完整藏文原文 · 德格版页 当前仅加载第 37 函德格 159a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་རྣམས་ཀྱི་ཡོངས་སུ་གཟུང་བ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཡེ་ཤེས་ཆེན་པོ་ཡོངས་སུ་གཟུང་བའོ། །བླ་ན་མེད་པ་འཐོབ་པར་འགྱུར་བ་དག་
D44.037.0159a01.01གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་སྤོབས་པ་སྟེ། བཅུ་གང་ཞེ་ན་འདི་ལྟར་ཆོས་ཐམས་ཅད་ལ་རྣམ་པར་མ་བརྟགས་པའི་སྤོབས་པ་དང་། ཆོས་ཐམས་ཅད་ལ་མངོན་པར་འདུ་བྱེད་པ་མེད་པའི་སྤོབས་པ་དང་། ཆོས་
D44.037.0159a02.01ཐམས་ཅད་ལ་མི་གནས་པའི་སྤོབས་པ་དང་། ཆོས་ཐམས་ཅད་ལ་སྟོང་པ་ཉིད་དུ་སྣང་བའི་སྤོབས་པ་དང་། ཆོས་ཐམས་ཅད་ལ་མུན་པ་མེད་པའི་སྤོབས་པ་དང་། ཆོས་ཐམས་ཅད་ལ་སངས་རྒྱས་ཀྱི་བྱིན་གྱི་རླབས་ཀྱི་སྤོབས་པ་དང་། ཆོས་ཐམས་
D44.037.0159a03.01ཅད་ལ་གཞན་གྱི་དྲིང་མི་འཇོག་པའི་སྤོབས་པ་དང་། ཆོས་ཐམས་ཅད་ལ་ཚིག་གི་བྱེ་བྲག་མཁས་པའི་སྤོབས་པ་དང་། ཆོས་ཐམས་ཅད་ལ་དེ་ཁོ་ན་ཉིད་བསྟན་པའི་སྤོབས་པ་དང་། སེམས་ཅན་གྱི་སེམས་དང་། སྤྱོད་པ་ཐམས་ཅད་ལ་བསམ་པ་ཇི་ལྟ་བ་
D44.037.0159a04.01བཞིན་དུ་ཚིམ་པར་བྱེད་པའི་སྤོབས་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་སྤོབས་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་སངས་རྒྱས་ཐམས་ཅད་ཀྱི་སྤོབས་པ་ལ་མཁས་པ་བླ་ན་མེད་པ་འཐོབ་
D44.037.0159a05.01པར་འགྱུར་བ་དག་གོ །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་དབང་སྟེ། བཅུ་གང་ཞེ་ན་འདི་ལྟར་སེམས་ཅན་ཐམས་ཅད་ཡོངས་སུ་སྨིན་པར་བྱེད་ཅིང་འདུལ་བའི་ཡེ་ཤེས་ཀྱི་དབང་དང་། ཆོས་ཐམས་ཅད་སྣང་བ་རབ་
D44.037.0159a06.01ཏུ་འཐོབ་པའི་དབང་དང་དགེ་བའི་རྩ་བ་ཐམས་ཅད་ལ་སྤྱོད་པའི་དབང་དང་ཡེ་ཤེས་ཆེན་པོའི་དབང་དང་མི་གནས་པའི་ཚུལ་ཁྲིམས་ཀྱི་དབང་དང་། དགེ་བའི་རྩ་བ་ཐམས་ཅད་བྱང་ཆུབ་ཏུ་ཡོངས་སུ་བསྔོ་བའི་དབང་དང་། བརྩོན་འགྲུས་བརྩམས་པ་ཐམས་
D44.037.0159a07.01