完整藏文原文 · 德格版页 当前仅加载第 37 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་སྲས་འདི་ལྟ་སྟེ། ནམ་མཁའ་ནི་སྐྱེ་བ་མེད་པས་འཇིག་རྟེན་གྱི་ཁམས་འདུའང་རུང་འཇིག་ཀྱང་རུང་སྟེ། དེ་བཞིན་དུ་མི་ཟད་མི་འཕེལ་བར་གནས་སོ། །ཀྱེ་རྒྱལ་བའི་སྲས་དེ་བཞིན་དུ་དེ་བཞིན་གཤེགས་པ་རྣམས་
D44.037.0127a01.01ཀྱི་བྱང་ཆུབ་ཀྱང་འདི་ལྟ་སྟེ། གཅིག་པའང་མ་ཡིན། ཐ་དད་པའང་མ་ཡིན་པས། མཚན་ཉིད་མེད་པར་མཚན་ཉིད་གཅིག་པའི་ཕྱིར་མངོན་པར་རྫོགས་པར་སངས་རྒྱས་ཀྱང་རུང་། མངོན་པར་རྫོགས་པར་སངས་མ་རྒྱས་ཀྱང་རུང་སྟེ། མཚན་ཉིད་
D44.037.0127a02.01དེ་ཁོ་ན་བཞིན་དུ་གནས་སོ། །ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། མི་ལ་ལ་ཞིག་སྐྱེས་ཏེ། དེས་ཆུ་ཀླུང་གང་གཱའི་བྱེ་མ་སྙེད་ཀྱི་སེམས་བསྐྱེད་པ་མངོན་པར་སྤྲུལ་ལ་སེམས་བསྐྱེད་པ་དེ་དག་རེ་རེས་ཀྱང་དེ་བཞིན་གཤེགས་པ་ཁ་དོག་མེད་པ་མཚན་
D44.037.0127a03.01མ་མེད་པ། དབྱིབས་དང་བྲལ་བ། སྐུ་དང་བྲལ་བ། ཆུ་ཀླུང་གང་གཱའི་བྱེ་མ་སྙེད་ཅིག་སྤྲུལ་ཏེ། དེ་མངོན་པར་སྤྲུལ་པ་བྱེད་པ་ལ་ཡང་བསྐལ་པ་ཆུ་ཀླུང་གང་གཱའི་བྱེ་མ་སྙེད་ཅིག་འདས་པར་གྱུར་ན། ཀྱེ་རྒྱལ་བའི་སྲས་དེ་ལ་ཇི་སྙམ་དུ་སེམས། མི་
D44.037.0127a04.01དེས་སྤྲུལ་བའི་སེམས་བསྐྱེད་པ་དེ་དག་གིས་དེ་བཞིན་གཤེགས་པ་ཇི་སྙེད་ཅིག་སྤྲུལ་པར་འགྱུར། བྱང་ཆུབ་སེམས་དཔའ་དེ་བཞིན་གཤེགས་པའི་རིགས་སུ་བྱུང་བའི་དཔལ་གྱིས། སྨྲས་པ། ཀྱེ་རྒྱལ་བའི་སྲས་ཁྱོད་ཀྱིས་ཇི་སྐད་དུ་སྨྲས་པའི་
D44.037.0127a05.01དོན་བདག་གིས་ཤེས་ཏེ། ཇི་སྙེད་དུ་སྤྲུལ་པ་བྱས་པ་དེ་སྙེད་ཅིག་ནི་མ་སྤྲུལ་པའང་ཡོད་དོ། །བྱང་ཆུབ་སེམས་དཔའ་ཀུན་ཏུ་བཟང་པོས་སྨྲས་པ། ཀྱེ་རྒྱལ་བའི་སྲས་ཇི་སྐད་དུ་སྨྲས་པ་དེ་དེ་བཞིན་གྱིས་ལེགས་སོ་ལེགས་སོ། །ཀྱེ་རྒྱལ་བའི་སྲས་དེ་བཞིན་དུ་སྐད་ཅིག་ཐང་ཅིག་ཡུད་ཙམ་
D44.037.0127a06.01གྱིས་སེམས་ཅན་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ཀྱང་། དེ་སྙེད་ཅིག་ནི་མངོན་པར་སངས་རྒྱས་སོ། །དེ་སྙེད་ཅིག་ནི་མངོན་པར་སངས་མ་རྒྱས་པའང་ཡོད་པར་འགྱུར་རོ། །
D44.037.0127a07.01