完整藏文原文 · 德格版页 当前仅加载第 37 函德格 200a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ནི་དེ་བཞིན་གཤེགས་པའི་སྤྱོད་པ་དང་། མངོན་པར་འཚང་རྒྱ་བ་དང་སངས་རྒྱས་ཀྱི་རྒྱན་དང་སྤྱོད་ཡུལ་ཐམས་ཅད་ཀྱང་ཐོབ་ལ་ཉན་ཐོས་དང་རང་སངས་རྒྱས་ཐམས་ཅད་ཀྱི་སྤྱོད་ལམ་དང་ཆོ་ག་ཡང་ཡོངས་སུ་སྟོན་ཏེ། ཀྱེ་རྒྱལ་
D44.037.0200a01.01བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སྤྱོད་ཡུལ་ལ་རྣམ་པར་འཕྲུལ་པའོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ཡེ་ཤེས་ལ་རྣམ་པར་འཕྲུལ་པ་སྟེ། བཅུ་གང་ཞེ་ན་འདི་ལྟར་སོ་སོ་ཡང་དག་པར་
D44.037.0200a02.01རིག་པའི་ཡེ་ཤེས་མི་ཟད་པ་ལ་རྣམ་པར་འཕྲུལ་པ་དང་། རྨོངས་པ་མེད་པའི་གཟུངས་ཐམས་ཅད་ཐོབ་པའི་ཡེ་ཤེས་ལ་རྣམ་པར་འཕྲུལ་བ་དང་། སྨོན་ལམ་ཤིན་ཏུ་རྣམ་པར་གདོན་མི་ཟ་བ་བསྟན་པ་དང་། སེམས་ཅན་གྱི་ཁམས་ཐམས་ཅད་ཀྱི་དབང་པོ་
D44.037.0200a03.01ཡོངས་སུ་འཛིན་པ་དང་། ཁོང་དུ་ཆུད་པའི་ཡེ་ཤེས་ལ་རྣམ་པར་འཕྲུལ་པ་དང་། རང་གི་སེམས་ཀྱི་ཡེ་ཤེས་ཕ་རོལ་གྱི་སེམས་ཀྱི་ཡེ་ཤེས་དང་། སེམས་གཅིག་ལས་སེམས་ཅན་ཐམས་ཅད་ཀྱི་སྤྱོད་པ་དང་། རྣམ་པར་གཡོ་བར་བྱེད་པའི་ཡེ་ཤེས་ལ་རྣམ་པར་འཕྲུལ་
D44.037.0200a04.01པ་དང་། སེམས་ཅན་གྱི་ཁམས་ཐམས་ཅད་ཀྱི་བསམ་པ་དང་། བག་ལ་ཉལ་བ་དང་བག་ཆགས་དང་ཉོན་མོངས་པའི་ནད་ལ་གང་དང་འབྱོར་བའི་སྨན་ཡང་དག་པར་གཏོང་བའི་ཡེ་ཤེས་ལ་རྣམ་པར་འཕྲུལ་པ་དང་། དེ་བཞིན་གཤེགས་པའི་སྟོབས་བཅུ་ལ་
D44.037.0200a05.01སྐད་ཅིག་གཅིག་གིས་འཇུག་པའི་ཡེ་ཤེས་ལ་རྣམ་པར་འཕྲུལ་པ་དང་། དུས་གསུམ་གྱི་བསྐལ་བའི་གྲངས་ཐམས་ཅད་ལ་ཆགས་པ་མེད་པའི་ཡེ་ཤེས་ཡངས་པ་སེམས་ཅན་གཞན་གྱིས་ཐོབ་པར་བྱེད་པའི་ཡེ་ཤེས་ལ་རྣམ་པར་འཕྲུལ་པ་དང་། ཐོགས་
D44.037.0200a06.01པ་མེད་པའི་སེམས་ཀྱི་སྐད་ཅིག་ཏུ། མངོན་པར་འཚང་རྒྱ་བར་འགྲོ་བ་ཐམས་ཅད་དུ་ཡོངས་སུ་སྟོན་པའི་ཡེ་ཤེས་ལ་རྣམ་པར་འཕྲུལ་པ་དང་། སེམས་ཅན་གཅིག་གི་འདུ་ཤེས་ཀྱིས་སེམས་ཅན་མ་ལུས་པ་ཐམས་ཅད་ཀྱི་ལས་དང་བྱ་བ་ལ་མངོན་སུམ་དུ་
D44.037.0200a07.01