完整藏文原文 · 德格版页 当前仅加载第 37 函德格 65a 版页；藏文 NFD、目录标记与异常页序保留在来源切片中，重复版页行以稳定序号区分。
ནོར་བའི་དབང་པོ་འཛིན་པས་སྣ་ཡོངས་སུ་ཉམས་པ་འཛིན་པར་འགྱུར་རོ། །སེམས་ཅན་ཕ་རོལ་གྱི་ཚིག་གི་རྒྱུད་མི་ཤེས་པས་ལྕེའི་བསྒྲིབས་པ་འཛིན་པར་འགྱུར་རོ། །སེམས་ཅན་གང་ཟག་ཕ་རོལ་ལ་ཞེ་སྡང་བས་ལས་ཀྱི་བསྒྲིབས་པ་འཛིན་པར་འགྱུར་རོ་
D44.037.0065a01.01སྨྱོས་པའི་སེམས་འཐོབ་པར་འགྱུར་བས་སེམས་ཀྱི་བསྒྲིབས་པ་འཛིན་པར་འགྱུར་རོ། །སྡོམ་པ་གསུམ་དང་མི་ལྡན་པས་ལས་ཀྱི་བསྒྲིབས་པ་འཛིན་པར་འགྱུར་རོ། །ངག་གི་ཉེས་པ་བཞིས་ཀུན་ནས་ཉོན་མོངས་པས་སྐྱེ་མཆེད་ཀྱི་བསྒྲིབས་པ་འཛིན་པར་འགྱུར་རོ། །ཆགས་
D44.037.0065a02.01སེམས་དང་གནོད་སེམས་དང་ལོག་པར་ལྟ་བ་མང་བས་ཡིད་ཀྱི་ལས་ཀྱི་བསྒྲིབས་པ་འཛིན་པར་འགྱུར་རོ། །ཆོས་ཡོངས་སུ་བཙལ་བ་ལ་རྐུ་སེམས་འཛིན་པར་འགྱུར་རོ། །བྱང་ཆུབ་སེམས་དཔའི་དམིགས་པ་ལ་ཐོགས་པ་འཛིན་པར་འགྱུར་རོ། །བྱང་ཆུབ་སེམས་དཔའི་
D44.037.0065a03.01མཐུ་ལ་ཤིན་ཏུ་ཞུམ་པ་འཛིན་པར་འགྱུར་རོ། །བྱང་ཆུབ་སེམས་དཔའི་སྐྱོན་མེད་པ་ལ་སྒྱིད་ལུག་པ་འཛིན་པར་འགྱུར་རོ། །བྱང་ཆུབ་སེམས་དཔའི་ཡེ་ཤེས་ཀྱི་སྒོ་སྣང་བ་རྒྱུན་འཆད་པ་འཛིན་པར་འགྱུར་རོ། །དྲན་པའི་སྟོབས་དང་། ཤུགས་ཉམ་ཆུང་བ་འཛིན་
D44.037.0065a04.01པར་འགྱུར་རོ། །དེ་བཞིན་གཤེགས་པའི་བསྟན་པ་ཡོངས་སུ་མི་འཛིན་པ་འཛིན་པར་འགྱུར་རོ། །བྱང་ཆུབ་སེམས་དཔའི་སྐྱོན་མེད་པའི་གནས་རྣམ་པར་སྤོང་བ་འཛིན་པར་འགྱུར་རོ། །བྱང་ཆུབ་སེམས་དཔའི་ཆུད་མི་ཟ་བའི་གནས་ལ་མི་སྟེན་པ་འཛིན་པར་འགྱུར་
D44.037.0065a05.01རོ། །ཉན་ཐོས་དང་རང་སངས་རྒྱས་ཀྱི་སྐྱོན་མེད་པ་ཡིད་ཀྱིས་མཆོད་པ་འཛིན་པར་འགྱུར་རོ། །འདས་པ་དང་མ་འོངས་པ་དང་ད་ལྟར་བྱུང་བའི་བྱང་ཆུབ་སེམས་དཔའི་ཚུལ་དང་། དེ་བཞིན་གཤེགས་པའི་རིགས་དང་རིང་བ་འཛིན་པར་འགྱུར་རོ། །ཀྱེ་རྒྱལ་བའི་སྲས་
D44.037.0065a06.01དག་དེ་ལྟར་བྱང་ཆུབ་སེམས་དཔའ་གཅིག་ལ་གཅིག་ངན་སེམས་བསྐྱེད་པ་ནི་དེ་དག་ལ་སོགས་པ་བསྒྲིབས་པའི་ཆོས་ཀྱི་སྒོ་བརྒྱ་སྟོང་ཕྲག་བཅུ་རྣམས་འཛིན་པར་འགྱུར་རོ། །དེ་ཅིའི་ཕྱིར་ཞེ་ན། ཀྱེ་རྒྱལ་བའི་སྲས་དག་བྱང་ཆུབ་སེམས་དཔའི་ཐེག་པ་ལ་ཞུགས་པ་རྣམས་
D44.037.0065a07.01