完整藏文原文 · 德格版页 当前仅加载第 37 函德格 395a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་བསྐྱེད་པ་གཅིག་ལ་དེ་བཞིན་གཤེགས་པ་བརྗོད་དུ་མེད་པའི་ཡང་བརྗོད་དུ་མེད་པའི་ཆོས་ཀྱི་སྤྲིན་གྱི་ཆར་རྣམས་ཀྱང་ཆོས་ཀྱི་འཁོར་ལོ་ཡོངས་སུ་འཛིན་པའི་གཟུངས་དང་། སྨོན་ལམ་མངོན་པར་བསྒྲུབས་པའི་སྟོབས་ཀྱིས། ཆོས་ཀྱི་ཚུལ་གྲངས་
D44.037.0395a01.01མེད་པ་རྣམ་པར་འཚང་རྒྱ་ཞིང་ཁོང་དུ་ཆུད་པར་བྱ་བའི་ཕྱིར་བསམ་པ་ལ་མངོན་པར་འབབ་བོ། །སེམས་བསྐྱེད་པ་གཅིག་ལ་བྱང་ཆུབ་སེམས་དཔའི་སྤྱོད་པ་རྒྱ་མཚོ་བརྗོད་དུ་མེད་པའི་ཡང་བརྗོད་དུ་མེད་པ་དག་ཀྱང་བྱང་ཆུབ་སེམས་དཔའི་སྤྱོད་པ་{མྱིག་,མིག་}འཕྲུལ་ལྟ་བུར་ཡོངས་
D44.037.0395a02.01སུ་རྫོགས་པར་བྱ་བའི་སྨོན་ལམ་མངོན་པར་བསྒྲུབས་པའི་སྟོབས་ཀྱིས་སྤྱོད་པའི་དཀྱིལ་འཁོར་ཐམས་ཅད་ཡོངས་སུ་དག་པར་བྱ་བའི་ཕྱིར་མངོན་དུ་འགྱུར་རོ། །སེམས་བསྐྱེད་པ་གཅིག་ལ་ཏིང་ངེ་འཛིན་རྒྱ་མཚོ་བརྗོད་དུ་མེད་པའི་ཡང་བརྗོད་དུ་མེད་པ་དག་ཀྱང་ཏིང་
D44.037.0395a03.01ངེ་འཛིན་གྱི་སྒོ་གཅིག་ཏུ་ཏིང་ངེ་འཛིན་གྱི་སྒོ་ཐམས་ཅད་ཡང་དག་པར་འདུ་བར་བྱ་བའི་སྨོན་ལམ་མངོན་པར་བསྒྲུབས་པའི་སྟོབས་ཀྱིས་ཏིང་ངེ་འཛིན་གྱི་དཀྱིལ་འཁོར་ཐམས་ཅད་ཡོངས་སུ་དག་པར་བྱ་བའི་ཕྱིར་མངོན་དུ་འགྱུར་རོ། །སེམས་བསྐྱེད་པ་གཅིག་ལ་དབང་པོ་རྒྱ་མཚོ་བརྗོད་དུ་མེད་
D44.037.0395a04.01པའི་ཡང་བརྗོད་དུ་མེད་པ་དག་ཀྱང་དྲན་པའི་མཐར་ཕྱིན་པའི་དབང་པོ་ཐོབ་པར་བྱ་བའི་སྨོན་ལམ་མངོན་པར་བསྒྲུབས་པའི་སྟོབས་ཀྱིས་དབང་པོའི་འཁོར་ལོ་དང་། དུས་ཀྱི་འཁོར་ལོ་ཐམས་ཅད་ཀྱི་རྗེས་སུ་འབྲང་བར་བྱ་བའི་ཕྱིར་མངོན་དུ་འགྱུར་རོ། །སེམས་བསྐྱེད་པ་གཅིག་ལ་དུས་ཀྱི་
D44.037.0395a05.01འཁོར་ལོ་བརྗོད་དུ་མེད་པའི་ཡང་བརྗོད་དུ་མེད་པ་དག་ཀྱང་སེམས་ཅན་ཟད་མི་ཤེས་པ་ཟད་པར་བྱ་བའི་སྨོན་ལམ་མངོན་པར་བསྒྲུབས་པའི་སྟོབས་ཀྱིས་དུས་ཐམས་ཅད་དུ་ཆོས་ཀྱི་འཁོར་ལོ་རབ་ཏུ་བསྐོར་བའི་ཕྱིར་མངོན་དུ་འགྱུར་རོ། །སེམས་བསྐྱེད་པ་གཅིག་ལ་དུས་རྒྱ་མཚོ་
D44.037.0395a06.01བརྗོད་དུ་མེད་པའི་ཡང་བརྗོད་དུ་མེད་པ་ཐམས་ཅད་ཀྱང་དུས་གཅིག་ཏུ་རྣམ་པར་དགོད་པའི་ཚུལ་ཁོང་དུ་ཆུད་པའི་ཡེ་ཤེས་སྣང་བའི་སྨོན་ལམ་མངོན་པར་བསྒྲུབས་པའི་སྟོབས་ཀྱིས། འཇིག་རྟེན་གྱི་ཁམས་ཐམས་ཅད་ཀྱི་དུས་གསུམ་རྣམ་པར་དགོད་པའི་ཕྱིར་མངོན་
D44.037.0395a07.01