完整藏文原文 · 德格版页 当前仅加载第 37 函德格 84b 版页；藏文 NFD、目录标记与异常页序保留在来源切片中，重复版页行以稳定序号区分。
བདུད་ལས་རྒྱལ་དང་། བདུད་ལས་ཤིན་ཏུ་རྒྱལ་དང་། གཉའ་ཤིང་འཛིན་དང་། ས་འཛིན་དང་། བཏང་བཟུང་དང་། བཏང་བཟུང་ཆེན་པོ་དང་། སྤོས་ཀྱི་ངད་ཅན་དང་། ཁ་བ་ཅན་ནོ། །རླུང་གི་དཀྱིལ་འཁོར་རབ་ཏུ་གནས་པ་ཞེས་བྱ་བ་ལྡང་སྟེ། དེ་ནི་ས་ཆེན་
D44.037.0084b01.01པོ་ཀུན་ནས་གནས་པར་བྱེད་དོ། །རླུང་གི་དཀྱིལ་འཁོར་རྣམ་པར་བཀོད་པ་ཞེས་བྱ་བ་ལྡང་སྟེ། དེ་ནི་ས་བླའི་ལྷ་དང་། ཀླུ་དང་དྲི་ཟའི་ཁྱིམ་ཀུན་ནས་གནས་པར་བྱེད་དོ། །རླུང་གི་དཀྱིལ་འཁོར་མཛོད་མི་ཟད་པ་ཞེས་བྱ་བ་ལྡང་སྟེ། དེ་ནི་སྟོང་གསུམ་གྱི་
D44.037.0084b02.01སྟོང་ཆེན་པོའི་འཇིག་རྟེན་གྱི་ཁམས་སུ་གཏོགས་པའི་རྒྱ་མཚོ་ཆེན་པོ་ཀུན་ནས་གནས་པར་བྱེད་དོ། །རླུང་གི་དཀྱིལ་འཁོར་རྣམ་པར་སྣང་བའི་དཀྱིལ་འཁོར་ཞེས་བྱ་བ་ལྡང་སྟེ། དེ་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་རིན་པོ་ཆེའི་རིགས་
D44.037.0084b03.01ཐམས་ཅད་ཀུན་ནས་གནས་པར་བྱེད་དོ། །རླུང་གི་དཀྱིལ་འཁོར་རྩ་བ་བརྟན་པ་ཞེས་བྱ་བ་ལྡང་སྟེ། དེ་ནི་ཡིད་བཞིན་གྱི་ཤིང་ཐམས་ཅད་ཀུན་ནས་གནས་པར་བྱེད་དོ། །ཀྱེ་རྒྱལ་བའི་སྲས་དེ་ལྟར་ཆར་སྤྲིན་ཆེན་པོའི་ཆར་རོ་གཅིག་ཏུ་འབབ་པ་དང་། ཆུའི་
D44.037.0084b04.01ཕུང་པོ་རྣམ་པར་མི་རྟོག་པ་ལས། ཆོས་ཉིད་ཐོབ་པ་དང་། སེམས་ཅན་རྣམས་ཀྱི་དགེ་བའི་རྩ་བ་ཐ་དད་པའི་ཁྱད་པར་གྱིས། རླུང་གི་དཀྱིལ་འཁོར་རྣམ་པ་ཐ་དད་པ་ཡོད་ཅིང་སྣང་ངོ་། །རླུང་གི་དཀྱིལ་འཁོར་རྣམ་པ་ཐ་དད་པར་གྱུར་པས། སྟོང་
D44.037.0084b05.01གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱང་ཡོད་ཅིང་སྣང་ངོ་། །ཀྱེ་རྒྱལ་བའི་སྲས་དག་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དགེ་བའི་རྩ་བའི་ཚོགས་ཐམས་ཅད་ཤིན་ཏུ་བསྩགས་པ། བླ་ན་མེད་པའི་ཡེ་ཤེས་ཆེན་
D44.037.0084b06.01པོ་སྣང་བ་ལ་མངོན་དུ་གྱུར་པ་རྣམས་འབྱུང་བའི་ཚེ། ཡེ་ཤེས་ཀྱི་འོད་ཟེར་ཆེན་པོ་བསམ་གྱིས་མི་ཁྱབ་པ། དེ་བཞིན་གཤེགས་པའི་རིགས་རྒྱུན་མི་གཅོད་པ་ཞེས་བྱ་བ་འཇིག་རྟེན་གྱི་ཁམས་མ་ལུས་པ་ཐམས་ཅད་རྒྱས་པར་འགེངས་པ་འབྱུང་སྟེ། འོད་ཟེར་
D44.037.0084b07.01