完整藏文原文 · 德格版页 当前仅加载第 37 函德格 134a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་རྣམས་ཀྱི་ཏིང་ངེ་འཛིན་མི་གཡོ་བ་ཞེས་བྱ་བ་ཡོད་དེ། ཏིང་ངེ་འཛིན་དེ་ལ་ནི་དེ་བཞིན་གཤེགས་པ་རྣམས་ཡོངས་སུ་མྱ་ངན་ལས་འདའ་བ་སྟོན་པའི་ཚེ་སྙོམས་པར་འཇུག་གོ །ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་དེ་བཞིན་གཤེགས་
D44.037.0134a01.01པའི་སྐུ་འབྱམ་ཀླས་པ་རེ་རེ་ལས་ཀྱང་འོད་ཟེར་བྱེ་བ་ཁྲག་ཁྲིག་བརྒྱ་སྟོང་ཚད་མེད་པ་འབྱུང་བར་འགྱུར་ཏེ། འོད་ཟེར་དེ་དག་རེ་རེའི་སྒོ་ནས་ཀྱང་པད་མོ་གྲངས་མེད་པ་འབྱུང་བར་འགྱུར་རོ། །པད་མོ་དེ་དག་རེ་རེ་ལས་ཀྱང་ཟེ་བ་བརྗོད་དུ་མེད་པ་འབྱུང་བར་འགྱུར་རོ། །
D44.037.0134a02.01ཟེ་བ་དེ་དག་ཐམས་ཅད་ལ་ཡང་སེང་གེའི་ཁྲི་མང་པོ་འབྱུང་བར་འགྱུར་ཏེ། སེང་གེའི་ཁྲི་མང་པོ་དེ་དག་ལ་ཡང་དེ་བཞིན་གཤེགས་པའི་སྐུ་མང་པོ་བཞུགས་པ་ཡོངས་སུ་སྣང་ངོ་། །ཀྱེ་རྒྱལ་བའི་སྲས་དེ་ལ་སེམས་ཅན་ཐམས་ཅད་ཀྱི་གྲངས་ཇི་སྙེད་ཡོད་
D44.037.0134a03.01པ་དེ་སྙེད་ཀྱི་དེ་བཞིན་གཤེགས་པའི་སྐུ་རྣམ་པའི་མཆོག་ཐམས་ཅད་དང་ལྡན་པ། སངས་རྒྱས་ཀྱི་ཡོན་ཏན་གྱི་རྒྱན་ཐམས་ཅད་ཀྱིས་ཤིན་ཏུ་བརྒྱན་པ་ཀུན་ནས་བཞུགས་ཏེ། དེ་དག་ནི་སྔོན་གྱི་དམ་བཅས་པ་ཆེན་པོ་མཐར་དབྱུང་བའི་ཕྱིར་རོ། །དེ་ལ་སེམས་
D44.037.0134a04.01ཅན་དབང་པོ་ཡོངས་སུ་སྨིན་པ་རྣམས་ཀྱིས་དེ་བཞིན་གཤེགས་པའི་སྐུ་དེ་དག་མཐོང་ནས་རྣམ་པར་འདུལ་བར་འགྱུར་ཏེ། དེ་བཞིན་གཤེགས་པའི་སྐུ་དེ་དག་ཀྱང་འདི་ལྟ་སྟེ། སེམས་ཅན་ཐམས་ཅད་དུས་གང་དུ་ཡོངས་སུ་སྨིན་པར་གྱུར་བའི་ཚུལ་བཞིན་དུ་གདུལ་བའི་དུས་
D44.037.0134a05.01ལས་མི་འདའ་བར་བྱ་བའི་ཕྱིར། ཕྱི་མའི་མཐའི་མུར་ཐུག་པར་བྱིན་གྱིས་བརླབས་པ་དག་སྟེ། དེ་བཞིན་གཤེགས་པའི་སྐུ་དེ་དག་ནི་ཡུལ་ན་གནས་པའང་མ་ཡིན། ཕྱོགས་ན་གནས་པའང་མ་ཡིན་ནོ། །ཡོད་པ་ཡང་མ་ཡིན་མེད་པའང་མ་ཡིན་ནོ། །འོན་ཀྱང་དེ་བཞིན་
D44.037.0134a06.01གཤེགས་པའི་སྔོན་གྱི་སྨོན་ལམ་ཆེན་པོའི་བྱིན་གྱི་རླབས་དང་། སེམས་ཅན་རྣམས་ཀྱི་དབང་པོ་ཡོངས་སུ་སྨིན་པ་རྒྱུར་བྱས་ན། དེ་བཞིན་གཤེགས་པའི་སྐུ་དེ་དག་ཀྱང་བརྗོད་པར་འགྱུར་རོ། །ཀྱེ་རྒྱལ་བའི་སྲས་དེ་ལྟར་བྱང་ཆུབ་སེམས་དཔའ་སེམས་
D44.037.0134a07.01