完整藏文原文 · 德格版页 当前仅加载第 37 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱེ་རྒྱལ་བའི་སྲས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ། ཆོས་ཀྱི་སེར་སྣ་གང་ཡང་མི་མངའ་ཡང་སེམས་ཅན་རྣམ་པ་ཇི་ལྟ་བུར་སྨིན་པའི་ཚུལ་དང་། བསམ་པ་དང་དབང་པོ་དང་མོས་པ་དང་། བརྩོན་འགྲུས་
D44.037.0108b01.01རྣམ་པ་ཐ་དད་པས་དེ་བཞིན་གཤེགས་པའི་ཆོས་ཀྱི་ཆར་ཆེན་པོ་རྣམ་པ་ཐ་དད་པར་སྣང་བར་གྱུར་ཏོ། །ཀྱེ་རྒྱལ་བའི་སྲས་ཁོང་དུ་ཆུད་པར་བྱ་བའི་སྒོ་བཅུ་པ་འདིས་ཀྱང་། བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་
D44.037.0108b02.01ཡང་དག་པར་རྫོགས་པའི་སངས་རྒྱས་རྣམས་ཀྱི་གསུང་བརྗོད་པ་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་དེ་བཞིན་གཤེགས་པའི་གསུང་དེ་ནི་ཚད་མེད་པ་ཤིན་ཏུ་བསྟན་པ་བཅུས་ཁོང་དུ་ཆུད་པར་བྱ་སྟེ། བཅུ་གང་ཞེ་ན། འདི་ལྟར་ཐམས་ཅད་རྗེས་
D44.037.0108b03.01སུ་སོང་བའི་ཕྱིར་ནམ་མཁའི་དབྱིངས་ལྟར་ཚད་མེད་པར་ཁོང་དུ་ཆུད་པར་བྱའོ། །མ་ལུས་པའི་མཐར་ཐུག་པས་ཆོས་ཀྱི་དབྱིངས་ལྟར་ཚད་མེད་པར་ཁོང་དུ་ཆུད་པར་བྱའོ། །སེམས་ཅན་ཐམས་ཅད་ཀྱི་སེམས་རབ་ཏུ་ཚིམ་པར་བྱེད་པས། སེམས་ཅན་
D44.037.0108b04.01གྱི་ཁམས་ལྟར་ཚད་མེད་པར་ཁོང་དུ་ཆུད་པར་བྱའོ། །རྣམ་པར་སྟོན་པས་ལས་ལྟར་ཚད་མེད་པར་ཁོང་དུ་ཆུད་པར་བྱའོ། །ཤིན་ཏུ་ཞི་བར་བྱེད་པས་ཉོན་མོངས་པ་ལྟར་ཚད་མེད་པར་ཁོང་དུ་ཆུད་པར་བྱའོ། །སེམས་ཅན་རྣམས་ཀྱི་མོས་པ་ཇི་ལྟ་བ་བཞིན་དུ་
D44.037.0108b05.01ཁོང་དུ་ཆུད་པར་བྱེད་པས། སྒྲ་དབྱངས་རྣམ་པ་ཐ་དད་པ་ལྟར་ཚད་མེད་པར་ཁོང་དུ་ཆུད་པར་བྱའོ། །རྣམ་པར་གྲོལ་བ་ཤིན་ཏུ་རྟོགས་པས་མོས་པ་ཚད་མེད་པ་ལྟར་ཁོང་དུ་ཆུད་པར་བྱའོ། །མཐའ་དང་དབུས་མེད་ཅིང་ས་མཚམས་མེད་པས་དུས་གསུམ་
D44.037.0108b06.01ལྟར་ཚད་མེད་པར་ཁོང་དུ་ཆུད་པར་བྱའོ། །ཆོས་ཐམས་ཅད་རྣམ་པར་འབྱེད་པས་ཡེ་ཤེས་ལྟར་ཚད་མེད་པར་ཁོང་དུ་ཆུད་པར་བྱའོ། །དེ་བཞིན་གཤེགས་པའི་ཆོས་ཀྱི་དབྱིངས་ཀྱི་རྗེས་སུ་སོང་བས་སངས་རྒྱས་ཀྱི་ཡུལ་ཕྱིར་མི་ལྡོག་པ་ལྟར་ཚད་མེད་པར་
D44.037.0108b07.01