完整藏文原文 · 德格版页 当前仅加载第 37 函德格 186a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་ངོམས་པར་མི་འགྱུར་བ་འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡེ་ཤེས་ཀྱིས་འཇུག་པ་རྒྱ་མཚོ་ལྟ་བུ་དགུ་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་ནི་བྱང་ཆུབ་སེམས་དཔའི་
D44.037.0186a01.01གདམས་ངག་དང་། བྱང་ཆུབ་སེམས་དཔའི་བསླབ་པ་དང་། བྱང་ཆུབ་སེམས་དཔའི་མན་ངག་དང་། བྱང་ཆུབ་སེམས་དཔའི་ནན་ཏན་དང་། བྱང་ཆུབ་སེམས་དཔའི་ཡོངས་སུ་དག་པ་དང་། བྱང་ཆུབ་སེམས་དཔའི་ཡོངས་སུ་སྨིན་པར་བྱ་བ་དང་། བྱང་
D44.037.0186a02.01ཆུབ་སེམས་དཔའི་གདུལ་བ་དང་། བྱང་ཆུབ་སེམས་དཔའི་མཉམ་པ་ཉིད་དང་། བྱང་ཆུབ་སེམས་དཔའི་འབྱུང་བ་དང་། བྱང་ཆུབ་སེམས་དཔའི་གཟུངས་ཀྱི་སྒོའི་ལམ་སངས་རྒྱས་བཅོམ་ལྡན་འདས་ཐམས་ཅད་དང་། བྱང་ཆུབ་སེམས་དཔའ་
D44.037.0186a03.01ཐམས་ཅད་དང་། ཆོས་སྨྲ་བ་ཐམས་ཅད་ལས་ཚོལ་བ་དང་། ཡོངས་སུ་ཚོལ་བ་དང་། འཛིན་པ་དང་། ཀུན་ཆུབ་པར་བྱེད་ཅིང་སེམས་ཅན་ཐམས་ཅད་ཡོངས་སུ་བསྡུ་བ་དང་བསླབ་པ་དང་། གྲུབ་པར་བྱ་བ་དང་། སེམས་ཅན་དེ་དག་ལ་ཆོས་བསྟན་པས་
D44.037.0186a04.01ངོམས་པར་མི་འགྱུར་ཏེ། ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པ་སངས་རྒྱས་ཐམས་ཅད་ཀྱི་ཆོས་ཀྱི་ཚུལ་གྱི་རྗེས་སུ་སོང་བས། བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པར་སེམས་ཅན་བརྗོད་དུ་མེད་པའི་ཡང་བརྗོད་དུ་མེད་པ་
D44.037.0186a05.01ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་རབ་ཏུ་གཞོག་པ་དང་། སངས་རྒྱས་ཀྱི་ཆོས་ཐམས་ཅད་ལ་སྦྱོར་ཡང་ངོམས་པར་མི་འགྱུར་བ་འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡེ་ཤེས་ཀྱིས་འཇུག་པ་རྒྱ་མཚོ་ལྟ་བུ་བཅུ་
D44.037.0186a06.01པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡེ་ཤེས་ཀྱིས་འཇུག་པ་རྒྱ་མཚོ་ལྟ་བུ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་སངས་རྒྱས་
D44.037.0186a07.01