完整藏文原文 · 德格版页 当前仅加载第 37 函德格 111b 版页；藏文 NFD、目录标记与异常页序保留在来源切片中，重复版页行以稳定序号区分。
མཚོ་ཆེན་པོའི་ནང་ན་ནོར་བུ་རིན་པོ་ཆེ་ཆེན་པོ་ཡོན་ཏན་ཚད་མེད་པ་ཕུན་སུམ་ཚོགས་པ་བཞི་ཡོད་དེ། ནོར་བུ་རིན་པོ་ཆེ་དེ་དག་གི་གཟི་བརྗིད་དང་མཐུས། །རྒྱ་མཚོ་ཆེན་པོར་རིན་པོ་ཆེ་ཐམས་ཅད་འབྱུང་སྟེ། ཀྱེ་རྒྱལ་བའི་སྲས་གལ་ཏེ་རྒྱ་མཚོ་ཆེན་
D44.037.0111b01.01པོའི་ནང་ན་ནོར་བུ་རིན་པོ་ཆེ་དེ་བཞི་མེད་དུ་ཟིན་ན་ནི། རྒྱ་མཚོ་ཆེན་པོའི་ནང་ན་ནོར་བུ་རིན་པོ་ཆེ་གཅིག་ཀྱང་ཡོད་པར་མི་འགྱུར་རོ། །བཞི་པོ་དེ་དག་ཀྱང་གང་ཞེ་ན། འདི་ལྟ་སྟེ། རིན་པོ་ཆེ་ཐམས་ཅད་ཡང་དག་པར་སྡུད་པ་ཞེས་བྱ་བའི་ནོར་བུ་རིན་པོ་ཆེ་ཆེན་པོ་དང་།
D44.037.0111b02.01མི་ཟད་པའི་མཛོད་ཅེས་བྱ་བའི་ནོར་བུ་རིན་པོ་ཆེ་ཆེན་པོ་དང་། སྙིང་བླས་མེད་པ་ཞེས་བྱ་བའི་ནོར་བུ་རིན་པོ་ཆེ་ཆེན་པོ་དང་། རྒྱན་ཐམས་ཅད་ཡང་དག་པར་སྡུད་པ་ཞེས་བྱ་བའི་ནོར་བུ་རིན་པོ་ཆེ་ཆེན་པོ་སྟེ། ནོར་བུ་རིན་པོ་ཆེ་ཚད་མེད་པའི་ཡོན་ཏན་ཕུན་སུམ་
D44.037.0111b03.01ཚོགས་པ་དང་ལྡན་པ་དེ་བཞི་ཡོད་དོ། །ཀྱེ་རྒྱལ་བའི་སྲས་ནོར་བུ་རིན་པོ་ཆེ་ཆེན་པོ་བཞི་པོ་དེ་དག་ནི་བསོད་ནམས་ངན་དོན་དང་ལྡན་པའི་ལྷ་མ་ཡིན་ནམ། ནམ་མཁའ་ལྡིང་ངམ། ཀླུ་འམ་དེ་མ་ཡིན་པའི་སེམས་ཅན་ཆུ་ལ་གནས་པའི་མིག་གིས་མཐོང་བར་མི་འགྱུར་
D44.037.0111b04.01རོ། །དེ་ཅིའི་ཕྱིར་ཞེ་ན། ནོར་བུ་རིན་པོ་ཆེ་ཆེན་པོ་དེ་བཞི་ནི་ཀླུའི་རྒྱལ་པོ་གང་ཆེན་མཚོའི་མཛོད་ན་འཁོད་པའི་ཕྱིར་རོ། །ཀྱེ་རྒྱལ་བའི་སྲས་ནོར་བུ་རིན་པོ་ཆེ་ཆེན་པོ་བཞི་པོ་དེ་དག་ནི་གྲུ་བཞིར་འདུག་པ་སྟེ། ཀླུའི་རྒྱལ་པོ་གང་ཆེན་མཚོའི་གནས་ཀྱི་ཕྱོགས་བཞིར་
D44.037.0111b05.01བཀོད་པ་དག་གོ །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཡེ་ཤེས་རྒྱ་མཚོ་ཆེན་པོའི་ནང་ན་ཡེ་ཤེས་ཀྱི་རིན་པོ་ཆེ་ཆེན་པོ་བསོད་ནམས་དང་། ཡེ་ཤེས་དང་ཡོན་ཏན་ཕུན་སུམ་ཚོགས་པ་བཞི་
D44.037.0111b06.01ཡོད་དེ། ཡེ་ཤེས་རིན་པོ་ཆེ་ཆེན་པོ་དེ་དག་གི་གཟི་བརྗིད་དང་། མཐུས་དེ་བཞིན་གཤེགས་པའི་ཡེ་ཤེས་རྒྱ་མཚོ་ཆེན་པོའི་ནང་ནས་སློབ་པ་དང་། མི་སློབ་པ་ཐམས་ཅད་དང་། རང་སངས་རྒྱས་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་ཀྱི་ཡེ་ཤེས་
D44.037.0111b07.01