完整藏文原文 · 德格版页 当前仅加载第 37 函德格 327a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་འགྲོགས་པ་དང་མི་འབྲལ་བས། སངས་རྒྱས་རྗེས་སུ་དྲན་པའི་སྒོ་དུས་སུ་སྒྲོ་བཏགས་པ་རབ་ཏུ་ཐོབ་པ་དང་། གང་གིས་སངས་རྒྱས་ཀྱི་ཞིང་ཐམས་ཅད་ནས་མངོན་པར་འཕགས་ཤིང་ཟིལ་གྱིས་མི་ནོན་པའི་སངས་རྒྱས་ཀྱི་སྐུ་ཡོངས་སུ་
D44.037.0327a01.01མཐོང་ཞིང་རྣམ་པར་རིག་པའི་སངས་རྒྱས་རྗེས་སུ་དྲན་པའི་སྒོ་ཞིང་དུ་སྒྲོ་བཏགས་པ་རབ་ཏུ་ཐོབ་པ་དང་། གང་གིས་དུས་གསུམ་གྱིས་དེ་བཞིན་གཤེགས་པའི་དཀྱིལ་འཁོར་རང་གི་སེམས་དང་བསམ་པར་ཡང་དག་པར་གཞོལ་བས། །སངས་རྒྱས་རྗེས་སུ་དྲན་པའི་སྒོ་དུས་
D44.037.0327a02.01གསུམ་དུ་སྒྲོ་བཏགས་པ་རབ་ཏུ་ཐོབ་པ་དང་། གང་གིས་དམིགས་པ་ཐམས་ཅད་ལ་དེ་བཞིན་གཤེགས་པ་གཅིག་ནས་གཅིག་ཏུ་བརྒྱུད་པ་ཡང་དག་པར་ཚོགས་པ་མཐོང་ཞིང་དམིགས་པས་སངས་རྒྱས་རྗེས་སུ་དྲན་པའི་སྒོ་དམིགས་པར་སྒྲོ་བཏགས་པ་རབ་ཏུ་ཐོབ་པ་དང་། གང་གིས་སྐད་
D44.037.0327a03.01ཅིག་གཅིག་ལ་འཇིག་རྟེན་གྱི་ཁམས་ཐམས་ཅད་དུ་དེ་བཞིན་གཤེགས་པ་ཐམས་ཅད་ཡོངས་སུ་མྱ་ངན་ལས་འདའ་བ་རྣམ་པར་དམིགས་པས། སངས་རྒྱས་རྗེས་སུ་དྲན་པའི་སྒོ་ཞི་བས་སྒྲོ་བཏགས་པ་རབ་ཏུ་ཐོབ་པ་དང་། གང་གིས་ཉིན་གཅིག་ཏུ་གནས་
D44.037.0327a04.01ཐམས་ཅད་དུ་དེ་བཞིན་གཤེགས་པ་ཐམས་ཅད་གཤེགས་པར་རྣམ་པར་དམིགས་པས། སངས་རྒྱས་རྗེས་སུ་དྲན་པའི་སྒོ་འབྲལ་བས་སྒྲོ་བཏགས་པ་རབ་ཏུ་ཐོབ་པ་དང་། གང་གིས་དེ་བཞིན་གཤེགས་པ་རེ་རེ་སྐྱིལ་མོ་ཀྲུང་དུ་བཞུགས་པས་ཀྱང་།
D44.037.0327a05.01ཆོས་ཀྱི་དབྱིངས་ཐམས་ཅད་དུ་རྒྱས་པར་ཁྱབ་པའི་སངས་རྒྱས་ཀྱི་སྐུ་རྣམ་པར་དམིགས་པས། སངས་རྒྱས་རྗེས་སུ་དྲན་པའི་སྒོ་ཤིན་ཏུ་ཡངས་པས་སྒྲོ་བཏགས་པ་རབ་ཏུ་ཐོབ་པ་དང་། གང་གིས་སྐྲའི་རྩེ་མོ་གཅིག་ལ་སངས་རྒྱས་བརྗོད་དུ་མེད་
D44.037.0327a06.01པ་བྱུང་བ་མཉེས་པར་བྱ་བ་ལ་འཇུག་པས། སངས་རྒྱས་རྗེས་སུ་དྲན་པའི་སྒོ་ཤིན་ཏུ་ཕྲ་བས་སྒྲོ་བཏགས་པ་རབ་ཏུ་ཐོབ་པ་དང་། སྐད་ཅིག་གཅིག་ལ་འཇིག་རྟེན་གྱི་ཁམས་ཐམས་ཅད་དུ་མངོན་པར་འཚང་རྒྱ་ཞིང་། རྣམ་པར་འཕྲུལ་པ་སྟོན་པ་རྣམ་པར་དམིགས་པས།
D44.037.0327a07.01