完整藏文原文 · 德格版页 当前仅加载第 37 函德格 191a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིང་ཐུགས་རྗེ་ཆེན་པོ་ཡང་མ་གློད་ན། བདག་ཅག་གིས་ལྟ་སེམས་བསྐྱེད་པ་བདེན་པའི་ཚིག་ལ་གནས་པ་མི་བསླུ་བ་སངས་རྒྱས་དང་། ཆོས་ཀྱི་རིགས་ཐམས་ཅད་མི་གཅོད་པ། སྨོན་ལམ་ཆེན་པོས་མངོན་དུ་བྱས་པ་དང་། སེམས་
D44.037.0191a01.01ཅན་ཐམས་ཅད་ཀྱི་དོན་ལ་གདོན་མི་ཟ་བར་སེམས་བསྐྱེད་པ་དང་། དགེ་བའི་རྩ་བ་ཐམས་ཅད་ཤིན་ཏུ་བསྩགས་པས། ཡོངས་སུ་བསྔོ་བ་ལ་མཁས་པའི་གནས་ལ་རབ་ཏུ་གནས་པ། ཡེ་ཤེས་ཟབ་མོས་མངོན་པར་བསྒྲུབས་པ་འགྲོ་བའི་ཚོགས་ཐམས་ཅད་
D44.037.0191a02.01ཁོང་དུ་ཆུད་པ་དང་སེམས་ཅན་ཐམས་ཅད་ལ་མཉམ་པ་ཉིད་དུ་གྱུར་པའི་སེམས་ཀྱིས་སེམས་ཅན་ཐམས་ཅད་བླ་ན་མེད་པའི་ཆོས་ཀྱི་སྦྱིན་པ་ཆེན་པོ་ལ་བོད་བོད་ལ་སེམས་ཅན་ཐམས་ཅད་གྲོལ་བར་མ་བྱས། སེམས་ཅན་ཐམས་ཅད་སངས་རྒྱས་སུ་ཕྱིན་པར་མ་བྱས། སངས་
D44.037.0191a03.01རྒྱས་ཀྱི་ཆོས་ཐམས་ཅད་ཡོངས་སུ་རྫོགས་པར་མ་བྱས་ཏེ། སྨོན་ལམ་ཆེན་པོ་ཡོངས་སུ་མ་རྫོགས་པར་སྙིང་རྗེ་ཆེན་པོ་ཡང་ཇི་ལྟར་གློད་པར་བྱ། སྨོན་ལམ་ཆེན་པོ་ཡོངས་སུ་རྫོགས་པར་བྱའོ། །སྙམ་པ་འདི་ནི་ཐེག་པ་ཆེན་པོའི་གོ་ཅ་རྡོ་རྗེ་ལྟ་བུའི་
D44.037.0191a04.01སེམས་བསྐྱེད་པ་བཅུ་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོའི་གོ་ཅ་རྡོ་རྗེ་ལྟ་བུའི་སེམས་བསྐྱེད་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་མངོན་པར་མཁྱེན་པ་
D44.037.0191a05.01ཆེན་པོའི་ཡེ་ཤེས་རྡོ་རྗེ་ལྟ་བུ་འཐོབ་པར་འགྱུར་བ་དག་གོ། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། བམ་པོ་བཅུ་བདུན་པ། ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་བརྩམ་པ་ཆེན་
D44.037.0191a06.01པོ་སྟེ། བཅུ་གང་ཞེ་ན། འདི་ལྟར་སངས་རྒྱས་ཐམས་ཅད་མཆོད་དོ། །བསྙེན་བསྐུར་རོ་ཞེས་བརྩམ་པ་ཆེན་པོ་རྩོམ་པ་དང་། བྱང་ཆུབ་སེམས་དཔའ་ཐམས་ཅད་ཀྱི་དགེ་བའི་རྩ་བ་བརྟན་པར་བྱའོ། །ཞེས་བརྩམ་པ་ཆེན་པོ་རྩོམ་པ་དང་། དེ་བཞིན་
D44.037.0191a07.01