完整藏文原文 · 德格版页 当前仅加载第 37 函德格 31a 版页；藏文 NFD、目录标记与异常页序保留在来源切片中，重复版页行以稳定序号区分。
བཅས་པ། རྒྱ་མཚོ་དང་། རི་དང་ནགས་ཚལ་ཐིབས་པོ་དང་། སེམས་ཅན་གནས་པའི་གནས་ཐ་དད་པ་ཀུན་དང་བཅས་པ་དེ་ལྟ་བུའི་འཇིག་རྟེན་གྱི་ཁམས་ཐམས་ཅད་དེ་བཞིན་གཤེགས་པའི་བ་སྤུའི་བུ་ག་གཅིག་ཏུ་བཙུད་དེ།
D44.037.0031a01.01ཕྱི་མའི་མཐའི་བསྐལ་པའི་མུར་ཐུག་པར་བཞག་ཀྱང་། དེ་བཞིན་གཤེགས་པའི་བྱིན་གྱི་རླབས་མ་གཏོགས་པར་སེམས་ཅན་རྣམས་ཀྱིས་ཤེས་པར་{མྱི་,མི་}ནུས་སོ། །དེ་བཞིན་གཤེགས་པ་དེ་དག་ནི་དེ་སྙེད་ཀྱི་འཇིག་རྟེན་གྱི་ཁམས་སྐུའི་བ་སྤུའི་ཁུང་བུ་གཅིག་
D44.037.0031a02.01གིས་བཟུང་སྟེ། ཕྱི་མའི་མཐའི་བསྐལ་པའི་མུར་ཐུག་པར་བསྣམས་ཤིང་། གཤེགས་སམ། བཞུགས་སམ། བཞེངས་སམ། གཟིམས་ཀྱང་རུང་སྟེ། དེ་བཞིན་གཤེགས་པའི་ཐུགས་སྐད་ཅིག་ཙམ་ཡང་སྐྱོ་བ་མི་མངའོ།། ཆད་ཅིང་དུབ་པར་
D44.037.0031a03.01མི་འགྱུར་རོ། །མཐུ་དང་སྟོབས་ལ་ཡོངས་སུ་ཉམས་པར་འགྱུར་བ་མི་མངའ་འོ། །སྤྱོད་ལམ་རྣམ་པར་འགྱུར་བ་མི་མངའ་འོ། །ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། ནམ་མཁའ་ནི་ཆོས་ཀྱི་དབྱིངས་མ་ལུས་པའི་འཇིག་རྟེན་གྱི་ཁམས་ཐམས་ཅད་འཛིན་ཀྱང་
D44.037.0031a04.01སྐྱོ་བ་མེད་དོ། །དུབ་པ་མེད་དོ། །གནོད་པ་མེད་དོ། །མེད་པར་མི་འགྱུར་རོ། །མི་གཡོ་མི་འབྱུང་མི་འཇིག་གོ །དེ་བཞིན་དུ་སངས་རྒྱས་བཅོམ་ལྡན་འདས་རྣམས་ཀྱང་བ་སྤུའི་ཁུང་བུ་གཅིག་ཏུ་འཇིག་རྟེན་ཀྱི་ཁམས་མ་ལུས་པ་ཐམས་ཅད་བསྣམས་ཀྱང་
D44.037.0031a05.01དེའི་རྒྱུས་ཐུགས་སྐད་ཅིག་ཙམ་དུ་ཡང་མི་བདེ་བའི་སྐུ་ཉམས་མི་འབྱུང་སྟེ། འདི་ནི་སངས་རྒྱས་བཅོམ་ལྡན་འདས་རྣམས་ཀྱི་མཐུ་བོ་ཆེ་ཆེན་པོའི་སྟོབས། སངས་རྒྱས་ཀྱི་སྤྱོད་པའི་རྒྱལ་མཚན་གྱི་ཆོས་གཉིས་པའོ། །གཞན་ཡང་སངས་རྒྱས་བཅོམ་ལྡན་འདས་
D44.037.0031a06.01རྣམས་གཤེགས་སྟབས་གཅིག་ཏུ་བཞུད་པས། སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་གྱི་ཁམས་ཡོངས་སུ་འདའ་ཞིང་། དགོངས་པ་བསྐྱེད་པ་གཅིག་གིས་བསྐལ་པ་ཐ་དད་པའི་རིམ་པས་སངས་རྒྱས་ཀྱི་ཞིང་བརྗོད་
D44.037.0031a07.01