完整藏文原文 · 德格版页 当前仅加载第 37 函德格 197a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་རྣམ་པར་འཕྲུལ་བའོ། །ཀྱེ་རྒྱལ་བའི་སྲས་དེ་ལ་བྱང་ཆུབ་སེམས་དཔའ་རྣམས་ཀྱི་སེམས་ཅན་ལ་རྣམ་པར་འཕྲུལ་པ་གང་ཞེ་ན། ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་
D44.037.0197a01.01སེམས་ཅན་ལ་རྣམ་པར་འཕྲུལ་པ་སྟེ། བཅུ་གང་ཞེ་ན། འདི་ལྟར་སེམས་ཅན་ཐམས་ཅད་སེམས་ཅན་མེད་པས་སྒྲོལ་བའི་རྣམ་པར་འཕྲུལ་པ་དང་། སེམས་ཅན་ཐམས་ཅད་ཀྱི་འདུ་ཤེས་ཀྱི་རྣམ་པར་བྱིན་གྱིས་བརླབ་པའི་རྣམ་པར་འཕྲུལ་
D44.037.0197a02.01པ་དང་། སེམས་ཅན་ཐམས་ཅད་ལ་དུས་ལ་བབ་ན་ཆོས་བསྟན་པ་རྒྱུན་མི་གཅོད་པའི་རྣམ་པར་འཕྲུལ་པ་དང་། སེམས་ཅན་གྱི་ཁམས་ཐམས་ཅད་དུ་སྤྲུལ་པའི་རྣམ་པར་འཕྲུལ་པ་དང་། སེམས་ཅན་གྱི་ཁམས་ཐམས་ཅད་སྐྲའི་
D44.037.0197a03.01སྦུབས་གཅིག་ཏུ་བཙུད་ཀྱང་གནོད་པར་མི་འགྱུར་བའི་རྣམ་པར་འཕྲུལ་པ་དང་། སེམས་ཅན་གྱི་ཁམས་ཐམས་ཅད་འཇིག་རྟེན་གྱི་ཁམས་སུ་བྱིན་གྱིས་བརླབས་ཏེ། ཕ་རོལ་ཤེས་པར་བྱེད་པ་དང་། ཡོངས་སུ་སྟོན་པའི་རྣམ་པར་འཕྲུལ་
D44.037.0197a04.01པ་དང་། སེམས་ཅན་གྱི་ཁམས་ཐམས་ཅད་དུ་བརྒྱ་བྱིན་དང་ཚངས་པ་དང་། འཇིག་རྟེན་གྱི་མགོན་པོའི་དབང་ཡོངས་སུ་སྟོན་པའི་རྣམ་པར་འཕྲུལ་པ་དང་། སེམས་ཅན་གྱི་ཁམས་ཐམས་ཅད་དུ་ཉན་ཐོས་དང་། རང་སངས་རྒྱས་ཀྱི་
D44.037.0197a05.01གཟུགས་དང་ཁ་དོག་དང་མཚན་དང་། ཆོ་ག་དང་སྤྱོད་ལམ་ཡོངས་སུ་སྟོན་པའི་རྣམ་པར་འཕྲུལ་པ་དང་། སེམས་ཅན་གྱི་ཁམས་ཐམས་ཅད་དུ་བྱང་ཆུབ་སེམས་དཔའི་སྤྱོད་པ་ཐོབ་པ་ཡོངས་སུ་སྟོན་པའི་རྣམ་པར་འཕྲུལ་པ་དང་།
D44.037.0197a06.01སེམས་ཅན་གྱི་ཁམས་མ་ལུས་པ་ཐམས་ཅད་དུ་ཐམས་ཅད་མཁྱེན་པའི་སྟོབས་མངོན་པར་རྫོགས་པར་སངས་རྒྱས་པའི་གཟུགས་ཀྱི་སྐུ་དང་། མཚན་དང་དཔེ་བྱད་བཟང་པོ་སྣ་ཚོགས་ཀྱི་རྒྱན་ཡོངས་སུ་སྟོན་པའི་རྣམ་པར་འཕྲུལ་པ་སྟེ།
D44.037.0197a07.01