完整藏文原文 · 德格版页 当前仅加载第 37 函德格 76b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་སངས་རྒྱས་པའི་གདན་བསྟན་པ་བྱས་ཏེ། །སངས་རྒྱས་ཀྱི་འཁོར་གྱི་དཀྱིལ་འཁོར་རྣམ་པར་བཀོད་པ། འབྱམ་ཀླས་པ་རབ་ཏུ་བསྟན་ནས། འཇིག་རྟེན་གྱི་ཁམས་ཆོས་ཀྱི་དབྱིངས་ཀྱིས་ཀླས་པ། ནམ་མཁའི་མཐས་གཏུགས་པར་འབྱམ་ཀླས་པ་
D44.037.0076b01.01ཐམས་ཅད་མ་ལུས་པར་རྒྱས་པར་ཁྱབ་པར་བྱས་ནས་ཕྱིར་འོངས་ཏེ། །བྱང་ཆུབ་སེམས་དཔའི་འཁོར་གྱི་དཀྱིལ་འཁོར་ཐམས་ཅད་ལ་གཡས་ཕྱོགས་ནས་བསྐོར་ནས། བྱང་ཆུབ་སེམས་དཔའ་དེ་བཞིན་གཤེགས་པའི་རིགས་སུ་བྱུང་བའི་དཔལ་གྱི་སྤྱི་བོར་ནུབ་བོ། །
D44.037.0076b02.01དེ་ནས་བྱང་ཆུབ་སེམས་དཔའི་འཁོར་དེ་དག་ཐམས་ཅད་ངོ་མཚར་ཆེར་འཛིན་ཅིང་། དགའ་བ་ཐོབ་པར་གྱུར་ཏེ། འོད་ཟེར་གྱི་དྲ་བ་སྣང་བ་འདི་ལྟ་བུ་བྱུང་བས་ན་ཆོས་ཆེན་པོ་བརྗོད་པར་ནི་འགྱུར་དུ་ངེས་སོ་སྙམ་ནས། རྟོག་པའི་བློ་ཡང་ཐོབ་པར་གྱུར་ཏོ། །འོད་
D44.037.0076b03.01ཟེར་དེ་དག་གིས་བྱང་ཆུབ་སེམས་དཔའ་དེ་བཞིན་གཤེགས་པའི་རིགས་སུ་བྱུང་བའི་དཔལ་གྱི་ལུས་ལ་ཕོག་པར་གྱུར་མ་ཐག་ཏུ། དེ་ནས་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་རིགས་སུ་བྱུང་བའི་དཔལ་པད་མོའི་སྟན་ལས་
D44.037.0076b04.01ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པད་མོའི་སྙིང་པོ་དེ་ལ་པུས་མོ་གཡས་པའི་ལྷ་ང་བཙུགས་ནས། བཅོམ་ལྡན་འདས་གང་ན་བ་དེར་ཐལ་མོས་བཏུད་ཏེ། དེ་བཞིན་གཤེགས་པའི་འདུ་ཤེས་དང་ལྡན་པའི་ཡིད་ལ་བྱེད་པས།
D44.037.0076b05.01དེ་བཞིན་གཤེགས་པ་ལ་ཚིགས་སུ་བཅད་དེ་གསོལ་པ། རྣམ་དག་བློ་མངའ་ཡོན་ཏན་མཁྱེན་པས་འཕགས་པ། །སྤྱོད་ཡུལ་ཆགས་པ་མེད་པའི་ཕ་རོལ་ཕྱིན་བརྙེས། །དུས་གསུམ་མཉམ་པའི་ཆོས་ཉིད་མཉམ་པ་སྟོན་པ། །ཁྱོད་ལ་བདག་ནི་བསྟི་
D44.037.0076b06.01སྟང་རིམ་གྲོ་བགྱིད་དོ། །མཚན་ཉིད་མེད་པའི་སྤྱོད་ཡུལ་ཕ་རོལ་ཕྱིན་བརྙེས། །མཚན་གྱིས་ཤིན་ཏུ་བརྒྱན་པའི་སྐུའང་སྟོན་མཛད། །དྲི་མེད་འོད་ཆེན་འོད་ཟེར་སྟོང་དང་ལྡན་འགྱེད། །བདུད་ཀྱི་སྡེ་རྣམས་མ་ལུས་རབ་ཏུ་འཇོམ་མཛད། །ཕྱོགས་
D44.037.0076b07.01