完整藏文原文 · 德格版页 当前仅加载第 37 函德格 81a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོའི་འཇིག་རྟེན་གྱི་ཁམས་སུ་གཏོགས་པ་ཐམས་ཅད་ཀྱི་རྐྱེན་དུ་སྐྱེས་པའི་ལས་དང་། བྱང་ཆུབ་སེམས་དཔའི་དགེ་བའི་རྩ་བའི་སྟོབས་དང་ཤུགས་ཀྱིས། །གནས་ཀྱི་རྣམ་པའི་རྒྱན་རྣམ་པར་ཕྱེ་བ་ཤིན་ཏུ་རྣམ་པར་དབྱེ་བས་སྟོང་
D44.037.0081a01.01གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམ་པར་དབྱེ་བའི་ཕྱིར་ལྡང་སྟེ། ཀྱེ་རྒྱལ་བའི་སྲས་དག་དེ་དག་ལ་{སྩོགས་,སོགས་}པའི་རྣམ་པ་ཚད་མེད་པས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཆོས་ཉིད་རབ་ཏུ་ཐོབ་པའི་ཕྱིར། ཡོངས་སུ་འབྱུང་བར་
D44.037.0081a02.01འགྱུར་བ་ཡང་འབྱུང་བ་དེ་ལ་འབྱུང་བར་བྱེད་པ་གང་ཡང་མེད་དེ། འབྱུང་བར་འགྱུར་བའང་མེད་པ་མ་ཡིན་ནོ། །ཀྱེ་རྒྱལ་བའི་སྲས་དག་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱང་རྒྱུ་གཅིག་མ་ཡིན་པ་དང་།
D44.037.0081a03.01རྐྱེན་གཅིག་མ་ཡིན་པས་འབྱུང་བར་འགྱུར་ཏེ། ཀྱེ་རྒྱལ་བའི་སྲས་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་རྒྱུ་ཚད་མེད་པ་དང་། རྣམ་པ་ཚད་མེད་པ་དང་། ཡང་དག་པར་བསྒྲུབ་པ་ཚད་མེད་པས་
D44.037.0081a04.01འབྱུང་སྟེ། འདི་ལྟར་ཡང་དག་པར་རྫོགས་པའི་སངས་རྒྱས་རྣམས་ཀྱི་དྲུང་དུ་སྔོན་ཆོས་ཀྱི་སྤྲིན་གྱི་ཆར་ཆེན་པོ་བབས་ཀྱང་རྒྱུར་བྱས་ལ། དེ་བཞིན་གཤེགས་པའི་ཡེ་ཤེས་ཀྱི་རླུང་གི་དཀྱིལ་འཁོར་བཞི་རྒྱུན་མི་ཆད་པར་ལྡང་བས་ཀྱང་རྒྱུ་བྱས་ནས་ཡང་དག་པར་
D44.037.0081a05.01འགྲུབ་པར་འགྱུར་རོ། །བཞི་གང་ཞེ་ན་འདི་ལྟ་སྟེ། དེ་བཞིན་གཤེགས་པའི་ཡེ་ཤེས་ཀྱི་རླུང་གི་དཀྱིལ་འཁོར་ཆེན་པོ་དྲན་པས་ཡང་དག་པར་བཟུང་ཞིང་གཟུངས་ཀྱིས་ཆུད་མི་ཟ་བ་ཞེས་བྱ་བ་ཡོད་དེ། དེ་ནི་དེ་བཞིན་གཤེགས་པ་དེ་དག་གི་ཆོས་ཀྱི་སྤྲིན་
D44.037.0081a06.01ཆེན་པོའི་ཆར་ཡང་དག་པར་གཟུང་བའི་ཕྱིར་ལྡང་ངོ་། །དེ་བཞིན་གཤེགས་པའི་ཡེ་ཤེས་ཀྱི་རླུང་གི་དཀྱིལ་འཁོར་ཆེན་པོ་ལྷག་མཐོང་དང་། ཞི་གནས་ཀྱིས་བསྒྲུབས་པ་ཞེས་བྱ་བ་ཡོད་དེ། དེ་ནི་ཉོན་མོངས་པ་ཐམས་ཅད་ཡོངས་སུ་བསྐམ་པའི་ཕྱིར་ལྡང་ངོ་། །
D44.037.0081a07.01