完整藏文原文 · 德格版页 当前仅加载第 37 函德格 237a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡོངས་སུ་དག་པའོ། །ཀྱེ་རྒྱལ་བའི་སྲས་བཅུ་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་བཟོད་པ་ཡོངས་སུ་དག་པ་སྟེ། དེ་དག་ལ་གནས་ཤིང་བྱང་ཆུབ་སེམས་དཔའ་རྣམས་སངས་རྒྱས་ཀྱི་ཆོས་ཐམས་ཅད་བཟོད་པ་ལ་གཞན་གྱི་དྲིང་མི་
D44.037.0237a01.01འཇོག་པར་འཇུག་པ་བླ་ན་མེད་པ་འཐོབ་པར་འགྱུར་བ་དག་གོ། །ཀྱེ་རྒྱལ་བའི་སྲས་བཅུ་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་བརྩོན་འགྲུས་ཡོངས་སུ་དག་པ་སྟེ། བཅུ་གང་ཞེ་ན་འདི་ལྟར་སངས་རྒྱས་དང་བྱང་ཆུབ་སེམས་དཔའ་དང་སློབ་དཔོན་དང་། བླ་མ་དང་
D44.037.0237a02.01སྦྱིན་པའི་གནས་ཐམས་ཅད་ལ་ལྡང་ཞིང་བསྙེན་བཀུར་བ་དང་། རིམ་གྲོ་བྱ་བ་ལས་མི་ལྡོག་པའི་ཕྱིར་ལུས་ཀྱིས་བརྩམས་པ་ཡོངས་སུ་དག་པའི་བརྩོན་འགྲུས་དང་། དེ་བཞིན་གཤེགས་པ་ཐམས་ཅད་ཀྱིས་གསུངས་པ་མཉན་པ་དང་། དྲན་པར་བྱ་བ་དང་། གཟུང་བ་དང་། དེ་
D44.037.0237a03.01བཞིན་གཤེགས་པ་ཐམས་ཅད་ཀྱི་ཡོན་ཏན་དང་བསྔགས་པ་རབ་ཏུ་བརྗོད་པ་དང་། ཇི་སྐད་དུ་ཐོས་པའི་ཆོས་རྣམས་སེམས་ཅན་ཐམས་ཅད་ལ་སྟོན་པས་མི་སྐྱོ་བའི་ཕྱིར་ངག་གིས་བརྩམས་པ་ཡོངས་སུ་དག་པའི་བརྩོན་འགྲུས་དང་། བྱམས་པ་དང་སྙིང་རྗེ་དང་དགའ་བ་དང་།
D44.037.0237a04.01བཏང་སྙོམས་དང་བསམ་གཏན་དང་རྣམ་པར་ཐར་པ་དང་། ཏིང་ངེ་འཛིན་དང་སྙོམས་པར་འཇུག་པ་ལ་སྙོམས་པར་འཇུག་ཅིང་ལྡང་བ་ལ་མཁས་པ་ལས་མི་ལྡོག་པའི་ཕྱིར་སེམས་ཀྱིས་བརྩམས་པ་ཡོངས་སུ་དག་པའི་བརྩོན་འགྲུས་དང་། གཡོ་དང་། སྒྱུ་མེད་པ་རང་བཞིན་
D44.037.0237a05.01གྱིས་དྲང་ཞིང་འཆོས་པ་མེད་དེ། སྦྱོར་བའི་བརྩམ་པ་ཐམས་ཅད་ལས་མི་ལྡོག་པའི་ཕྱིར་བསམ་པ་ཞུམ་པ་མེད་པས་ཡོངས་སུ་དག་པའི་བརྩོན་འགྲུས་དང་རྟག་ཏུ་རྒྱུན་མི་འཆད་པར་གོང་ནས་གོང་དུ་ཁྱད་པར་དུ་འགྲོ་ཞིང་མངོན་སུམ་གྱི་ཡེ་ཤེས་ཀྱི་སྣང་བས་དགེ་བའི་ཆོས་ཐམས་ཅད་ལ་ལྷག་
D44.037.0237a06.01པར་དམིགས་པའི་ཕྱིར་ལྷག་པའི་བསམ་པས་ཡོངས་སུ་དག་པའི་བརྩོན་འགྲུས་དང་། སྦྱིན་པ་དང་དུལ་བ་དང་སྡོམ་པ་དང་དེས་པ་དང་། ཚུལ་ཁྲིམས་དང་ཐོས་པ་དང་གཏོང་བ་དང་། བག་ཡོད་པས་ཤིན་ཏུ་བཟུང་ཞིང་ཐོགས་པ་མེད་པར་སྙིང་པོ་བྱང་ཆུབ་ཏུ་འགྲོ་བའི་ཕྱིར་
D44.037.0237a07.01