完整藏文原文 · 德格版页 当前仅加载第 37 函德格 209a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་རྣམས་ཀྱི་ཆོས་མ་འདྲེས་པ་བརྒྱད་པའོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་ཐམས་ཅད་མཁྱེན་པ་ཉིད་ཀྱི་སེམས་བརྟན་པ་དང་ལྡན་པའི་ལྷག་པའི་བསམ་པའི་གོ་ཅ་ཤིན་ཏུ་བགོས་པས། དེ་དག་ཇི་ལྟར་ཉོན་མོངས་ཤིང་བྱིས་
D44.037.0209a01.01པའི་སྐྱེ་བོའི་འདུ་འཛི་དང་། ཇི་ལྟར་བསྟེན་ཏམ། ཉན་ཐོས་དང་རང་སངས་རྒྱས་ཀྱི་ཚོགས་ཀྱི་ནང་དུ་ཇི་ལྟར་ཕྱིན་ཀྱང་རུང་སྟེ། ཐམས་ཅད་མཁྱེན་པའི་སེམས་རིན་པོ་ཆེ་བཟང་པོ་འོད་དང་ལྡན་པ་དེ་འཇིག་པར་མི་བྱེད་དོ། །ཀྱེ་རྒྱལ་བའི་སྲས་དེ་ནི་འདི་ལྟ་སྟེ་
D44.037.0209a02.01དཔེར་ན་ནོར་བུ་རིན་པོ་ཆེ་ཆེན་པོ་རྒྱན་བཟང་པོ་ཞེས་བྱ་བ་དེ་ཆུ་དང་བར་བྱེད་པ་ནི་པད་མོའི་རྫིང་བུ་ཇི་ལྟར་རྙོག་ཀྱང་རུང་སྟེ། ནང་དུ་བཅུག་ན་ནོར་བུ་རིན་པོ་ཆེའི་འོད་གསལ་ཞིང་བཟང་པོ་དེ་ཉིད་རྣམ་པར་མི་སྤོང་སྟེ། ཆུ་དེ་ཐམས་ཅད་ཀྱང་རྙོག་པ་མེད་པར་རབ་ཏུ་དང་བར་བྱེད་དོ། །ཀྱེ་
D44.037.0209a03.01རྒྱལ་བའི་སྲས་དེ་བཞིན་དུ་བྱང་ཆུབ་སེམས་དཔའ་ཡང་བྱིས་པའི་སྐྱེ་བོའི་འདུ་འཛིས་ཇི་ལྟར་བསྟེན་ཀྱང་ཐམས་ཅད་མཁྱེན་པའི་སེམས་རིན་པོ་ཆེའི་འོད་གསལ་ཞིང་སྣང་བ་བཟང་པོ་དེ་ཆུད་ཟོས་པར་མི་བྱེད་དེ་སེམས་ཅན་དེ་དག་ཀྱང་ཉོན་མོངས་པའི་རྙོག་པ་དེ་ལས་ཟློག་ཅིང་ཐམས་ཅད་
D44.037.0209a04.01མཁྱེན་པའི་སེམས་རིན་པོ་ཆེའི་འོད་གསལ་ཞིང་སྣང་བ་དེ་ཉིད་ལ་རབ་ཏུ་འགོད་དོ། །ཀྱེ་རྒྱལ་བའི་སྲས་དེ་ལྟར་ཅི་ལྟར་ཉོན་མོངས་པར་གྱུར་ཀྱང་རུང་། བྱིས་པའི་སྐྱེ་བོའི་འདུ་འཛི་དང་། ཇི་ལྟར་བསྟེན་ཏམ། ཉན་ཐོས་དང་རང་སངས་རྒྱས་ཀྱི་ཚོགས་ཀྱི་ནང་དུ་ཇི་ལྟར་
D44.037.0209a05.01ཕྱིན་ཀྱང་རུང་སྟེ། ཐམས་ཅད་མཁྱེན་པའི་སེམས་རིན་པོ་ཆེ་དེ་ཉིད་འཇིག་པར་མི་བྱེད་པ་དེ་ནི་བྱང་ཆུབ་སེམས་དཔའི་ཆོས་མ་འདྲེས་པ་སྟེ། འདི་ནི་བྱང་ཆུབ་སེམས་དཔའི་ཆོས་མ་འདྲེས་པ་དགུ་པའོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་རྣམས་ནི་རང་གི་ཡུལ་གྱི་
D44.037.0209a06.01ཡེ་ཤེས་ཀྱི་ཆོས་ལ་དབང་བསྒྱུར་བའི་ཕ་རོལ་ཏུ་ཕྱིན་པ་དམ་པ་ཐོབ་པ་སྟེ། རང་བྱུང་གི་ཡེ་ཤེས་ཀྱི་དབང་བསྐུར་བས་དབང་བསྐུར་ཞིང་གོ་འཕང་སྐྱོན་མེད་པ་ལ་གནས་ཀྱང་དགེ་བའི་བཤེས་གཉེན་ལ་གནས་པ་རིང་དུ་མི་སྤོང་ཞིང་དེ་བཞིན་གཤེགས་པ་ལ་རིམ་གྲོ་བྱ་བའི་
D44.037.0209a07.01