完整藏文原文 · 德格版页 当前仅加载第 37 函德格 26b 版页；藏文 NFD、目录标记与异常页序保留在来源切片中，重复版页行以稳定序号区分。
ཉན་ཐོས་དང་། སངས་རྒྱས་རང་སངས་རྒྱས་དང་། སངས་རྒྱས་བྱང་ཆུབ་སེམས་དཔའ་ཡོངས་སུ་ཚོལ་བས་ཀྱང་སངས་རྒྱས་ཀྱི་ཕྲིན་ལས་རྒྱུན་མི་འཆད་དོ། །ཆོས་སྟོན་པས་ཀྱང་སངས་རྒྱས་ཀྱི་ཕྲིན་ལས་རྒྱུན་མི་འཆད་དོ། །སངས་རྒྱས་གཅིག་
D44.037.0026b01.01བརྗོད་པས་ཀྱང་སངས་རྒྱས་ཀྱི་ཕྲིན་ལས་རྒྱུན་མི་འཆད་དོ། །སངས་རྒྱས་ཐམས་ཅད་བརྗོད་པས་ཀྱང་སངས་རྒྱས་ཀྱི་ཕྲིན་ལས་རྒྱུན་མི་འཆད་དོ། །བྱང་ཆུབ་སེམས་དཔའི་སྤྱོད་པའི་ཁྱད་པར་དང་། སྨོན་ལམ་ཐམས་ཅད་གཅིག་ཏུ་བརྗོད་པས་ཀྱང་
D44.037.0026b02.01སངས་རྒྱས་ཀྱི་ཕྲིན་ལས་རྒྱུན་མི་འཆད་དོ། །བྱང་ཆུབ་སེམས་དཔའི་སྤྱོད་པ་གཅིག་རྣམ་པར་ཕྱེ་སྟེ། སྤྱོད་པ་ཐ་དད་པ་བརྗོད་པས་ཀྱང་སངས་རྒྱས་ཀྱི་ཕྲིན་ལས་རྒྱུན་མི་འཆད་དོ། །འཇིག་རྟེན་གྱི་ཡུལ་སངས་རྒྱས་ཀྱི་ཡུལ་དུ་བརྗོད་པས་ཀྱང་སངས་
D44.037.0026b03.01རྒྱས་ཀྱི་ཕྲིན་ལས་རྒྱུན་མི་འཆད་དོ། །སངས་རྒྱས་ཀྱི་ཡུལ་འཇིག་རྟེན་གྱི་ཡུལ་དུ་བརྗོད་པས་ཀྱང་སངས་རྒྱས་ཀྱི་ཕྲིན་ལས་རྒྱུན་མི་འཆད་དོ། །ཡུལ་མ་ཡིན་པ་སངས་རྒྱས་ཀྱི་ཡུལ་དུ་བརྗོད་པས་ཀྱང་སངས་རྒྱས་ཀྱི་ཕྲིན་ལས་རྒྱུན་མི་འཆད་དོ། །ཉིན་
D44.037.0026b04.01མཚན་དང་ཟླ་བ་ཡར་ཁམ་མར་ཁམ་དང་། ཟླ་བ་དང་། ལོ་འགྲངས་པར་བཞུགས་པ་དང་། ཡོངས་སུ་བཞུགས་པ་ནས། དེ་བཞིན་དུ་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་བར་དུ་བཞུགས་པ་དང་། ཡོངས་སུ་བཞུགས་པས་ཀྱང་སངས་
D44.037.0026b05.01རྒྱས་བཅོམ་ལྡན་འདས་རྣམས་སེམས་ཅན་རྣམས་ལ་སངས་རྒྱས་ཀྱི་ཕྲིན་ལས་མཛད་དེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་ཕྲིན་ལས་བརྒྱད་པའོ། །སངས་རྒྱས་བཅོམ་ལྡན་འདས་རྣམས་ནི་དགེ་བའི་རྩ་བ་རྣམས་ལ་འབྱུང་གནས་ལྟ་བུ།
D44.037.0026b06.01སེམས་ཅན་ཐམས་ཅད་ཀྱི་བསམ་པ་ཀུན་ལ་རྣམ་པར་སྤྱོད་པ་ལྟ་བུ། །སངས་རྒྱས་རྣམས་ལ་དད་པ་ལྟ་བུ། སེམས་ཁོང་དུ་ཆུད་པར་བྱ་བ་ལ་ཤིན་ཏུ་མོས་པ་ལྟ་བུ། དབང་པོ་རྣམས་ལ་བསྒྲུབ་པ་ལྟ་བུ། སེམས་ཅན་སྐྱེ་དགུ་ཐམས་ཅད་ལ་འདུལ་བ་
D44.037.0026b07.01