完整藏文原文 · 德格版页 当前仅加载第 37 函德格 163b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་མ་བྱོན་པ་རྣམས་ཀྱི་སངས་རྒྱས་གཅིག་ནས་གཅིག་ཏུ་བརྒྱུད་པ་ཤེས་པ་འདི་ནི་སངས་རྒྱས་ཀྱི་ཆོས་ཟབ་མོ་ལ་འཇུག་པ་བརྒྱད་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་
D44.037.0163b01.01ཆོས་ཀྱི་དབྱིངས་ཀྱིས་ཀླས་ཤིང་ནམ་མཁའི་མཐས་གཏུགས་པའི་སངས་རྒྱས་ཀྱི་ཞིང་རབ་ཏུ་ཤེས་སོ། །འཁོར་གྱི་དཀྱིལ་འཁོར་རབ་ཏུ་ཤེས་སོ། །ཆོས་བསྟན་པ་རབ་ཏུ་ཤེས་སོ། །སེམས་ཅན་འདུལ་བ་རབ་ཏུ་ཤེས་སོ། །དེ་བཞིན་དུ་ཕྱོགས་བཅུ་ཀུན་
D44.037.0163b02.01གྱི་ཡང་རབ་ཏུ་ཤེས་ཏེ། འདི་ནི་སངས་རྒྱས་ཀྱི་ཆོས་ཟབ་མོ་ལ་འཇུག་པ་དགུ་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་འཇིག་རྟེན་གྱི་ཆོས་རབ་ཏུ་ཤེས་སོ། །ཉན་ཐོས་ཀྱི་ཆོས་རབ་ཏུ་ཤེས་སོ། །རང་སངས་རྒྱས་ཀྱི་ཆོས་རབ་ཏུ་
D44.037.0163b03.01ཤེས་སོ། །བྱང་ཆུབ་སེམས་དཔའི་ཆོས་རབ་ཏུ་ཤེས་སོ། །དེ་བཞིན་གཤེགས་པའི་ཆོས་རབ་ཏུ་ཤེས་སོ། །ཆོས་དེ་དག་ལའང་རྣམ་པར་མི་རྟོག་པས་རབ་ཏུ་ཞུགས་ནས་རྣམ་པ་ཐ་དད་པར་སྟོན་ཏེ། ཆོས་དེ་དག་ཀྱང་གཟུང་བ་མེད་པའི་ཚུལ་གྱིས་ཆོས་
D44.037.0163b04.01ཀྱི་དབྱིངས་སུ་འཛུད་དོ། །ཆོས་རྣམས་རྣམ་པར་བརྟག་ཏུ་མེད་པར་ཡང་ཤེས་ལ། ཆོས་དེ་དག་ཇི་ལྟ་བ་དེ་བཞིན་ཏུའང་རབ་ཏུ་སྟོན་ཏེ། འདི་ནི་སངས་རྒྱས་ཀྱི་ཆོས་ཟབ་མོ་ལ་འཇུག་པ་བཅུ་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་
D44.037.0163b05.01སེམས་དཔའ་རྣམས་ཀྱི་སངས་རྒྱས་ཀྱི་ཆོས་ཟབ་མོ་ལ་འཇུག་པ་བཅུ་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་ཡང་དག་པར་རྫོགས་པའི་བྱང་ཆུབ་ཀྱི་ཡེ་ཤེས་ཆེན་པོ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་
D44.037.0163b06.01པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་གནས་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་བྱང་ཆུབ་ཀྱི་སྤྱད་པ་སྤྱོད་དོ། །བཅུ་གང་ཞེ་ན་འདི་ལྟར་སངས་རྒྱས་ཐམས་ཅད་མཆོད་པ་དང་། རིམ་གྲོར་བྱ་བ་ལ་གནས་ཤིང་
D44.037.0163b07.01