完整藏文原文 · 德格版页 当前仅加载第 37 函德格 223a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔས་ལམ་གྱི་ཚོགས་ཡོངས་སུ་བསྡུ་བར་བྱའོ། །ཇི་ལྟར་ཆོས་ཀྱི་དབྱིངས་མཐའ་དང་དབུས་མེད་པ་དེ་ལྟར་མཐའ་དང་དབུས་མེད་པར་བྱང་ཆུབ་སེམས་དཔས་ལམ་གྱི་ཚོགས་ཡོངས་སུ་བསྡུ་བར་བྱའོ། །ཇི་ལྟར་སེམས་ཅན་གྱི་ཁམས་མི་ཟད་པ་དེ་ལྟར་མི་ཟད་
D44.037.0223a01.01པར་བྱང་ཆུབ་སེམས་དཔས་ལམ་གྱི་ཚོགས་ཡོངས་སུ་བསྡུ་བར་བྱའོ། །ཇི་ལྟར་འཇིག་རྟེན་གྱི་ཁམས་མུ་མེད་པ་དེ་ལྟར་མུ་མེད་པར་བྱང་ཆུབ་སེམས་དཔས་ལམ་གྱི་ཚོགས་ཡོངས་སུ་བསྡུ་བར་བྱའོ། །ཇི་ལྟར་བསྐལ་པ་གྲངས་སུ་བགྲང་ཞིང་བསྟན་པ་མི་ཟད་
D44.037.0223a02.01པ་དེ་ལྟར་འགྲོ་བ་ཐམས་ཅད་མི་ཟད་པར་བྱང་ཆུབ་སེམས་དཔས་ལམ་གྱི་ཚོགས་ཡོངས་སུ་བསྡུ་བར་བྱའོ། །ཇི་ལྟར་འགྲོ་བ་ཐམས་ཅད་ཀྱི་ཐ་སྙད་མཐའ་ཡས་པ་དེ་ལྟར་འགྲོ་བ་ཐམས་ཅད་ཀྱི་སྒྲ་དང་ཐ་སྙད་ལ་འཇུག་པའི་ཡེ་ཤེས་ཀྱིས་མངོན་པར་བསྒྲུབས་པ་མཐའ་ཡས་
D44.037.0223a03.01པར་བྱང་ཆུབ་སེམས་དཔས་ལམ་གྱི་ཚོགས་ཡོངས་སུ་བསྡུ་བར་བྱའོ། །ཇི་ལྟར་དེ་བཞིན་གཤེགས་པའི་སྐུ་ཚད་མེད་པ་དེ་ལྟར་འགྲོ་བ་དང་ཞིང་དང་དུས་དང་། སེམས་ཅན་དང་བསྐལ་པ་ཐམས་ཅད་དུ་རྒྱས་པར་འགེངས་ཞིང་ཚད་མེད་པར་བྱང་ཆུབ་སེམས་དཔས་ལམ་
D44.037.0223a04.01གྱི་ཚོགས་ཡོངས་སུ་བསྡུ་བར་བྱའོ། །ཇི་ལྟར་སངས་རྒྱས་ཀྱི་གསུང་གི་དབྱངས་ཚད་མེད་པ་དེ་ལྟར་བྱང་ཆུབ་སེམས་དཔས་ཚིག་གི་ལས་གཅིག་བརྗོད་པས་ཆོས་ཀྱི་དབྱིངས་མ་ལུས་པ་ཐམས་ཅད་དུ་རྒྱས་པར་ཁྱབ་ཅིང་སེམས་ཅན་གྱི་ཁམས་ཐམས་ཅད་གོ་བར་བྱེད་པའི་
D44.037.0223a05.01ལམ་གྱི་ཚོགས་ཡོངས་སུ་བསྡུ་བར་བྱའོ། །ཇི་ལྟར་དེ་བཞིན་གཤེགས་པའི་སྟོབས་ཚད་མེད་པ་དེ་ལྟར་དེ་བཞིན་གཤེགས་པའི་སྟོབས་ཀྱིས་བསྟན་པའི་བྱང་ཆུབ་སེམས་དཔས་ལམ་གྱི་ཚོགས་ཡོངས་སུ་བསྡུ་བར་བྱའོ། །ཇི་ལྟར་ཐམས་ཅད་མཁྱེན་པའི་ཡེ་ཤེས་ཚད་
D44.037.0223a06.01མེད་པ་དེ་ལྟར་ཚད་མེད་པར་བྱས་ཏེ། བྱང་ཆུབ་སེམས་དཔས་ལམ་གྱི་ཚོགས་ཡོངས་སུ་བསྡུ་བར་བྱའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ལམ་གྱི་ཚོགས་ཏེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་
D44.037.0223a07.01