完整藏文原文 · 德格版页 当前仅加载第 37 函德格 99b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ལྡན་འགྲོ་བས་ཐུབ་མི་མཐོང་། །བདེ་གཤེགས་རྣམ་རྟོག་མི་མངའ་སེར་སྣ་མི་མངའ་འོ།། །།སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་བཅུ་བ། །དེ་སྐད་ཅེས་སྨྲས་པ་དང་།
D44.037.0099b01.01བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་རིགས་སུ་བྱུང་བའི་དཔལ་གྱིས། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་ཇི་ལྟར་བྱང་ཆུབ་སེམས་དཔའ་
D44.037.0099b02.01སེམས་དཔའ་ཆེན་པོས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་གསུང་བརྗོད་པ་ཁོང་དུ་ཆུད་པར་བྱ། དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས།
D44.037.0099b03.01བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་རིགས་སུ་བྱུང་བའི་དཔལ་ལ་འདི་སྐད་ཅེས་སྨྲས་སོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་སེམས་དཔའ་ཆེན་པོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D44.037.0099b04.01པའི་སངས་རྒྱས་རྣམས་ཀྱི་གསུང་བརྗོད་པ་ནི། དབྱངས་ཀྱི་དཀྱིལ་འཁོར་ཚད་མེད་པས་རྒྱས་ཤིང་ཁྱབ་པར་མཛད་པའི་ཕྱིར་ཀུན་ཏུ་ཁྱབ་པར་ཤེས་པར་བྱའོ། །ཆོས་སྟོན་པ་མངོན་པར་བསྒྲུབ་པའི་ཕྱིར་སེམས་ཅན་ཐམས་ཅད་ཀྱི་བསམ་པ་ཇི་ལྟ་བ་
D44.037.0099b05.01བཞིན་དུ་ཚིམ་པར་མཛད་པར་ཤེས་པར་བྱའོ། །སེམས་རབ་ཏུ་ཚིམ་པར་མཛད་པའི་ཕྱིར་འཁོར་གྱི་དཀྱིལ་འཁོར་ཐམས་ཅད་མོས་པ་ཇི་ལྟ་བ་བཞིན་དུ་དགའ་བར་མཛད་པར་ཤེས་པར་བྱའོ། །དུས་ལས་མི་འདའ་བའི་ཕྱིར་དུས་ལ་ཇི་ལྟར་བབ་པ་
D44.037.0099b06.01བཞིན་དུ་འབྲལ་བ་མེད་པར་ཤེས་པར་བྱའོ། །སྒྲ་བརྙན་དང་འདྲ་བའི་ཕྱིར་ཤིན་ཏུ་མི་སྐྱེ་མི་འགག་པར་ཤེས་པར་བྱའོ། །ལས་བསྩགས་པ་ཐམས་ཅད་ཡོངས་སུ་རྫོགས་པའི་ཕྱིར་བདག་པོ་མེད་པར་ཤེས་པར་བྱའོ། །གཏིང་དཔག་དཀའ་
D44.037.0099b07.01