完整藏文原文 · 德格版页 当前仅加载第 37 函德格 174b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་དད་པ་གཏིང་ཚུགས་པ་དང་། རྙོག་པ་མེད་ཅིང་དག་པ་དང་། རྣམ་པར་དག་པ་དྲི་མ་མེད་པ་འོད་དང་བ་སངས་རྒྱས་ཐམས་ཅད་བསྙེན་བཀུར་བ་བ་ལ་བརྩོན་པ། ཕྱིར་མི་ལྡོག་པ་མི་ཟད་པ་མི་འཕྲོགས་པ། དགའ་
D44.037.0174b01.01བ་དང་སྤྲོ་བ་དང་། མོས་པ་ཆེན་པོས་བྱུང་བ་དང་ལྡན་པས་སེམས་བསྐྱེད་པ་མི་སྒུལ་བ་དང་། ཐམས་ཅད་མཁྱེན་པར་སྦྱོར་ཞིང་འབྱུང་བའི་ལམ་ལ་ཤིན་ཏུ་གྲུབ་པས་སེམས་བསྐྱེད་པ་མི་སྒུལ་བ་དང་། བྱང་ཆུབ་སེམས་དཔའི་སྤྱོད་པ་དང་གདམས་ངག་དང་མན་ངག་
D44.037.0174b02.01དང་བསླབ་པ་ཐམས་ཅད་གཟུང་ཞིང་མཉན་པ་ཡོངས་སུ་མི་སྤོང་ཞིང་མོས་པར་བྱ་བ་ལ་སེམས་བསྐྱེད་པ་མི་སྒུལ་བའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པ་མི་སྒུལ་པ་སྟེ། དེ་དག་ལ་གནས་ཤིང་བྱང་
D44.037.0174b03.01ཆུབ་སེམས་དཔའ་རྣམས་ཐམས་ཅད་མཁྱེན་པའི་ཡེ་ཤེས་མི་སྒུལ་ཅིང་། བླ་ན་མེད་པ་འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པ་ཡོངས་སུ་མི་གཏོང་བ་ལ་གནས་པ་སྟེ། བཅུ་གང་
D44.037.0174b04.01ཞེ་ན་འདི་ལྟར་སངས་རྒྱས་ཐམས་ཅད་ཀྱི་བྱང་ཆུབ་མངོན་པར་རྫོགས་པར་འཚང་རྒྱ་བར་ཡོངས་སུ་མི་གཏོང་བ་དང་། སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང་། རྣམ་པར་གདུལ་བ་ཡོངས་སུ་མི་གཏོང་བ་དང་། སངས་རྒྱས་ཐམས་ཅད་ཀྱི་
D44.037.0174b05.01གདུང་བ་སབ་པ་ཡོངས་སུ་མི་གཏོང་བ་དང་། དགེ་བའི་བཤེས་གཉེན་ཐམས་ཅད་ལ་བསྙེན་པ་ཡོངས་སུ་མི་གཏོང་བ་དང་། སངས་རྒྱས་ཀྱི་ཞིང་ཐམས་ཅད་དུ་དེ་བཞིན་གཤེགས་པ་བསྙེན་བཀུར་བྱ་བ་ཡོངས་སུ་མི་གཏོང་བ་དང་། ཡོན་ཏན་ཐམས་
D44.037.0174b06.01ཅད་ཡོངས་སུ་བཙལ་བའི་ཕྱིར་ཐེག་པ་ཆེན་པོ་ཡོངས་སུ་མི་གཏོང་བ་དང་། སངས་རྒྱས་བྱུང་བ་ཐམས་ཅད་དུ་ཚངས་པར་སྤྱད་པ་སྤྱོད་ཅིང་། ཚུལ་ཁྲིམས་སྲུང་བ་ཡོངས་སུ་མི་གཏོང་བ་དང་། བྱང་ཆུབ་སེམས་དཔའ་ཐམས་ཅད་ཡོངས་སུ་མི་གཏོང་
D44.037.0174b07.01