完整藏文原文 · 德格版页 当前仅加载第 37 函德格 228b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་རབ་དང་ཡེ་ཤེས་ཀྱི་མཚོན་ཅ་དང་། འཚོ་བ་ཐམས་ཅད་ལ་ཁ་ན་མ་ཐོ་བ་མེད་པར་བྱ་བའི་ཕྱིར། ཡང་དག་པར་འཚོ་བའི་མཚོན་ཅ་དང་། སྒོ་ཐམས་ཅད་ཡོངས་སུ་བསྟན་པའི་ཕྱིར་ཐབས་མཁས་པའི་མཚོན་ཅ་དང་། ཉོན་མོངས་པའི་སྒོ་ནས་སེམས་ཅན་
D44.037.0228b01.01བཟློག་པའི་ཕྱིར། འདོད་ཆགས་དང་། ཞེ་སྡང་དང་། གཏི་མུག་དང་། མདོར་བསྡུ་ན་ཉོན་མོངས་པ་ཐམས་ཅད་ཀྱི་མཚོན་ཅ་དང་། སྤྱོད་པ་རྒྱུན་མི་འཆད་པས་སེམས་ཅན་གྱི་ཁམས་ཡོངས་སུ་སྨིན་པར་བྱ་བའི་ཕྱིར་འཁོར་བའི་མཚོན་ཅ་དང་། མངོན་པར་
D44.037.0228b02.01ཞེན་པ་ཐམས་ཅད་རབ་ཏུ་བསྩལ་བའི་ཕྱིར། ཆོས་ཚུལ་གཅིག་པ་བསྟན་པའི་མཚོན་ཅ་དང་། སྤྱོད་པའི་སྒོ་ལས་ཕྱིར་ཕྱོགས་སུ་མི་བལྟ་བའི་ཕྱིར་ཐམས་ཅད་མཁྱེན་པ་ཉིད་ཀྱི་མཚོན་ཅའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་མཚོན་
D44.037.0228b03.01ཅ་སྟེ། མཚོན་ཅ་དེ་དག་གིས་བྱང་ཆུབ་སེམས་དཔའ་རྣམས་སེམས་ཅན་ཐམས་ཅད་ཀྱི་སེམས་དང་བསམ་པ་ལ་ཡུན་རིང་པོའི་ཉེ་བར་ཉོན་མོངས་པ་དང་། བག་ལ་ཉལ་བ་ཡོད་པ་ཐམས་ཅད་རབ་ཏུ་འཇོམས་པ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་
D44.037.0228b04.01ནི་བྱང་ཆུབ་སེམས་དཔའ་རྣམས་ཀྱི་མགོ་སྟེ། བཅུ་གང་ཞེ་ན། འདི་ལྟར་སྤྱི་གཙུག་ལྟར་མི་སྣང་བའི་ཕྱིར་མྱ་ངན་ལས་འདས་པའི་མགོ་དང་། ལྷ་དང་བཅས་པའི་འཇིག་རྟེན་ཐམས་ཅད་འདུད་པར་བྱ་བའི་ཕྱིར་བླ་མ་ལ་འདུད་པའི་མགོ་དང་། སྟོང་གསུམ་ཐམས་
D44.037.0228b05.01ཅད་ཀྱི་བདག་པོར་འགྱུར་བར་བྱ་བའི་ཕྱིར་མོས་པ་ཡངས་པའི་མགོ་དང་། ཁམས་གསུམ་གྱིས་མཆོད་པར་བྱ་བའི་ཕྱིར་དགེ་བའི་རྩ་བ་ཐམས་ཅད་སྔོན་དུ་འགྲོ་བའི་མགོ་དང་། གཙུག་ཏོར་དང་ལྡན་པའི་སྤྱི་བོ་འཐོབ་པར་བྱ་བའི་ཕྱིར། སེམས་ཅན་ཐམས་ཅད་ཀྱི་
D44.037.0228b06.01ཁུར་ཁྱེར་བའི་མགོ་དང་། ཐམས་ཅད་དུ་ཁྱད་པར་དུ་འགྲོ་བར་བྱ་བའི་ཕྱིར་གཞན་གྱི་ལྟུང་བ་ལ་བརྙས་པ་མེད་པའི་མགོ་དང་། སྤྱི་བོ་ལ་གནས་པའི་ཆོས་ཐོབ་པར་བྱ་བའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པའི་མགོ་དང་། སེམས་ཅན་ཐམས་ཅད་ཀྱི་མགོ་མཉམ་
D44.037.0228b07.01