完整藏文原文 · 德格版页 当前仅加载第 37 函德格 232b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་གདུང་བ་མེད་པར་བྱ་བའི་ཕྱིར་ཚངས་པའི་མལ་དང་། ཕྱིས་འགྱོད་པ་མེད་པར་བྱ་བའི་ཕྱིར་ལེགས་པའི་ལས་ཀྱི་མལ་དང་། ཕྱིས་ཁྲོ་བ་མེད་པར་བྱ་བའི་ཕྱིར་ཡང་དག་པའི་ནན་ཏན་གྱི་མལ་དང་། དགེ་བའི་བཤེས་གཉེན་གྱིས་བསྐུལ་བར་བྱ་བའི་ཕྱིར་ལམ་གྱི་
D44.037.0232b01.01མལ་དང་། ཡོངས་སུ་བསྔོ་བ་ལ་མཁས་པའི་ཕྱིར་ཤིན་ཏུ་མཉམ་པར་གཞག་པའི་མལ་དང་། བརྩམས་པ་མཐར་ཕྱིན་པར་བྱ་བའི་ཕྱིར་དགོས་པ་ཐམས་ཅད་ཡོངས་སུ་གྲུབ་པའི་མལ་དང་། སྔོན་ལས་ལེགས་པར་སྤྱད་པའི་ཕྱིར་ལྷུན་གྱིས་གྲུབ་པར་སྤྱོད་པའི་མལ་ལོ། །
D44.037.0232b02.01ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་མལ་ཏེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་དེ་བཞིན་གཤེགས་པའི་ཆོས་ཀྱི་གཟིམས་མལ་ཆེན་པོར་རྣམ་པར་འཚང་རྒྱ་བ་བླ་ན་མེད་པ་འཐོབ་པར་འགྱུར་བ་དག་གོ །ཀྱེ་རྒྱལ་བའི་
D44.037.0232b03.01སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་རྣམ་པར་སྤྱོད་པ་སྟེ། བཅུ་གང་ཞེ་ན་འདི་ལྟར་སེམས་ཅན་ཐམས་ཅད་ལ་སེམས་མཉམ་པས་བྱམས་པ་ཆེན་པོ་ལ་རྣམ་པར་སྤྱོད་པ་དང་། མ་བསླབས་པ་ལ་བརྙས་པ་མེད་པའི་ཕྱིར་སྙིང་རྗེ་ཆེན་པོ་ལ་རྣམ་པར་
D44.037.0232b04.01སྤྱོད་པ་དང་། མི་དགའ་བ་ཐམས་ཅད་བསྩལ་བའི་ཕྱིར་དགའ་བ་ཆེན་པོ་ལ་རྣམ་པར་སྤྱོད་པ་དང་། འདུས་བྱས་དང་འདུས་མ་བྱས་སུ་མཉམ་ཞིང་མཚུངས་པའི་ཕྱིར་བཏང་སྙོམས་ཆེན་པོ་ལ་རྣམ་པར་སྤྱོད་པ་དང་། བྱང་ཆུབ་ཀྱི་སེམས་སྔོན་དུ་འགྲོ་བས་ཕ་རོལ་ཏུ་ཕྱིན་པ་
D44.037.0232b05.01ཐམས་ཅད་ལ་རྣམ་པར་སྤྱོད་པ་དང་། རབ་ཏུ་རྣམ་པར་དབྱེ་བ་ལ་མཁས་པས་རྣམ་པའི་མཆོག་ཐམས་ཅད་དང་ལྡན་པའི་སྟོང་པ་ཉིད་ལ་རྣམ་པར་སྤྱོད་པ་དང་། སྐྱོན་མེད་པ་ལ་ཐོགས་པ་མེད་པས་མཚན་མ་མེད་པ་ལ་རྣམ་པར་སྤྱོད་པ་དང་། ཆེད་དུ་བསམས་ཏེ་སྐྱེ་བ་འཛིན་
D44.037.0232b06.01པའི་ཕྱིར་སྨོན་པ་མེད་པ་ལ་རྣམ་པར་སྤྱོད་པ་དང་། བཟོད་པ་ཡོངས་སུ་རྫོགས་པར་བྱ་བའི་ཕྱིར་དྲན་པ་དང་། ཤེས་བཞིན་ལ་རྣམ་པར་སྤྱོད་པ་དང་། ལུང་བསྟན་པ་ཐོབ་པར་བྱ་བའི་ཕྱིར་ཆོས་ཐམས་ཅད་མཉམ་པ་ཉིད་ལ་རྣམ་པར་སྤྱོད་པའོ། །ཀྱེ་རྒྱལ་བའི་སྲས་བཅུ་པོ་དེ་
D44.037.0232b07.01