完整藏文原文 · 德格版页 当前仅加载第 37 函德格 179b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་བསྐྱེད་པ་དང་། གཏེར་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བརྩམ་པ་ཆེན་པོ་དང་། བྱང་ཆུབ་སེམས་དཔའི་སྤྱོད་པ་རྫོགས་པར་དཀའ་བ་ཡོངས་སུ་རྫོགས་པར་བྱའོ། །སྙམ་སྟེ་ཞུམ་པ་མེད་པའི་སེམས་བསྐྱེད་པ་དང་།
D44.037.0179b01.01སེམས་ཅན་གྱི་ཁམས་ཐམས་ཅད་བླ་ན་མེད་པའི་ཡོངས་སུ་སྨིན་པར་བྱ་བ་དང་། བླ་ན་མེད་པའི་གདུལ་བས་ཡོངས་སུ་སྨིན་པར་བྱའོ། །གདུལ་བར་བྱའོ་སྙམ་སྟེ། ཞུམ་པ་མེད་པའི་སེམས་བསྐྱེད་པ་དང་། འཇིག་རྟེན་གྱི་ཁམས་ཐམས་ཅད་ཁ་དོག་
D44.037.0179b02.01དུ་མ་དང་ཁ་དོག་སྣ་ཚོགས་དང་། བརྒྱ་སྟོང་དུ་མ་ལས་འདས་པའི་ཁ་དོག་དུ་མོས་པར་བསྒྱུར་ལ་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་བྱའོ་སྙམ་སྟེ། ཞུམ་པ་མེད་པའི་སེམས་བསྐྱེད་པ་དང་། ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་
D44.037.0179b03.01དཔའ་འདི་ལྟར་སེམས་བསྐྱེད་དེ། བདག་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། གང་ལ་ལ་ཞིག་གིས་བདག་གི་ལུས་ལ་དམིགས་ཏེ། ལག་པ་དང་རྐང་པ་དང་རྣ་བ་དང་སྣ་དང་། ཤ་དང་ཁྲག་དང་རུས་པ་དང་རྐང་དང་། བུ་དང་བུ་མོ་དང་ཆུང་མ་
D44.037.0179b04.01དང་གླང་པོ་དང་། རྟ་དང་རྒྱལ་སྲིད་དང་གཡོག་འཁོར་ཐམས་ཅད་སློང་བ་ཞིག་བྱུང་ན་དེ་ལ་བདག་གིས་ཐམས་ཅད་ཡོངས་སུ་གཏང་བར་བྱས་ཏེ། སེམས་ཅན་ཐམས་ཅད་ལ་ཡོངས་སུ་སྐྱོ་བ་དང་ལྡན་པའི་སེམས་གཅིག་ཀྱང་མི་བསྐྱེད་དོ། །སེམས་
D44.037.0179b05.01ཅན་ཐམས་ཅད་ལ་ཕན་པ་དང་། བདེ་བའི་ཕྱིར་རྣམ་པར་སྨིན་པ་ལ་རེ་བ་མེད་ཅིང་སྙིང་རྗེ་ཆེན་པོ་སྔོན་དུ་འགྲོ་བ་དང་། བྱམས་པ་ཆེན་པོའི་མཐར་གཏུགས་པའི་སེམས་བསྐྱེད་པས། ལུས་ཐམས་ཅད་ཀྱང་ཡོངས་སུ་གཏང་ངོ་སྙམ་སྟེ། ཞུམ་
D44.037.0179b06.01པ་མེད་པའི་སེམས་བསྐྱེད་པ་དང་། ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་འདི་སྙམ་དུ་སེམས་ཏེ། དུས་གསུམ་གྱི་སངས་རྒྱས་ཐམས་ཅད་དང་། སངས་རྒྱས་ཀྱི་ཆོས་ཐམས་ཅད་དང་། སེམས་ཅན་ཐམས་ཅད་དང་།
D44.037.0179b07.01