完整藏文原文 · 德格版页 当前仅加载第 37 函德格 82b 版页；藏文 NFD、目录标记与异常页序保留在来源切片中，重复版页行以稳定序号区分。
ཆར་དེ་ལ་བལྟས་པས་མིག་འཁྲུགས་པར་འགྱུར་རོ། །སྟོང་གསུམ་གྱི་སྟོང་ཆེན་པོའི་དབང་ཕྱུག་ཆེན་པོ་ནི་མ་གཏོགས་ཏེ། དེའི་སྔོན་གྱི་དགེ་བའི་རྩ་བ་ཡོངས་སུ་སྦྱངས་པའི་ཁྱད་པར་གྱིས། །དེ་ལ་ཆུང་ངུ་ན་ཆར་པའི་ཐིགས་པ་གཅིག་ཀྱང་མ་རིག་པར་མི་འབབ་
D44.037.0082b01.01པོ། ཀྱེ་རྒྱལ་བའི་སྲས་དག་དེ་བཞིན་དུ་དེ་བཞིན་གཤེགས་པ་དེ་དག་ཡང་དག་པར་འབྱུང་བའི་ཚེ། དེ་བཞིན་གཤེགས་པའི་ཆོས་ཀྱི་སྤྲིན་གྱི་ཆར་མངོན་པར་འབབ་པ་ཡང་། སེམས་ཅན་ཐམས་ཅད་དང་ཉན་ཐོས་དང་། རང་སངས་རྒྱས་ཐམས་ཅད་
D44.037.0082b02.01ཀྱི་ཤེས་པའམ་བསམ་པར་མི་ནུས་ཏེ། དེ་དག་ནི་དེ་བཞིན་གཤེགས་པའི་ཆོས་ཀྱི་སྤྲིན་གྱི་ཆར་ལ་སེམས་པས་མགོ་རྨོངས་པར་འགྱུར་རོ། །འགྲོ་བ་ཐམས་ཅད་ཀྱི་དབང་ཕྱུག །བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ནི་མ་གཏོགས་
D44.037.0082b03.01ཏེ། བློ་ཤིན་ཏུ་སྦྱངས་པའི་མཐུ་དང་ཤུགས་ཀྱིས་དེ་དག་ལ་ནི་ཆུང་ངུ་ན་ཚིག་དང་། ཡི་གེ་འགའ་ཙམ་ཡང་མ་རིག་པར་སེམས་ཅན་གཞན་གྱི་སེམས་ཀྱི་རྒྱུད་ལ་མི་འབབ་བོ། །ཀྱེ་རྒྱལ་བའི་སྲས་ཁོང་དུ་ཆུད་པར་བྱ་བ་སྒོ་བཞི་པ་འདིས་ཀྱང་། བྱང་ཆུབ་
D44.037.0082b04.01སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་སྐྱེ་བ་འབྱུང་བ་ཁོང་དུ་ཆུད་པར་བྱའོ། །ཀྱེ་རྒྱལ་བའི་སྲས་དག་གཞན་ཡང་འདི་ལྟ་སྟེ་དཔེར་ན། སྤྲིན་ཆེན་པོའི་ཆར་དེ་དག་
D44.037.0082b05.01འབབ་པའི་ནང་ན། རབ་ཏུ་ཞི་བར་བྱེད་པ་ཞེས་བྱ་བའི་སྤྲིན་ཆེན་པོའི་ཆར་འབབ་པ་ཡོད་དེ། དེ་ནི་མེའི་ཕུང་པོ་དེ་རབ་ཏུ་ཞི་བར་བྱེད་དོ། །འབྱུང་བར་བྱེད་པ་ཞེས་བྱ་བའི་སྤྲིན་ཆེན་པོའི་ཆར་འབབ་པ་ཡོད་དེ། དེ་ལས་ཆུའི་ཕུང་པོ་དེ་དག་འབྱུང་ངོ་། །ཡོངས་སུ་
D44.037.0082b06.01གཅོད་པ་ཞེས་བྱ་བའི་སྤྲིན་ཆེན་པོའི་ཆར་འབབ་པ་ཡོད་དེ། དེ་ནི་ཆུའི་ཕུང་པོ་དེ་དག་ཡོངས་སུ་གཅོད་དོ། །ཡོངས་སུ་སྒྲུབ་པ་ཞེས་བྱ་བའི་སྤྲིན་ཆེན་པོའི་ཆར་འབབ་པ་ཡོད་དེ། དེ་ནི་ནོར་བུ་རིན་པོ་ཆེ་མང་པོ་ཡོངས་སུ་འགྲུབ་པར་བྱེད་དོ། །རྣམ་
D44.037.0082b07.01