完整藏文原文 · 德格版页 当前仅加载第 37 函德格 217b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱ་བའི་ཕྱིར་སེམས་ཅན་གྱི་ཁམས་ཉེ་བར་ལེན་པ་དང་། ལྷག་མ་མེད་པར་ཡོངས་སུ་དག་པར་བྱ་བའི་ཕྱིར་འཇིག་རྟེན་གྱི་ཁམས་ཉེ་བར་ལེན་པ་དང་། བྱང་ཆུབ་སེམས་དཔའི་སྤྱོད་པས་མཉེས་པར་བྱ་བའི་ཕྱིར་དེ་བཞིན་གཤེགས་པ་ཉེ་བར་ལེན་པ་དང་། མཚན་
D44.037.0217b01.01དང་དཔེ་བྱད་བཟང་པོ་དང་། སངས་རྒྱས་ཀྱི་ཡོན་ཏན་ཡང་དག་པར་བསྡུ་བའི་ཕྱིར་དགེ་བའི་རྩ་བ་ཉེ་བར་ལེན་པ་དང་། སེམས་ཅན་ཐམས་ཅད་ཀྱི་སྡུག་བསྔལ་གྱི་ཕུང་པོ་ཉེ་བར་བླངས་ཏེ། རབ་ཏུ་ཞི་བར་བྱ་བའི་ཕྱིར་སྙིང་རྗེ་ཆེན་པོ་ཉེ་བར་ལེན་པ་དང་།
D44.037.0217b02.01སེམས་ཅན་ཐམས་ཅད་ཐམས་ཅད་མཁྱེན་པའི་བདེ་བ་ལ་རབ་ཏུ་དགོད་པའི་ཕྱིར་བྱམས་པ་ཆེན་པོ་ཉེ་བར་ལེན་པ་དང་། བྱང་ཆུབ་སེམས་དཔའི་རྒྱན་ཡང་དག་པར་བསྡུ་བའི་ཕྱིར་ཕ་རོལ་ཏུ་ཕྱིན་པ་ཉེ་བར་ལེན་པ་དང་། སྒོ་ཐམས་ཅད་ཡོངས་སུ་བསྟན་པའི་ཕྱིར་
D44.037.0217b03.01ཐབས་མཁས་པ་ཉེ་བར་ལེན་པ་དང་། ཆགས་པ་མེད་པའི་ཡེ་ཤེས་ཀྱི་ཕྱིར་བྱང་ཆུབ་ཉེ་བར་ལེན་པ་དང་། མདོར་ན་ཐམས་ཅད་མངོན་སུམ་དུ་ཤེས་པས་མངོན་པར་ཤེས་པར་བྱ་བའི་ཕྱིར། བྱང་ཆུབ་སེམས་དཔའི་ཆོས་ཐམས་ཅད་ཉེ་བར་ལེན་པའོ། །
D44.037.0217b04.01ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ཉེ་བར་ལེན་པ་སྟེ། ཉེ་བར་ལེན་པ་དེ་དག་གིས་བྱང་ཆུབ་སེམས་དཔའི་སྤྱོད་པ་རྒྱུན་མི་གཅོད་ཅིང་། དེ་བཞིན་གཤེགས་པ་ཐམས་ཅད་ཀྱི་ཉེ་བར་ལེན་པ་མེད་པ་བླ་ན་མེད་པ་འཐོབ་པར་འགྱུར།
D44.037.0217b05.01བདག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ནན་ཏན་ཏེ། བཅུ་གང་ཞེ་ན་འདི་ལྟར་ཕ་རོལ་ཏུ་ཕྱིན་པའི་ནན་ཏན་དང་། བསླབ་པའི་ནན་ཏན་དང་། ཡེ་ཤེས་ཀྱི་ནན་ཏན་དང་། དོན་གྱི་ནན་ཏན་དང་། ཆོས་ཀྱི་ནན་ཏན་
D44.037.0217b06.01དང་། མངོན་པར་བསྒྲུབ་པའི་ནན་ཏན་དང་། ཡང་དག་པར་བསྟན་པའི་ནན་ཏན་དང་། སྤྱོད་པས་མི་སྐྱོ་བའི་ནན་ཏན་དང་། མངོན་པར་རྫོགས་པར་བྱང་ཆུབ་པར་བྱ་བའི་ནན་ཏན་དང་། ཆོས་ཀྱི་འཁོར་ལོ་བསྐོར་བའི་ནན་ཏན་ནོ། །ཀྱེ་རྒྱལ་བའི་
D44.037.0217b07.01