完整藏文原文 · 德格版页 当前仅加载第 37 函德格 89a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་ལོ་བསྐོར་བ་དང་། །མྱ་ངན་འདའ་དང་དགེ་རྩ་ཐམས་ཅད་བཤད་ཀྱིས་ཉོན། །འཇིག་རྟེན་འདི་དག་མ་ལུས་སྐྱེ་ཞིང་འབྱུང་བའི་ཚེ། །དེ་ལ་རྒྱུ་ཡི་རྣམ་གྲངས་གཅིག་ཅེས་བགྲང་མེད་ཀྱི། །རྒྱུ་དང་ཚུལ་གྱི་རྣམ་པ་ཁྲག་
D44.037.0089a01.01ཁྲིག་བརྒྱ་མང་གིས། །འཇིག་རྟེན་སྟོང་གསུམ་ཀུན་ནས་གནས་པའི་གྲངས་སུ་འགྲོ། །དེ་བཞིན་སྐྱེས་བུའི་མཆོག་རྣམས་སྐྱེ་བར་འགྱུར་བའི་ཚེ། དེ་དག་ཡོན་ཏན་འདི་སྙེད་ཡིན་ཞེས་བགྲང་བ་མེད། རྡུལ་དང་རྡུལ་ཕྲན་བགྲང་ནུས་སེམས་ཅན་ཀུན་བསམ་
D44.037.0089a02.01ནུས། །སྟོབས་བཅུ་མངའ་བ་རྣམས་ཀྱི་འབྱུང་བ་རྣམས་ལ་མིན། །ཇི་ལྟར་སྤྲིན་དང་དུས་ཀྱི་ཆར་ལ་བརྟེན་བྱས་ཤིང་། །ཆར་ཆེན་འབེབས་བྱེད་རླུང་རྣམས་བཞི་པོ་དེ་བཞིན་ཏེ། དགེ་རྩ་ཀུན་དང་བྱང་ཆུབ་སེམས་དཔའི་མཐུས། །འཇིག་རྟེན་སྟོང་གསུམ་
D44.037.0089a03.01ཀུན་ནས་གནས་པའི་གྲངས་སུ་འགྲོ། །དེ་བཞིན་སྟོབས་བཅུ་རྣམས་ཀྱི་ཆོས་སྤྲིན་རྒྱུར་བྱས་ཤིང་། །བསམ་པ་རྣམ་དག་བྱེད་པའི་ཡེ་ཤེས་རླུང་ལྡང་སྟེ། །སྔོན་གྱི་དགེ་བ་རྐྱེན་སྐྱེས་རིགས་པར་ཡོངས་བསྔོས་པས། །སྟོབས་བཅུ་མགོན་པོ་རྣམས་ནི་
D44.037.0089a04.01འབྱུང་ཞིང་སྐྱེ་བར་འགྱུར། །སྟེང་གི་མཁའི་དབྱིངས་ལས་སྤྲིན་ཆེན་ཆར་བྲུགས་པ། །སྟོང་གསུམ་སྟོང་ཆེན་འཇིག་རྟེན་ཀུན་ནས་འཇིག་འགྱུར་ཚེ། །མཁའ་དབྱིངས་རྒྱ་ཆེན་དག་པའི་རླུང་ལངས་མ་གཏོགས་པར། །ས་ཕྱོགས་གཞན་གྱིས་བཟོད་
D44.037.0089a05.01ཅིང་གཟུང་བར་མི་ནུས་སོ། །དེ་བཞིན་སྟོབས་བཅུ་མངའ་བ་འབྱུང་བར་འགྱུར་བའི་ཚེ། །ཕྱོགས་བཅུ་ཀུན་གྱི་ཆོས་དབྱིངས་ཡོངས་སུ་རྒྱས་བཀང་ཞིང་། །ཆོས་ཚུལ་ཆར་ཆེན་འབབ་པར་གྱུར་ལ་ལྷག་པའི་སེམས། །རྣམ་པར་དག་པ་མ་གཏོགས་
D44.037.0089a06.01གཞན་གྱིས་འཛིན་མི་ནུས། །ནམ་མཁའི་དབྱིངས་ལས་སྤྲིན་ཆེན་ཆར་པ་འབབ་གྱུར་པ། །དེ་ལ་འགྲོ་དང་འོང་བ་ནམ་ཡང་ཡོད་པ་མིན། །དེ་ལ་བྱེད་པ་མེད་དེ་ཚོར་བ་པོ་ཡང་མེད། །དེ་དག་ཆོས་ཉིད་ཐོབ་འབྱུང་རྣམ་པ་གཞན་གྱིས་མིན། །དེ་བཞིན་
D44.037.0089a07.01