完整藏文原文 · 德格版页 当前仅加载第 37 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་དགོད་པའི་ཕྱིར་སེམས་ཅན་སེམས་རྣམ་པར་འཁྲུག་པ་ཅན་ལ་རྣམ་པར་ལྟ་བ་དང་། ཐེ་ཙོམ་མེད་པས་བལྟ་བ་དང་། དམིགས་པ་ཐམས་ཅད་རབ་ཏུ་བསྩལ་བའི་ཕྱིར་སེམས་ཅན་ཤེས་རབ་འཆལ་བ་ཅན་ལ་རྣམ་པར་ལྟ་བ་དང་། ཇི་ལྟར་བསྟན་པའི་
D44.037.0234a01.01སངས་རྒྱས་ཀྱི་ཆོས་ལ་རབ་ཏུ་དགོད་པའི་ཕྱིར་དགེ་བའི་བཤེས་གཉེན་ལ་དགེ་བར་རྣམ་པར་ལྟ་བ་དང་། དོན་གྱི་མཆོག་ཉམས་སུ་མྱོང་བར་བྱ་བའི་ཕྱིར་ཇི་སྐད་དུ་ཐོས་པའི་ཆོས་ལ་ལྷག་མཐོང་གིས་རྣམ་པར་ལྟ་བ་དང་། སྙིང་རྗེ་ཆེན་པོའི་སྟོབས་མི་གཏོང་བའི་ཕྱིར་སེམས་ཅན་ཐམས་
D44.037.0234a02.01ཅད་ཡོངས་ལ་རྣམ་པར་ལྟ་བ་དང་། ཐམས་ཅད་མཁྱེན་པའི་ཡེ་ཤེས་རྫོགས་པར་འཚང་རྒྱ་བར་བྱ་བའི་ཕྱིར་སངས་རྒྱས་ཀྱི་ཆོས་ཐམས་ཅད་ལ་རྣམ་པར་ལྟ་བའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་རྣམ་པར་ལྟ་བ་སྟེ། དེ་དག་ལ་གནས་
D44.037.0234a03.01ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཡེ་ཤེས་ཆེན་པོས་རྣམ་པར་ལྟ་བ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་རྣམ་པར་བསྒྱིངས་པ་སྟེ། བཅུ་གང་ཞེ་ན་འདི་ལྟར་ལྷ་དང་ཀླུ་དང་།
D44.037.0234a04.01གནོད་སྦྱིན་དང་། དྲི་ཟ་དང་ལྷ་མ་ཡིན་དང་། ནམ་མཁའ་ལྡིང་དང་མིའམ་ཅི་དང་ལྟོ་འཕྱེ་ཆེན་པོའི་འཁོར་ཐམས་ཅད་ཟིལ་གྱིས་གནོན་པའི་ཕྱིར་ཁྱུ་མཆོག་གི་རྣམ་པར་བསྒྱིངས་པ་དང་། ཤིན་ཏུ་དུལ་ཞིང་ཅང་ཤེས་པའི་སེམས་ཀྱིས་སེམས་ཅན་ཐམས་ཅད་ཀྱི་
D44.037.0234a05.01ཁུར་བཀུར་བའི་ཕྱིར་གླང་པོའི་བསྒྱིངས་པ་དང་། ཆོས་ཀྱི་སྤྲིན་ཆེན་པོ་ཤིན་ཏུ་འདུས་པ་ལས་རིག་པ་དང་། རྣམ་པར་གྲོལ་བའི་གློག་འགྱུ་ཞིང་ཡང་དག་པ་མ་ནོར་བར་འབྲུག་སྒྲ་ཆེན་པོ་བསྒྲགས་ཏེ། དབང་པོ་དང་སྟོབས་དང་བྱང་ཆུབ་ཀྱི་ཡན་ལག་དང་བསམ་གཏན་དང་།
D44.037.0234a06.01རྣམ་པར་ཐར་བ་དང་། ཏིང་ངེ་འཛིན་དང་། སྙོམས་པར་འཇུག་པའི་བདུད་རྩིའི་ཆུའི་ཆོས་ཀྱི་ཆར་མངོན་པར་དབབ་པའི་ཕྱིར་ཀླུའི་རྣམ་པར་བསྒྱིངས་པ་དང་། མ་རིག་པའི་སྒོ་ངའི་སྦུབས་དང་། ལྕག་ལྕིག་གི་སྤྲི་བརྟོལ་ཏེ། སྲེད་པའི་ཆུ་ལྷག་མཐོང་གི་གཤོག་
D44.037.0234a07.01