完整藏文原文 · 德格版页 当前仅加载第 37 函德格 212b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱི་སེམས་ནི་རྒྱ་མཚོ་ལྟ་བུའོ། །འཇིག་རྟེན་ལས་འདས་པའི་དགེ་བའི་རྩ་བ་ཤིན་ཏུ་མཐོ་བ་ལ་འགྲོ་བ་ཐམས་ཅད་རབ་ཏུ་དགོད་པའི་ཕྱིར། བྱང་ཆུབ་སེམས་དཔའི་སེམས་ནི་རི་བོ་ཆེན་པོ་ལྟ་བུའོ། །ཀུན་ནས་ཉོན་མོངས་པ་མེད་ཅིང་བསམ་པ་དག་པ་དང་ལྡན་
D44.037.0212b01.01པས་བྱང་ཆུབ་སེམས་དཔའ་རྣམས་ཀྱི་སེམས་ནི་ནོར་བུ་རིན་པོ་ཆེ་ལྟ་བུའོ། །ཆོས་ཐམས་ཅད་ལ་རབ་ཏུ་རྣོ་བས། བྱང་ཆུབ་སེམས་དཔའ་རྣམས་ཀྱི་སེམས་ནི་རྡོ་རྗེ་ལྟ་བུའོ། །བདུད་དང་མུ་སྟེགས་ཅན་གཞན་དང་ཕས་ཀྱི་རྒོལ་བ་ཐམས་ཅད་ཀྱིས་མི་སྐུལ་
D44.037.0212b02.01བས། བྱང་ཆུབ་སེམས་དཔའ་རྣམས་ཀྱི་སེམས་ནི་རིའི་རྒྱལ་པོ་རྡོ་རྗེའི་ཁོར་ཡུག་ཤིན་ཏུ་བརྟན་ཞིང་མི་ཤིགས་པ་ལྟ་བུའོ། །འཇིག་རྟེན་གྱི་ཆོས་ཐམས་ཅད་ཀྱིས་མི་གོས་པས། བྱང་ཆུབ་སེམས་དཔའ་རྣམས་ཀྱི་སེམས་ནི་པད་མོ་ལྟ་བུའོ། །བསྐལ་པ་ཐམས་
D44.037.0212b03.01ཅད་དུ་འབྱུང་བ་དང་། མཐོང་བར་དཀའ་བས་བྱང་ཆུབ་སེམས་དཔའ་རྣམས་ཀྱི་སེམས་ནི་མེ་ཏོག་ཨུ་དུམ་བཱ་ར་ལྟ་བུའོ། །འགྲོ་བ་ཐམས་ཅད་ཀྱི་མ་རིག་པའི་མུན་པ་མུན་ནག་དང་། རབ་རིབ་ཀྱི་རྨུགས་པ་སེལ་བའི་ཕྱིར་བྱང་ཆུབ་སེམས་དཔའ་རྣམས་
D44.037.0212b04.01ཀྱི་སེམས་ནི་ཉི་མ་ལྟ་བུའོ། །འགྲོ་བ་ཐམས་ཅད་ཀྱིས་བརྗོད་དུ་མེད་པའི་ཕྱིར་བྱང་ཆུབ་སེམས་དཔའ་རྣམས་ཀྱི་སེམས་ནི་བར་སྣང་ལྟ་བུའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སེམས་ཏེ། དེ་དག་ལ་གནས་ཤིང་བྱང་ཆུབ་སེམས་དཔའ་
D44.037.0212b05.01རྣམས་དེ་བཞིན་གཤེགས་པའི་དགོངས་པ་རྒྱ་ཆེན་པོ་ཡོངས་སུ་དག་པ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པ་སྟེ། བཅུ་གང་ཞེ་ན་འདི་ལྟར་འགྲོ་བ་ཐམས་ཅད་རབ་
D44.037.0212b06.01ཏུ་དགྲོལ་བར་བྱའོ་ཞེས་བྱང་ཆུབ་སེམས་དཔའ་སེམས་བསྐྱེད་དོ། །སེམས་ཅན་ཐམས་ཅད་ཀྱི་ཉོན་མོངས་པ་བསྩལ་བར་བྱའོ། །ཞེས་བྱང་ཆུབ་སེམས་དཔའ་སེམས་བསྐྱེད་དོ། །བག་ཆགས་ཀྱི་མཚམས་འབྲེལ་བ་ཐམས་ཅད་སྤང་བར་བྱའོ། །
D44.037.0212b07.01