完整藏文原文 · 德格版页 当前仅加载第 37 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་སྲིད་པའི་ཐ་མར་གྱུར་པའི་ཚེ། སངས་རྒྱས་ཀྱི་ཞིང་གཙང་ཞིང་དྲི་མ་མེད་ལ་འོད་གསལ་བའི་རྒྱན་དང་ལྡན་པ་ཐམས་ཅད་བསྐྱོད་དེ། བརྒྱ་བྱིན་དང་ཚངས་པ་དང་འཇིག་རྟེན་ཀྱི་མགོན་པོ་ཐམས་ཅད་ཀྱིས་རབ་
D44.037.0235b01.01ཏུ་བསྔགས་པའི་རིགས་སུ་བྱུང་སྟེ། ཡེ་ཤེས་ཆེན་པོ་ཆགས་པ་མེད་པས་རྣམ་པར་ལྟ་བའི་བློའི་མིག་དང་ལྡན་པ། སེམས་ཅན་ཐམས་ཅད་ཀྱི་ནང་ནས་བདག་བླ་ན་མེད་པར་མཐོང་སྟེ། ས་ཆེན་པོས་ཡོངས་སུ་མ་བཟུང་བར་གོམ་པ་བདུན་དུ་འགྲོ་ཞིང་སེང་
D44.037.0235b02.01གེའི་ང་རོ་ཆེན་པོ་སྒྲོག་སྟེ། བདག་ནི་འཇིག་རྟེན་ན་མཆོག་ཏུ་གྱུར་པ། བདག་ནི་འཇིག་རྟེན་ན་གཙོ་བོར་གྱུར་པ་ཡིན་གྱི་སྐྱེ་ཞིང་འཆི་བ་མཐར་དབྱུང་བར་བྱའོ་ཞེས་ཇི་སྐད་དུ་སྨྲས་པ་དེ་ལྟར་བྱེད་པའི་སེང་གེའི་ང་རོ་ཆེན་པོའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་
D44.037.0235b03.01བྱང་ཆུབ་སེམས་དཔའ་རྣམས་ཀྱི་སེང་གེའི་ང་རོ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་སེང་གེའི་ང་རོ་ཆེན་པོ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་
D44.037.0235b04.01རྣམས་ཀྱི་སྦྱིན་པ་ཡོངས་སུ་དག་པ་སྟེ། བཅུ་གང་ཞེ་ན་འདི་ལྟར་སེམས་ཅན་ལ་མི་མཉམ་པ་མེད་པའི་ཕྱིར་སེམས་སྙོམས་པའི་སྦྱིན་པ་དང་། བསམ་པ་ཐམས་ཅད་ཡོངས་སུ་རྫོགས་པར་བྱ་བའི་ཕྱིར་བསམ་པ་ཇི་ལྟ་བ་བཞིན་དུ་ཚིམ་པར་བྱེད་པའི་སྦྱིན་པ་
D44.037.0235b05.01དང་། ཕན་པའི་དངོས་པོ་ཡོངས་སུ་མ་ཉམས་པའི་ཕྱིར་འཁྲུག་པ་མེད་པའི་སྦྱིན་པ་དང་། གང་ཟག་རབ་དང་། ཐ་མ་ཤེས་པའི་ཕྱིར་ཅི་རིགས་སུ་སྦྱིན་པ་དང་། རྣམ་པར་སྨིན་པ་ལ་རེ་བ་མེད་པའི་ཕྱིར་ཡེ་བརྔམ་པ་མེད་པའི་སྦྱིན་པ་དང་།
D44.037.0235b06.01སེམས་ཀྱི་འཛིན་པ་ཐམས་ཅད་སྤོང་བའི་ཕྱིར་ཡོངས་སུ་བཏང་བ་ཤིན་ཏུ་གཏོད་པའི་སྦྱིན་པ་དང་། མ་བཏང་བ་གཏོང་བས་དག་པར་བྱ་བའི་ཕྱིར་ཕྱི་ནང་གི་དངོས་པོ་ལ་ཕངས་པ་མེད་པར་ཡོངས་སུ་གཏོང་བའི་སྦྱིན་པ་དང་། འདུས་བྱས་དང་འདུས་མ་བྱས་ཡོངས་སུ་སྤང་
D44.037.0235b07.01