完整藏文原文 · 德格版页 当前仅加载第 37 函德格 210b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་གྱི་ཁམས་ཐམས་ཅད་དུ་སྒོ་ཡོངས་སུ་སྟོན་པའི་ལུས་ཀྱི་ལས་དང་། སྐྱེ་བ་ཐམས་ཅད་དུ་གནས་པའི་ལུས་ཀྱི་ལས་དང་། འཇིག་རྟེན་གྱི་ཁམས་ཐམས་ཅད་དུ་འགྲོ་བའི་ལུས་ཀྱི་ལས་དང་། སངས་རྒྱས་ཐམས་ཅད་ཀྱི་འཁོར་གྱི་དཀྱིལ་འཁོར་དུ་འགྲོ་བའི་ལུས་ཀྱི་
D44.037.0210b01.01ལས་དང་། འཇིག་རྟེན་གྱི་ཁམས་ཐམས་ཅད་ལག་པ་གཅིག་གིས་ཀུན་ཏུ་ཁེབས་པར་བྱེད་པའི་ལུས་ཀྱི་ལས་དང་། ཁོར་ཡུག་དང་། རྡོ་རྗེའི་རི་ཐམས་ཅད་ལག་པ་གཅིག་གིས་ཉུག་པའི་ལུས་ཀྱི་ལས་དང་། སངས་རྒྱས་ཀྱི་ཞིང་ཐམས་ཅད་དུ་རང་གི་ལུས་འཇིག་པ་
D44.037.0210b02.01དང་། འབྱུང་བ་ཡོངས་སུ་སྟོན་པའི་ལུས་ཀྱི་ལས་དང་སེམས་ཅན་གྱི་ཁམས་ཐམས་ཅད་ལུས་གཅིག་གིས་ཡོངས་སུ་འཛིན་པའི་ལུས་ཀྱི་ལས་དང་། སེམས་ཅན་གྱི་ཁམས་ཐམས་ཅད་ལུས་མེད་པར་ཁོང་དུ་ཆུད་པས་ཞིང་ཡོངས་སུ་དག་པ་དང་། ཡོངས་སུ་རྫོགས་པ་ཀུན་
D44.037.0210b03.01ཏུ་སྟོན་པའི་ལུས་ཀྱི་ལས་སོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ལུས་ཀྱི་ལས་ཏེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་སངས་རྒྱས་ཀྱི་ཆོས་འགྲོ་བ་ཀུན་གྱིས་རྣམ་པར་རིག་པར་བྱ་བ་བླ་ན་མེད་པ་འཐོབ་པར་འགྱུར་བ་
D44.037.0210b04.01དག་གོ། ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་རང་བཞིན་ཏེ། བཅུ་གང་ཞེ་ན་འདི་ལྟར་ནན་ཏན་དང་ལྡན་པས་ཕ་རོལ་ཏུ་ཕྱིན་པའི་རང་བཞིན་དང་། འགྲོ་བ་ཐམས་ཅད་ཡོངས་སུ་མི་གཏོང་བས། བསྡུ་བའི་དངོས་པོའི་རང་བཞིན་དང་།
D44.037.0210b05.01སེམས་ཅན་ཐམས་ཅད་ཀྱི་སྡུག་བསྔལ་གྱི་ཕུང་པོ་རང་གི་ལུས་ཀྱིས་ལེན་ཀྱང་། ཡོངས་སུ་མི་སྐྱོ་བས་སྙིང་རྗེ་ཆེན་པོའི་རང་བཞིན་དང་། འགྲོ་བ་ཐམས་ཅད་ཡོངས་སུ་སྐྱོབ་པས་བྱམས་པ་ཆེན་པོའི་རང་བཞིན་དང་། འགྲོ་བ་ཐམས་ཅད་ཉེ་བར་འཚོ་བས་བསོད་ནམས་
D44.037.0210b06.01ཀྱི་རང་བཞིན་དང་། སངས་རྒྱས་ཐམས་ཅད་ཀྱི་སྐུ་དང་། གཅིག་ཏུ་འདྲེས་པས་ཡེ་ཤེས་ཀྱི་རང་བཞིན་དང་། སྐྱེ་བའི་སྐྱེ་མཆེད་ཐམས་ཅད་ལས་འདས་པས་ཆོས་ཀྱི་རང་བཞིན་དང་། ཐམས་ཅད་དུ་སྒོ་ཡོངས་སུ་སྟོན་པས་ཐམས་ཅད་ཀྱི་རང་བཞིན་དང་། རྫུ་འཕྲུལ་
D44.037.0210b07.01