完整藏文原文 · 德格版页 当前仅加载第 37 函德格 255b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། དེ་བཞིན་དུ་སྟན་དང་། གཞལ་མེད་ཁང་དང་། ཁང་པ་བརྩེགས་པ་དག་ནས་ཀྱང་འབྱུང་སྟེ། དེ་དག་བྱུང་ནས་ཀྱང་བྱང་ཆུབ་སེམས་དཔའི་ལས་སྣ་ཚོགས་ཡོངས་སུ་སྟོན་ཏོ། །ཀྱེ་རྒྱལ་བའི་སྲས་དེ་ལྟར་ལས་ཡོངས་སུ་གྲུབ་པའི་བྱང་ཆུབ་སེམས་དཔའ་རྣམས་ཆོས་ཐམས་ཅད་རབ་ཏུ་གྲུབ་པའི་ཕྱིར་ལྷའི་
D44.037.0255b01.01གནས་དགའ་ལྡན་ནས་ཤི་འཕོ་སྟོན་ཏོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་མངལ་ན་གནས་པར་སྟོན་པ་སྟེ། བཅུ་གང་ཞེ་ན་འདི་ལྟར་སེམས་རྒྱ་ཆུང་བ་དང་། དམའ་བ་ལ་མོས་པ་རྣམས་ཡོངས་སུ་སྨིན་པར་བྱ་བའི་ཕྱིར་བྱང་ཆུབ་སེམས་དཔའི་དངོས་པོའི་བསོད་ནམས་ཀྱི་རྩ་བ་ལ་
D44.037.0255b02.01ཡིད་མི་ཆེས་པར་གྱུར་དུ་འོང་ཞེས་བྱང་ཆུབ་སེམས་དཔའ་མངལ་ན་གནས་པར་སྟོན་པ་འདི་ནི་མངལ་ན་གནས་པར་སྟོན་པ་དང་པོའོ། །ཕ་དང་མ་དང་གཉེན་བཤེས་ཀྱི་ཚོགས་དང་། སྔོན་ལྷན་ཅིག་ཏུ་སྤྱོད་སྤྱོད་པའི་བྱང་ཆུབ་སེམས་དཔའ་རྣམས་དང་། སེམས་ཅན་གང་གི་དགེ་བའི་རྩ་བ་མངལ་ན་གནས་
D44.037.0255b03.01པས་ཡོངས་སུ་སྨིན་པར་བྱ་བ་དེ་དག་གི་དོན་དུ་བྱང་ཆུབ་སེམས་དཔའ་མངལ་ན་གནས་པར་སྟོན་ཏེ་འདི་ནི་མངལ་ན་གནས་པར་སྟོན་པ་གཉིས་པའོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་ནི་རྨོངས་པ་མེད་ཅིང་དྲན་ལ་ཤེས་བཞིན་དུ་མའི་ལྟོར་འགྲོ་སྟེ། མའི་ལྟོ་ན་འདུག་པའི་ཚེ་འང་དྲན་པ་
D44.037.0255b04.01ཉམས་པ་མེད་དོ། །འདི་ནི་མངལ་ན་གནས་པར་སྟོན་པ་གསུམ་པའོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་ནི་མའི་མངལ་ན་འདུག་ཀྱང་འདི་ལྟ་སྟེ་ཕྱོགས་དང་། འཇིག་རྟེན་གྱི་ཁམས་ནས་འདུས་པའི་བྱང་ཆུབ་སེམས་དཔའ་དང་བརྒྱ་བྱིན་དང་ཚངས་པ་དང་། འཇིག་རྟེན་གྱི་མགོན་པོ་
D44.037.0255b05.01རྣམས་དང་ལྷན་ཅིག་འགྲོགས་ཤིང་ཆོས་བསྒྲག་པ་དང་། ཡང་དག་པའི་གཏོམ་བྱ་བ་རྒྱུན་མི་གཅོད་ཅིང་བྱང་ཆུབ་སེམས་དཔའི་སྟོབས་ཚད་མེད་པ་ཡང་ཡོངས་སུ་སྟོན་ཏེ། ཀྱེ་རྒྱལ་བའི་སྲས་དེ་དག་མངལ་ན་གནས་ཀྱང་དེ་ལྟ་བུའི་སྨོན་ལམ་གྱི་ཁྱད་པར་བདོག་པས་བྱང་ཆུབ་སེམས་
D44.037.0255b06.01དཔའ་དེ་དག་ནི་ཡེ་ཤེས་མུ་མེད་པ་དང་ལྡན་པ་སྟེ། འདི་ནི་མངལ་ན་གནས་པར་སྟོན་པ་བཞི་པའོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་མའི་མངལ་ན་གནས་པའི་ཚེ། དེ་ནི་འཁོར་གྱི་དཀྱིལ་འཁོར་ཀུན་ནས་གནས་པར་འགྱུར་བ་ཡོད་དེ། བྱང་ཆུབ་སེམས་དཔའ་དེ་དག་གི་སྔོན་གྱི་སྨོན་ལམ་གྱིས་དེ་
D44.037.0255b07.01