完整藏文原文 · 德格版页 当前仅加载第 37 函德格 6b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་རིག་པ་བཞི་འབྱུང་བ་ནི། སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བའོ། །སངས་རྒྱས་བཅོམ་ལྡན་འདས་ཀྱི་བ་སྤུའི་བུ་ག་གཅིག་ནས་དེ་བཞིན་གཤེགས་པ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་
D44.037.0006b01.01ཏུ་ཕྲ་བ་སྙེད་བསམ་གྱིས་མི་ཁྱབ་ཅིང་། ཐོགས་པ་མེད་པའི་ཚུལ་དུ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་ཐབས་ཀྱིས། འབྱུང་ཞིང་དེ་བཞིན་དུ་སངས་རྒྱས་ཀྱི་སྐུའི་བ་སྤུའི་བུ་ག་ཐམས་ཅད་ནས་འབྱུང་བ་ནི་སངས་རྒྱས་བཅོམ་ལྡན་འདས་རྣམས་ཀྱི་ཤིན་
D44.037.0006b02.01ཏུ་རྒྱ་ཆེ་བའི་ཆོས་བཟོད་པར་དཀའ་བའོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡུལ་ཤིན་ཏུ་ཕྲ་བ་གཅིག་ལ་སངས་རྒྱས་ཀྱི་ཞིང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་བ་སྙེད་ཡོངས་སུ་སྟོན་ཅིང་། སངས་
D44.037.0006b03.01རྒྱས་ཀྱི་རྒྱན་དང་རང་བཞིན་གྱི་ལྷབ་ལྷུབ་དང་། ཆོས་ཀྱི་འཁོར་ལོ་བསྐོར་བ་རྒྱུན་མི་འཆད་ཅིང་སེམས་ཅན་རྣམ་པར་འདུལ་བ་ཐོགས་པ་མེད་པ་ལ་འཇིག་རྟེན་གྱི་ཁམས་དེ་དག་ཏུ་གཏོགས་པ་རྣམས་ལའང་མི་བདེ་བ་དང་། གནོད་པ་མེད་ཀྱང་རྡུལ་ཤིན་ཏུ་ཕྲ་བ་དེའང་ཡངས་
D44.037.0006b04.01པར་མ་བྱས། འཇིག་རྟེན་གྱི་ཁམས་དེ་དག་ཀྱང་ཆུང་བར་མ་བྱས་པར་ཇི་ལྟར་གནས་པའི་ཆོས་ཀྱི་དབྱིངས་ཀྱང་ཐུགས་སུ་ཆུད་པའི་ཡེ་ཤེས་མངའ་བ་ནི། སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བའོ། །མུན་པ་མེད་པའི་
D44.037.0006b05.01ཁམས་དེ་བཞིན་གཤེགས་པས་མངོན་པར་སངས་རྒྱས་ཏེ། སངས་རྒྱས་ཀྱི་ཆོས་ཐམས་ཅད་ལ་མུན་པ་མེད་ཅིང་བསྒྲིབས་པ་མི་མངའ་ལ་སེམས་ཅན་ཕ་རོལ་གྱི་བསྒྲིབས་པ་སྣ་ཚོགས་ཀྱི་གནས་རྣམ་པར་སེལ་ན། དེ་ལ་དེ་བཅོམ་ལྡན་འདས་དེ་བཞིན་གཤེགས་པའི་སྟོབས་
D44.037.0006b06.01བཅུ་དང་ལྡན་པ་ནི། སངས་རྒྱས་བཅོམ་ལྡན་འདས་རྣམས་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བ་སྟེ། ཀྱེ་རྒྱལ་བའི་སྲས་བཅུ་པོ་དེ་དག་ནི་སངས་རྒྱས་བཅོམ་ལྡན་འདས་རྣམས་ཀྱི་ཤིན་ཏུ་རྒྱ་ཆེ་བའི་ཆོས་བཟོད་པར་དཀའ་བའོ། །ཀྱེ་རྒྱལ་བའི་སྲས་དག་བཅུ་བོ་
D44.037.0006b07.01