完整藏文原文 · 德格版页 当前仅加载第 37 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་བའི་སངས་རྒྱས་མཐོང་བས་ངོམས་པར་ཡང་མི་འགྱུར་ལ། ཆོས་མཉན་པས་ཀྱང་མ་ཡིན། འཇིག་རྟེན་གྱི་ཁམས་རྣམ་པར་བརྟགས་པས་ཀྱང་མ་ཡིན། བསྐལ་པའི་གྲངས་ལ་འདུག་པས་ཀྱང་མ་ཡིན་ཏེ། འདི་ནི་བླ་ན་མེད་པ་ཡང་དག་པར་
D44.037.0185b01.01རྫོགས་པའི་བྱང་ཆུབ་ཏུ་ཡེ་ཤེས་ཀྱིས་འཇུག་པ་རྒྱ་མཚོ་ལྟ་བུ་བརྒྱད་པའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའ་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པར་སངས་རྒྱས་བཅོམ་ལྡན་འདས་རྣམས་ལ་རིམ་གྲོ་བྱེད། བཀུར་
D44.037.0185b02.01སྟི་བྱེད། མཆོད་པ་བྱེད་དེ། བསྐལ་པ་རེ་རེ་ལ་ཡང་བརྗོད་དུ་མེད་པའི་ཡང་བརྗོད་དུ་མེད་པའི་སངས་རྒྱས་བཅོམ་ལྡན་འདས་ལ་རིམ་གྲོ་བྱེད། བཀུར་སྟི་བྱེད། མཆོད་པ་བྱེད་ཅིང་། བདག་གི་ལུས་ཀྱི་སྐྱེ་བ་དང་། ཤི་འཕོ་ཡོངས་སུ་བསྟན་པས་ཁམས་གསུམ་
D44.037.0185b03.01ཐམས་ཅད་ལས་འདས་པའི་མཆོད་པས། དེ་བཞིན་གཤེགས་པ་ཉན་ཐོས་ཀྱི་དགེ་འདུན་དང་བཅས་པ་དང་། བྱང་ཆུབ་སེམས་དཔའི་ཚོགས་ཀྱིས་བསྐོར་བ་ལ་མཆོད་པ་བྱེད་པ་དང་། དེ་བཞིན་གཤེགས་པ་མྱ་ངན་ལས་འདས་པ་རྣམས་ཀྱི་སྐུ་
D44.037.0185b04.01གདུང་ལ་ཡང་བླ་ན་མེད་པའི་མཆོད་པས་མཆོད་པ་བྱེད་ཅིང་ཡོངས་སུ་གཏོང་བའི་སེམས་བསམ་གྱིས་མི་ཁྱབ་པས་སེམས་ཅན་གྱི་ཁམས་ཐམས་ཅད་ཤིན་ཏུ་ཚིམ་པར་བྱ་བའི་ཕྱིར་རྣམ་པར་སྨིན་པ་ལ་རེ་བ་མེད་ཅིང་ཕན་གདགས་པ་ལྷུར་བྱ་བ་དང་། ཕན་
D44.037.0185b05.01པར་འདོད་པས་ཡོངས་སུ་བཟུང་བར་སྦྱིན་པ་བྱེད་ཀྱང་སངས་རྒྱས་མཆོད་ཅིང་། རིམ་གྲོར་བྱ་བ་དང་། སེམས་ཅན་ཐམས་ཅད་ལ་ཡོངས་སུ་གཏང་བ་ཤིན་ཏུ་བཏང་བས་ངོམས་པར་མི་འགྱུར་ཏེ། བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པའི་
D44.037.0185b06.01སངས་རྒྱས་བཅོམ་ལྡན་འདས་རྣམས་ལ་རིམ་གྲོ་བྱ་བ་དང་། སེམས་ཅན་ཉེ་བར་བསྩལ་བ་དང་། བསྟན་པ་ཡོངས་སུ་གཟུང་བ་དང་། དམ་པའི་ཆོས་བརྗོད་པ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་ཅན་གདུལ་བས་
D44.037.0185b07.01