完整藏文原文 · 德格版页 当前仅加载第 37 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་མཁས་པ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་བདུད་ཀྱི་བྱིན་གྱི་རླབས་ཏེ། བཅུ་གང་ཞེ་ན་འདི་ལྟར་སེམས་ཞུམ་པར་གྱུར་པ་ནི་བདུད་ཀྱི་བྱིན་གྱི་རླབས་སོ། །བསམ་པ་
D44.037.0250b01.01འཁྲུགས་པ་ནི་བདུད་ཀྱི་བྱིན་གྱི་རླབས་སོ། །རྒྱ་ཆུང་དུས་མགུ་བ་ནི་བདུད་ཀྱི་བྱིན་གྱི་རླབས་སོ། །གཅིག་ལས་མི་བཟོད་པ་ནི་བདུད་ཀྱི་བྱིན་གྱི་རླབས་སོ། །སྨོན་ལམ་ལ་ལྷག་པར་མི་དམིགས་པ་ནི་བདུད་ཀྱི་བྱིན་གྱི་རླབས་སོ། །ཉོན་མོངས་པ་རྣམ་པར་
D44.037.0250b02.01བཟློག་པ་དང་། ཞི་བ་འདོད་པ་ནི་བདུད་ཀྱི་བྱིན་གྱི་རླབས་སོ། །འཁོར་བའི་རྒྱུན་མི་གཅོད་པ་ནི་བདུད་ཀྱི་བྱིན་གྱི་རླབས་སོ། །སྤྱོད་པ་ལས་ཕྱིར་མི་ལྡོག་པ་ནི་བདུད་ཀྱི་བྱིན་གྱི་རླབས་སོ། །སེམས་ཅན་ཡོངས་སུ་སྨིན་པར་མི་བྱེད་པ་ནི་བདུད་ཀྱི་བྱིན་གྱི་
D44.037.0250b03.01རླབས་སོ། །ཆོས་ལ་ཐེ་ཙོམ་ཟ་ཞིང་དམ་པའི་ཆོས་སྤོང་བ་ནི་བདུད་ཀྱི་བྱིན་གྱི་རླབས་སོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བདུད་ཀྱི་བྱིན་གྱི་རླབས་ཏེ། དེ་དག་ཡོངས་སུ་སྤངས་ཤིང་བྱང་ཆུབ་སེམས་དཔའ་རྣམས་སངས་རྒྱས་ཀྱི་བྱིན་གྱི་རླབས་
D44.037.0250b04.01བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སངས་རྒྱས་ཀྱི་བྱིན་གྱི་རླབས་ཏེ། བཅུ་གང་ཞེ་ན་འདི་ལྟར་ཐོག་མར་བྱང་ཆུབ་ཏུ་སེམས་སྐྱེ་བ་ནི་སངས་རྒྱས་ཀྱི་བྱིན་གྱི་རླབས་སོ། །ཚེ་ཚེ་རབས་སུ་བྱང་ཆུབ་ཀྱི་སེམས་
D44.037.0250b05.01མི་སྟོར་བ་ནི་སངས་རྒྱས་ཀྱི་བྱིན་གྱི་རླབས་སོ། །བདུད་ཀྱི་ལས་ཁོང་དུ་ཆུད་ཅིང་དེ་རྣམ་པར་བཟློག་པ་ནི་སངས་རྒྱས་ཀྱི་བྱིན་གྱི་རླབས་སོ། །ཕ་རོལ་ཏུ་ཕྱིན་པ་གྲག་ཅིང་ཐོས་པར་འགྱུར་བ་དང་། ཐོས་ནས་ཀྱང་ནན་ཏན་བྱེད་པ་ནི་སངས་རྒྱས་ཀྱི་བྱིན་གྱི་རླབས་སོ། །
D44.037.0250b06.01འཁོར་བའི་སྡུག་བསྔལ་རབ་ཏུ་ཤེས་ཤིང་ཡོངས་སུ་སྐྱོ་བར་མི་བྱེད་པ་ནི་སངས་རྒྱས་ཀྱི་བྱིན་གྱི་རླབས་སོ། །ཆོས་ཟབ་མོ་རྟོགས་པར་བྱ་བས་འབྲས་བུ་ཐོབ་པར་བྱེད་པ་ནི་སངས་རྒྱས་ཀྱི་བྱིན་གྱི་རླབས་སོ། །སེམས་ཅན་རྣམས་ལ་ཉན་ཐོས་དང་རང་སངས་རྒྱས་ཀྱི་རྣམ་
D44.037.0250b07.01