完整藏文原文 · 德格版页 当前仅加载第 37 函德格 125a 版页；藏文 NFD、目录标记与异常页序保留在来源切片中，重复版页行以稳定序号区分。
རྟོག་པའམ་སྤྲོས་པ་མི་མངའ་སྟེ། གཅིག་ཏུ་སྤྱོད་ཅིང་འདྲ་བ་མེད་པས་ཐུབ་པ་མེད་ལ་མི་གནས་ཤིང་ཆགས་པ་མེད་པར་སྤྱོད་ཀྱང་དེ་དག་འཕོ་བ་སྐྱེ་བ་དང་། ཡུམ་གྱི་སྐུ་ན་བཞུགས་པ་དང་། བལྟམས་པ་དང་མངོན་པར་
D44.037.0125a01.01འབྱུང་བ་དང་། དཀའ་བ་སྤྱོད་པ་མཛད་པ་དང་། སྙིང་པོ་བྱང་ཆུབ་ཏུ་གཤེགས་པ་དང་། བདུད་འདུལ་བ་དང་། བྱང་ཆུབ་ཏུ་རྣམ་པར་འཚང་རྒྱ་བ་དང་། ཆོས་ཀྱི་འཁོར་ལོ་བསྐོར་བ་དང་། ཡོངས་སུ་མྱ་ངན་ལས་འདས་པ་ཆེན་པོ་སྟོན་པ་ཡང་སྣང་ཞིང་
D44.037.0125a02.01ཡོད་དོ། །འོན་ཀྱང་དེ་དག་ལ་བདག་ཅག་གིས་གང་དུ་སྐྱེ་བར་བྱ། གང་དུ་མྱ་ངན་ལས་འདའ་བར་བྱ་སྙམ་དུ་དགོངས་པར་མི་མངའོ། །ཀྱེ་རྒྱལ་བའི་སྲས་དེ་ལྟར་ཚུལ་ཚད་མེད་པ་དང་། རྣམ་པ་ཚད་མེད་པར་བྱང་ཆུབ་སེམས་དཔའ་སེམས་དཔའ་
D44.037.0125a03.01ཆེན་པོས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་སྤྱོད་ཡུལ་ཁོང་དུ་ཆུད་པར་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས། དོན་འདི་ཉིད་ཡང་བརྟག་པར་བྱ་བའི་
D44.037.0125a04.01ཕྱིར་ཚིགས་སུ་བཅད་པ་འདི་དག་སྨྲས་སོ། །དེ་བཞིན་ཉིད་ནི་ནམ་ཡང་མ་སྐྱེས་འཇིག་པ་མེད། །ནམ་ཡང་ཕྱོགས་ན་མི་གནས་མི་སྣང་དེ་བཞིན་ཉིད། །དེ་བཞིན་ཕན་མཛད་རྣམས་ཀྱི་སྤྱོད་ཡུལ་ཚད་མེད་དེ། །དངོས་ཉིད་དེ་བཞིན་ཉིད་མཚུངས་
D44.037.0125a05.01དུས་ལས་རྣམ་པར་འདས། །ཇི་ལྟར་ཆོས་དབྱིངས་དེ་དབྱིངས་ཉིད་མ་ཡིན་ལ། །ཚད་ཡོད་མ་ཡིན་དེ་ལྟར་ཚད་མེད་མ་ཡིན་པ། །དེ་བཞིན་ཡོན་ཏན་མངའ་བའི་སྤྱོད་ཡུལ་ཚད་མེད་དེ། །སྔོན་ནས་ལུས་མེད་པས་ན་ཚད་ཡོད་མ་ཡིན་
D44.037.0125a06.01ནོ། །བར་སྣང་མཁའ་ལ་ཁྲག་ཁྲིག་ལོ་གྲངས་བྱ་ལྡིང་བ། །མཁའ་ཡི་དབྱིངས་ལ་དང་པོ་དེ་དང་ཐ་མར་འདྲ། །རྒྱལ་བའི་སྤྱོད་ཡུལ་བསྐལ་པ་བརྒྱ་འགྲངས་བཤད་བྱས་ཀྱང་། །ཇི་སྙེད་བརྗོད་པ་དེ་སྙེད་ཡོན་ཏན་མ་བརྗོད་ཡོད། །ནམ་མཁའ་
D44.037.0125a07.01