིན་གཤེགས་པ་གཅིག་
D44.037.0016b03.01གིས་ཇི་ལྟ་བར་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་སེམས་ཅན་གྱི་གཙོ་བོ་ཐམས་ཅད་ཀྱང་དེ་བཞིན་དུ་དགོངས་པ་སྐད་ཅིག་མ་རེ་རེའི་བྱིན་གྱི་རླབས་ཀྱིས་བརླབས་པ་དང་། དགོངས་པ་སྐད་ཅིག་ལ་ཇི་ལྟ་བ་དེ་བཞིན་དུ་དགོངས་པ་
D44.037.0016b04.01སྐད་ཅིག་མ་ཐམས་ཅད་ལ་ཡང་། པད་མོའི་རྒྱུད་ཀྱིས་ཡོངས་སུ་དག་པར་མངོན་པར་འཚང་རྒྱ་བར་བྱ་བ་དང་། དེ་བཞིན་དུ་ཆོས་ཀྱི་དབྱིངས་ཐམས་ཅད་མ་ལུས་པའི་སངས་རྒྱས་ཀྱི་ཞིང་བརྗོད་དུ་མེད་པ་རྣམ་པར་དག་པ། རྒྱན་སྣ་ཚོགས་དང་ལྡན་
D44.037.0016b05.01པའི་འཇིག་རྟེན་གྱི་ཁམས་སུ་དམིགས་པ་རྣམ་པ་སྣ་ཚོགས་དང་ལྡན་པའི་ཞིང་རྣམ་པར་དག་པ་འབྱམ་ཀླས་པ། བརྗོད་དུ་མེད་པ་མཚན་ཉིད་ཐ་དད་པ་རྣམ་པ་ཐ་དད་པའི་རྒྱུད་ཚད་མེད་ཅིང་འབྱམ་ཀླས་པ། དུས་ཀྱི་རྒྱུད་གྲངས་མེད་པ་དང་ལྡན་པ་བསྟན་
D44.037.0016b06.01པ་མ་འདྲེས་པ་དང་ལྡན་པ། བློ་ཚད་མེད་པ་དང་མོས་པ་ཤིན་ཏུ་ཡངས་པ་དང་ལྡན་པ། མཚན་ཉིད་སྣ་ཚོགས་ཀྱི་གནས་མེད་པ། མཚན་ཉིད་བསམ་གྱིས་མི་ཁྱབ་པ་དང་ལྡན་པ། ཚད་མེད་པ་ཐམས་ཅད་དགོངས་པ་སྐད་ཅིག་མ་ལས་དགོངས་པ་
D44.037.0016b07.01