完整藏文原文 · 德格版页 当前仅加载第 37 函德格 166b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་གནས་པའི་དགེ་བའི་རྩ་བ་ཆུད་མི་ཟ་ཞིང་རྟོག་པ་མེད་པ་དང་། རྣམ་པར་རྟོག་པ་མེད་པ་ལ་བསམ་གྱིས་མི་ཁྱབ་པ་ཡིན། ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་ཟབ་མོའི་ཆོས་ཐམས་ཅད་ལའང་རབ་ཏུ་འཇུག་ལ། སྨོན་ལམ་ཐམས་ཅད་
D44.037.0166b01.01ཡོངས་སུ་རྫོགས་ཀྱི་བར་དུ་ཡོངས་སུ་མྱ་ངན་ལས་ཀྱང་མི་འདའ་བ་འདི་ནི་བསམ་གྱིས་མི་ཁྱབ་པ་ལྔ་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པའི་ཚེ། མངལ་དུ་འགྲོ་བ་དང་སྐྱེ་བ་དང་གོམ་པ་བདུན་དུ་
D44.037.0166b02.01འགྲོ་བ་དང་། བཙུན་མོའི་འཁོར་གྱི་ནང་ན་གནས་པ་དང་། མངོན་པར་འབྱུང་བ་དང་། དཀའ་བ་སྤྱད་པའི་སྦྱོར་བ་དང་། སྙིང་པོ་བྱང་ཆུབ་ཏུ་འགྲོ་བ་དང་། བདུད་འདུལ་བ་དང་། རྣམ་པར་འཚང་རྒྱ་བ་དང་། ཆོས་ཀྱི་འཁོར་ལོ་བསྐོར་བ་དང་།
D44.037.0166b03.01ཡོངས་སུ་མྱ་ངན་ལས་འདའ་བ་དང་། སངས་རྒྱས་ཀྱི་རྣམ་པར་འཕྲུལ་པའི་བྱིན་གྱི་རླབས་ཐམས་ཅད་ཡོངས་སུ་སྟོན་ཅིང་སྙིང་རྗེ་ཆེན་པོ་དང་འགྲོ་བ་ཐམས་ཅད་ཡོངས་སུ་སྐྱོབ་པའི་སྨོན་ལམ་གྱི་བར་གྱིས་ཡོངས་སུ་རྒྱུན་མི་གཅོད་པ་འདི་ནི་བསམ་གྱིས་མི་
D44.037.0166b04.01ཁྱབ་པ་དྲུག་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་ཆོས་ཀྱི་དབྱིངས་ཀྱིས་ཀླས་པར་སེམས་བསྐྱེད་པས་དེ་བཞིན་གཤེགས་པའི་སྟོབས་བཅུ་དང་། བྱིན་གྱི་རླབས་རྣམས་ཀྱང་ཡང་དག་པར་སྟོན་ལ་སེམས་ཅན་
D44.037.0166b05.01ཡོངས་སུ་སྨིན་པར་བྱ་བ་ཡང་རྒྱུན་མི་གཅོད་པ་འདི་ནི་བསམ་གྱིས་མི་ཁྱབ་པ་བདུན་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་ཆོས་ཐམས་ཅད་མཚན་མ་མེད་པ་ལ་མཚན་མ་ཡོད་པར་འཇུག །མཚན་མ་ཡོད་པ་ལ་མཚན་མ་མེད་པར་འཇུག་
D44.037.0166b06.01རྟོག་པ་མེད་པ་ལ་རྟོག་པ་ཡོད་པར་སྟོན། རྟོག་པ་ཡོད་པ་ལ་རྟོག་པ་མེད་པར་སྟོན། དངོས་པོ་མེད་པ་ལ་དངོས་པོ་ཡོད་པར་འཇུག །དངོས་པོ་ཡོད་པ་ལ་དངོས་པོ་མེད་པར་འཇུག །མངོན་པར་འདུ་བྱེད་པ་ལ་མངོན་པར་འདུ་བྱ་བ་མེད་པར་སྟོན། མངོན་པར་འདུ་བྱ་བ་མེད་
D44.037.0166b07.01