完整藏文原文 · 德格版页 当前仅加载第 37 函德格 311b 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་བྱུང་བ་རྣམས། །ཡོན་ཏན་རྒྱ་མཚོའི་ལེགས་པ་བརྗོད་པ་དག །རྒྱ་མཚོ་ཆེ་མཉམ་རྒྱན་སྤྲིན་དེ་དག་ཀུན། །ཛེ་ཏའི་ཚལ་ན་གནས་ཤིང་རབ་ཏུ་བརྗོད། །ཕྱོགས་རྣམས་ཀུན་གྱི་སེམས་ཅན་ཡོངས་ཀྱི་ལས། །རྒྱ་མཚོ་ཆེན་པོ་སྣ་ཚོགས་མ་ལུས་པར། །ཛེ་
D44.037.0311b01.01ཏའི་ཚལ་གྱི་ཤིང་གི་གཟུགས་རྣམས་ཀྱི། གསེབ་ནས་བྱུང་བར་གྱུར་པ་ཀུན་ཏུ་གྲག །དུས་གསུམ་བྱུང་བའི་རྒྱལ་བ་ཐམས་ཅད་ཀྱི། །ཞིང་རྣམས་ཀུན་གྱི་མ་ལུས་རྣམ་འཕྲུལ་བ། །ཞིང་རྣམས་རྒྱ་མཚོའི་རྡུལ་སྙེད་དེ་དག་ཀྱང་། །སོ་སོའི་{དམྱིགས་,དམིགས་}
D44.037.0311b02.01ཀྱིས་དམིགས་པར་གྱུར་པ་སྣང་། །སངས་རྒྱས་ཕྱོགས་ཀྱི་ཞིང་རྣམས་རྒྱ་མཚོའི་སྤྲིན། །སྤུ་རྩེ་རེ་རེར་སྣ་ཚོགས་རྣམ་ཕྱེ་བའི། །སངས་རྒྱས་གནས་རྣམས་སྐད་ཅིག་རེ་རེར་སྣང་། །དེ་དག་ལ་ཡང་སངས་རྒྱས་སྤྲིན་མང་བཞུགས། །འགྲོ་དང་མཉམ་པར་
D44.037.0311b03.01ཕྱོགས་རྣམས་ཀུན་བཀང་ཞིང་། །སེམས་ཅན་ཐབས་ཀྱིས་ཡོངས་སུ་སྨིན་པར་བྱེད། །དེ་དག་འོད་ལས་སྤོས་ཀྱི་འོད་འཕྲོ་དང་། མེ་ཏོག་ཕལ་ཆེན་རྒྱ་མཚོའི་སྤྲིན་ཀྱང་འབྱུང་། །མཁའ་ལྟར་ཚད་{མྱེད་,མེད་}རིན་ཆེན་གཞལ་མེད་ཁང་། །མ་ལུས་རྒྱན་རབ་ཀུན་
D44.037.0311b04.01གྱིས་རྣམ་མཛེས་པ། །དེ་དག་ཐམས་ཅད་ཕྱོགས་རྣམས་ཀུན་ཁྱབ་བྱེད། །ཞིང་དང་སྙིང་པོ་བྱང་ཆུབ་དེ་བཞིན་ནོ། །དུས་གསུམ་བྱུང་བའི་རྒྱལ་བའི་སྲས་རྣམས་ཀྱིས། །ཀུན་ཏུ་བཟང་པོའི་སྤྱོད་པའི་རྣམ་ཚུལ་དུ། །ཞིང་རྣམས་རྒྱ་མཚོ་རྣམ་པར་དག་བྱས་པའི། །
D44.037.0311b05.01རྒྱན་རབ་སྣ་ཚོགས་འགྲོ་ལྟར་ཚད་{མྱེད་,མེད་}པ། །ཕྱོགས་རྣམས་དུས་གསུམ་ཀུན་ཏུ་གང་བྱུང་རྣམས། །བསྐལ་པ་རྒྱ་མཚོ་ཆེན་པོར་རྣམ་སྦྱངས་པ། །དེ་དག་ཀུན་ཀྱང་ཛེ་ཏའི་ནགས་ཚལ་གྱི། །བར་སྣང་མཁའ་ལ་གཟུགས་བརྙན་ཚུལ་དུ་སྣང་། །དེ་ནས་
D44.037.0311b06.01བྱང་ཆུབ་སེམས་དཔའ་སངས་རྒྱས་ཀྱི་ཏིང་ངེ་འཛིན་གྱིས། རྒྱུད་ཤིན་ཏུ་སྣང་བར་བྱས་པ་དེ་དག་ལས། བྱང་ཆུབ་སེམས་དཔའ་རེ་རེས་ཀྱང་། སྙིང་རྗེ་ཆེན་པོའི་སྒོ་སངས་རྒྱས་ཀྱི་ཞིང་བརྗོད་དུ་{མྱེད་,མེད་}པའི་རྡུལ་ཤིན་ཏུ་ཕྲ་བ་སྙེད་དུ་ཞུགས་པར་གྱུར་ནས། དེ་དག་དེ་བས་
D44.037.0311b07.01