完整藏文原文 · 德格版页 当前仅加载第 37 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཡེ་ཤེས་དང་། ཆོས་ཐམས་ཅད་བརྗོད་དུ་མེད་པ་ལ། ཆོས་ཀྱི་དབྱིངས་སུ་གསུང་མངོན་པར་བསྒྲུབ་པའི་ཡེ་ཤེས་དང་། ཆོས་ཐམས་ཅད་ཀུན་ནས་ཉོན་མོངས་པ་དང་། རྣམ་པར་བྱང་བས་འཇུག་པ་མེད་པ་ལ་ཀུན་ནས་ཉོན་མོངས་པ་དང་། རྣམ་པར་
D44.037.0005b01.01བྱང་བ་མངོན་པར་བསྒྲུབ་པའི་ཡེ་ཤེས་དང་། ཆོས་ཐམས་ཅད་མ་སྐྱེས་པ་ལ་སྐྱེ་བ་དང་། འཇིག་པའི་མཚན་ཉིད་རྟེན་ཅིང་འབྲེལ་བར་འབྱུང་བ་མངོན་པར་བསྒྲུབ་པའི་ཡེ་ཤེས་ཏེ། ཀྱེ་རྒྱལ་བའི་སྲས་བཅུ་པོ་དེ་དག་ནི་དེ་བཞིན་གཤེགས་པ་རྣམས་ཀྱི་སངས་རྒྱས་ཀྱི་
D44.037.0005b02.01མངོན་པར་བསྒྲུབ་པའི་ཡེ་ཤེས་སོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་ཚད་མེད་པའི་ཁོངས་སུ་ཆུད་པ་དག་སྟེ། བཅུ་གང་ཞེ་ན། སངས་རྒྱས་བཅོམ་ལྡན་འདས་རྣམས་ཀྱི་སྐུ་ནི་དུས་གསུམ་ཐམས་ཅད་ཀྱི་རྗེས་སུ་འབྲང་
D44.037.0005b03.01བའི་ཁོངས་སུ་ཆུད་པ་ཡིན། །སངས་རྒྱས་བཅོམ་ལྡན་འདས་རྣམས་སེམས་ཅན་ཐམས་ཅད་འདུལ་བ་མཛད་པ་ནི། ཆོ་འཕྲུལ་ཆེན་པོ་གསུམ་གྱི་ཁོངས་སུ་ཆུད་པ་ཡིན། སངས་རྒྱས་བཅོམ་ལྡན་འདས་རྣམས་ཚིག་རབ་ཏུ་དབྱེ་བ་ཐམས་ཅད་ལ་མཁས་པ་ནི་
D44.037.0005b04.01སངས་རྒྱས་ཀྱི་ཆོས་ཀྱི་གཟུངས་ཐམས་ཅད་ཀྱི་ཁོངས་སུ་ཆུད་པ་ཡིན། སངས་རྒྱས་བཅོམ་ལྡན་འདས་རྣམས་ཀྱི་ཆོས་ཀྱི་འཁོར་ལོ་ཐམས་ཅད་ནི་དེ་བཞིན་གཤེགས་པའི་སོ་སོ་ཡང་དག་པར་རིག་པ་བཞིའི་ཁོངས་སུ་ཆུད་པ་ཡིན། སངས་རྒྱས་བཅོམ་ལྡན་
D44.037.0005b05.01འདས་རྣམས་སེམས་ཅན་ཐམས་ཅད་ཡོངས་སུ་མི་གཏོང་བ་ནི་ཐུགས་རྗེ་ཆེན་པོའི་ཁོངས་སུ་ཆུད་པ་ཡིན། སངས་རྒྱས་བཅོམ་ལྡན་འདས་རྣམས་རྟག་ཏུ་མཉམ་པར་གཞག་པ་ནི་དུས་ཐམས་ཅད་དུ་སེམས་ཅན་ཐམས་ཅད་ལ་རྣམ་པར་གཟིགས་པའི་ཁོངས་སུ་
D44.037.0005b06.01ཆུད་པ་ཡིན། སངས་རྒྱས་བཅོམ་ལྡན་འདས་རྣམས་ཀྱི་དགེ་བའི་རྩ་བ་ནི་སེམས་ཅན་རྣམ་པར་འདུལ་བ་ཐམས་ཅད་ཁོངས་སུ་ཆུད་པ་ཡིན། སངས་རྒྱས་བཅོམ་ལྡན་འདས་ཀྱི་ཆགས་པ་མི་མངའ་བར་སྤྱོད་པ་ནི་ཆོས་ཀྱི་དབྱིངས་ཐམས་ཅད་ཁོངས་སུ་ཆུད་པ་
D44.037.0005b07.01