完整藏文原文 · 德格版页 当前仅加载第 37 函德格 226a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀྱིས་གསུངས་པ་ཡང་དག་པར་གཟུང་བས་མི་སྐྱོ་བའི་ཕྱིར་ཆོས་མཉན་པ་མི་ངོམས་པར་ཚོལ་བའི་རྐང་པ་དང་། ཚངས་པའི་གནས་ནས་འཁོར་གྱི་དཀྱིལ་འཁོར་ཐམས་ཅད་དུ་འགྲོ་བར་སྒྱིད་ལུག་པ་མེད་པའི་ཕྱིར་ཆོས་ཀྱི་ཆར་འབེབས་
D44.037.0226a01.01པའི་རྐང་པ་དང་། ཐམས་ཅད་དུ་ཁ་ན་མ་ཐོ་བ་མེད་པའི་ཕྱིར་བྱང་ཆུབ་སེམས་དཔའི་སྤྱོད་པ་ཆེན་པོ་ལ་ནན་ཏན་དུ་བྱེད་པའི་རྐང་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་རྐང་པ་སྟེ། དེ་དག་ལ་གནས་ཤིང་བྱང་ཆུབ་སེམས་
D44.037.0226a02.01དཔའ་རྣམས་དེ་བཞིན་གཤེགས་པའི་ཞབས་ཀྱི་མཆོག་གིས། འཇིག་རྟེན་གྱི་ཁམས་ཐམས་ཅད་དུ་འགྲོ་བ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ལག་པ་སྟེ། བཅུ་གང་ཞེ་ན་འདི་ལྟར་དེ་
D44.037.0226a03.01བཞིན་གཤེགས་པ་ཐམས་ཅད་ཀྱིས་གསུངས་པ་ལ་གཅིག་ཏུ་མོས་ཤིང་ཡིད་ཆེས་པས་མཐར་ཕྱིན་པར་བྱ་བའི་ཕྱིར་དད་པའི་ལག་པ་དང་། སློང་བ་ཐམས་ཅད་ཡིད་བཞིན་དུ་ཚིམ་པར་བྱ་བའི་ཕྱིར་གཏོང་བ་རབ་ཏུ་གཏོང་བའི་ལག་པ་དང་། ལག་པ་གཡས་
D44.037.0226a04.01པ་བརྐྱང་བའི་ཕྱིར་ཚུར་ཤོག་བདེ་བར་འོངས་སམ་ཞེས་འདོར་ཏེ། གསོང་པོར་སྨྲ་བའི་ལག་པ་དང་། བསོད་ནམས་བསགས་པ་རྣམ་པར་སྤེལ་བ་ལས་མི་གཡོ་བའི་ཕྱིར་དེ་བཞིན་གཤེགས་པ་ཐམས་ཅད་མཆོད་ཅིང་རིམ་གྲོ་བྱེད་པའི་ལག་པ་དང་། སེམས་
D44.037.0226a05.01ཅན་ཐམས་ཅད་ཀྱི་ཐེ་ཙོམ་གཅད་པའི་ཕྱིར་ཐོས་པ་ཐམས་ཅད་ལ་མཁས་པའི་ལག་པ་དང་། འདོད་པའི་འདམ་དུ་ཐོགས་པའི་སེམས་ཅན་གྱི་ཁམས་ལ་ལག་པ་རིང་དུ་བརྐྱང་སྟེ། འཇུ་བར་རྙེབ་པའི་ཕྱིར་ཁམས་གསུམ་དང་བྲལ་ཞིང་ཤིན་ཏུ་འབྱུང་བར་
D44.037.0226a06.01བྱེད་པའི་ལག་པ་དང་། ཆུ་བོ་ཆེན་པོ་བཞིས་ཁྱེར་བ་ལས་ལག་པ་རིང་དུ་བརྐྱང་ཞིང་གདོན་བའི་ཕྱིར་བདེ་བའི་ཐང་ལ་གཞོག་པའི་ལག་པ་དང་། འགྲོ་བ་ཐམས་ཅད་ལ་གནོད་པ་མེད་པར་བསྟན་པའི་ཆོས་རབ་ཏུ་བསྟན་པའི་ཕྱིར་ཡང་དག་པར་སྦྱོར་བའི་ཆོས་ལ་སློབ་
D44.037.0226a07.01