完整藏文原文 · 德格版页 当前仅加载第 37 函德格 228a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སྙིང་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཡེ་ཤེས་སྣང་བ་ཆེན་པོའི་སྙིང་པོ་དང་ལྡན་པའི་སྙིང་བླ་ན་མེད་པ་འཐོབ་པར་འགྱུར་བ་
D44.037.0228a01.01དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་གོ་ཅ་སྟེ། བཅུ་གང་ཞེ་ན་འདི་ལྟར་འགྲོ་བ་ཐམས་ཅད་ཡོངས་སུ་བསྐྱབ་པའི་ཕྱིར་བྱམས་པ་ཆེན་པོའི་གོ་ཅ་དང་། མི་དགའ་བ་ཐམས་ཅད་བཟོད་པར་བྱ་བའི་ཕྱིར་སྙིང་རྗེ་ཆེན་པོའི་
D44.037.0228a02.01གོ་ཅ་དང་། བརྩམས་པ་ཐམས་ཅད་མཐར་ཕྱིན་པར་བྱ་བའི་ཕྱིར་སྨོན་ལམ་གྱི་གོ་ཅ་དང་། སངས་རྒྱས་ཐམས་ཅད་ཀྱི་རྒྱན་འབྱུང་བར་བྱ་བའི་ཕྱིར་ཡོངས་སུ་བསྔོ་བའི་གོ་ཅ་དང་། འགྲོ་བ་ཐམས་ཅད་ཉེ་བར་འཚོ་བར་བྱ་བའི་ཕྱིར་བསོད་ནམས་ཀྱི་གོ་ཅ་དང་། འགྲོ་བ་ཐམས་
D44.037.0228a03.01ཅད་བསྒྲལ་བའི་ཕྱིར་ཕ་རོལ་ཏུ་ཕྱིན་པའི་གོ་ཅ་དང་། འགྲོ་བ་ཐམས་ཅད་ཀྱི་ཉོན་མོངས་པའི་མུན་པ་རབ་ཏུ་ཞི་བར་བྱ་བའི་ཕྱིར་ཡེ་ཤེས་ཀྱི་གོ་ཅ་དང་། སྒོ་ཀུན་དང་ལྡན་པའི་དགེ་བའི་རྩ་བ་མངོན་པར་བསྒྲུབ་པའི་ཕྱིར་ཐབས་མཁས་པའི་གོ་ཅ་དང་། ཐེག་པ་གཞན་
D44.037.0228a04.01ལ་མོས་པ་མེད་པའི་ཕྱིར་ཐམས་ཅད་མཁྱེན་པ་ཉིད་ཀྱི་སེམས་བརྟན་ཞིང་འཁྲུག་པ་མེད་པའི་གོ་ཅ་དང་། ཆོས་ཀྱི་རློམ་སེམས་མེད་པས་གཅིག་ཏུ་ངེས་པའི་གོ་ཅའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་གོ་ཅ་སྟེ། དེ་དག་
D44.037.0228a05.01ལ་གནས་ཤིང་བྱང་ཆུབ་སེམས་དཔའ་རྣམས་བདུད་ཀྱི་སྡེ་ཐམས་ཅད་སྤ་འགོང་བ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་མཚོན་ཅ་སྟེ། བཅུ་གང་ཞེ་ན། འདི་ལྟར་སེར་སྣའི་སྐྱོན་རབ་ཏུ་གཞོམ་
D44.037.0228a06.01པའི་ཕྱིར་གཏོང་བའི་མཚོན་ཅ་དང་། ཚུལ་ཁྲིམས་ངན་པ་ཐམས་ཅད་བསལ་བའི་ཕྱིར་ཚུལ་ཁྲིམས་ཀྱི་མཚོན་ཅ་དང་། རྣམ་པར་རྟོག་པ་ཐམས་ཅད་བསྩལ་བའི་ཕྱིར་ཆོས་མཉམ་པ་ཉིད་ཀྱི་མཚོན་ཅ་དང་། འགྲོ་བ་ཐམས་ཅད་ཀྱི་ཉོན་མོངས་པ་ཡོངས་སུ་གཅད་པའི་ཕྱིར་
D44.037.0228a07.01